ريش العنقاء " آلَذهِبّـــــــي"

ريشه 22

مساء الخير

ريــّـش آلَعنقــــــآء ﴿آلَذهِبّـــي﴾💛

بقلم الكاتبه " fatima Al najam"

ins: fi20_1

*:;,．★ ～☆・:.,;* *:;,．☆ ～★・:.,;*

ذكرى :- اطلع ماما عندي حجي ويا خالتك ما لازم تسمعه

زهزهان :- اممم وشنو هذه الحچي

اول ما طلع ايليا اردفت بكل جديه

:- مو احسج تجازوتي حدج ، فتحي ذانج زين وسمعيني زهزهان أنا لا خايفه من امج ولا منج انا هنا بس علمود ابني وحتى لا يضل مقطوع من شجره

:- ليش هو اء

قاطعتها :- أنا اكدر انشر فيديو الفندق الي بينج وبين جواد بس ساكته مو لسواد عيونج ولا خوف منج ومن جدج ولا همني اب ولا شركه ولا ام ، أنا الي يهمني ولدي ابني وبس

:- تهددين

:- مو اسلوبي اكدر هسه انشر الڤيديو وتصيرون ترند بس خايفه على سمعة ابني لا تنسين أنتِ خالته وذاك ابو ما يهمني سمعة شركه يهمني ابني

:- بس حبيت اكلج أنا حامل

:- يتربه بعزكم ، زهزهان ترا أنا مو رخيصه مثلج وأحط عيني على زوج اختي صدكي يوم الي عرفت بعلاقته وياج كرهته تقززت منه لا تخافين اخر همي جواد وشكو واحد من طينه جواد

:- أنتِ ليش هيج تردين تاذيني

:- هههاي شوكت تملين من دور الضحيه ، طلعي برا زهزهان فورتي دمي

:- أنا

صرخت بصوت عالي :- طلعي برا

ليالي :-

تعبت من الشغل كلت اطلع اشرب من الكفتريا صار استاذ فارس كدامي وانا تذكرت كلامه البارحه وانا ما رديت إلى خبر وهو هواي مراسلني وانا تمددت وغفيت وما كعدت الا ساعه ١٢ بليل

:- صباح الخير استاذ

رد وهو معصب :- صباح النور

تركته ومشيت وهو ضل يمشي وراي وصار يذب كلام ما فهمتى

:- استاذ جاي تحجي وياي

مشيت بصفه جنت حاضنه الفايل الي بيدي وجنت احجي ويا وانا خجلانه

:- اممم

:- استاذ أنا أعتذر بس أمس جنت تعبانه وغفيت وما ادري يعني ما ادري

:- تمام ما صار شي

:- صدك ، اء عبالي حتزعل

:- لا اكيد مو اسلوبي

:- زين أنا موافقه اذا تريد نطلع اليوم

:- ثواني ثواني ، نعم جاي تحجين وياي ؟؟