ريش العنقاء " آلَذهِبّـــــــي"

الريشه 26

ريــّـش آلَعنقــــــآء ﴿آلَذهِبّـــي﴾💛

بقلم الكاتبه " fatima Al najam"

ins: fi20_1
            ✿.｡.:* ☆:**:..:**:.☆*.:｡.✿

ايلول

خلصنه ريوك وطلعنه تمشينه شوي عن العماره حتى ناخذ تكسي وكفت سياره تكسي

ايلول:- Kardeşim beni şirkete götürür müsün?

الترجمه :- هل يمكنك أن توصلني إلى الشركه ؟

السائق :- Evet evet

الترجمه :- نعم نعم

ايلول :- بنات ركبن يله

ركبنا ويا مشه بينا هواي بس انا حافظه طريقته كلش زين استقربت وسالته ب التركي ليش راح على هذه الطريق رد بكل ثقه هذه الطريق اسهل هزيت راسي دقائق ودار وجهه علينه فتح بخاخ ورش ردت افتح الباب طلع مقفول ضلينه نطفر ب مكانه بس ما كدرنه نقاوم هنا بعد ما حسينه ب شي

مر ساعه ورا ساعه وانا فاقده بديت اصحصح على قطرات ماي تطيح عليه ،راسي يريد ينفجر من الالم وانا متمدده على مكان رطب فتحت عيني شفت أشجار و قطرات الندى جاي تنزل

كعدت استوعب أنا بعلم لو حلم ايدي مطينه

:- يمه أنا وين

ثواني استوعبت أنا بغابه أشجار كبار و وقطرات الندى تنزل من أوراق الشجر كمت مفزوعه عدلت حجابي وانا بدأ الخوف يدب ب گلبي غابات تركيا لو مسكونه لو بيها حيوانات مفترسه مشيت بخطوات ثابته ادور البنات واهمس بصوت شبه مسموع

:- بنات ، توته ، دجله ، ليالي

مشيت تقريبا نص ساعه ادور واهمس بلكي الكاهن فقدت الشغف وسمعت صوت خطوات مشي خفت يكون حيوان لبدت ورا شجره

اسع الخطوات تقترب مشي على الأوراق اليابسه

فارس :- اكو احد هنا

أنا سمعت صوته لو احس الخوف كله راح طلعت إلى وهو كمز جانت بيده عصه رفعه عليه

:- الله ياخذج خرعتيني ، ثواني أنتِ شسوين هنا

:- انخطفنا أنا والبنات

:- ليالي وياجن ؟

هزيت راسي بنعم شمر العصه ب غضب وصفك ايد ب ايد

:- امشي ندور عليها

مشيت ورا خطوه بخطوه حسينه اكو صوت ورانا مشينه نشوف مديت راسي لكينه هشام كاعد على جذر شجره مكصوصه

فارس :- هشاام

هشام :- هاي انتم شسون هنا شجابكم

:- والله الي جابك جابنه

:- جلال لعب لعبته هاي المره

فارس :- معناها لمانه كلنا احنه الحبايب