تحت الوصايه😫💔
بقلم الكاتبه ام اراي🫣
لتنسون التصويت جدا مهم بنات 😍
حسابي انستا _slltj
بنات القصه حقيقيه وعندي ادله قاطعه وصور لكلشي اطمنو 🫶
-------------------
محمود:خير ابني شبيك فحطان وتلهث صاير شي؟
-عمي الحك مصعب ابنك اعتقلو من محل الحاسبات هوه مجموعه شباب ويا
-انعام:عزا صخام بوجهي يمه مصعب
-محمود:ابني اخذو لشرطه لو لامريكان؟
-والله عمي ماعرف بس يمكن لامريكان
-حامد:هوه هذه لاثول شيفتهم
-انعام:صخام بوجهي مصعب يمه وين جانت مضمومتلك راح من ايدينه لولد يمحمود راح ابني
-ازل:بقيت امي تدك وتلطم ابويه بذاك ليوم ما اوصف حالته كل تعابير الحزن اعتلت وجهه وبقه كاعد ومخلي ايده على عيونه وساكت تقريبا حيله انهدم
-حامد: كوم خويه نشوف شني الساالفه خلي اندور عليه نشوف منو اخذ ربك موجود
ازل:اخذ عمي ابوي وطلعو يدورن على مصعب
خلص النهار كله وهوه ماكو وامي ادك وتلطم واحنه لبنات حالنه مو احسن من حالتها مارجعو احد ماصارت ب١٢ ونص بليل
انفتح لباب وعمي حامد لازم ابوي سانده ويمشون بقهر اتلگيناهم
-انعام:ها محمود بشر وين الولد
-محمود: ماكو دورت السجون كلها ماكو اسمه ومحد ينطي معلومه عليه
-ازل: كلنه نزلنه راسنه وبقينه نبجي وامي تلطم على وجها كل ضنها اخذو لامريكان مو لشرطه وابوي واحنه كلنه هيجي ضنينه رفعت راسي اباوع على ابويه شفت وجهه اصفر وشفايفه بيض
ركضتله
-ازل:بابه شبيك حبيبتي سلامتك
-محمود:ازل بابه جيبي جهاز السكر اليه
-ازل:رحت اركض حته اجيت جهاز السكر انطيته اله بسرعه اخذه من ايدي وجك ايده وخله الدم على لجهاز باوعتله صاعد كلشش خله ايده على راسه
-حامد:شني خويه اخذك للمستشفى؟
-ازل:اي عمو فدوه اخذه وضعه ابد مو زين
-حامد:يلا خويه كوم علىً حيلك
-ازل:مهيمن وشهم ركضو على بابه سندو واخذو وطلعو امي نهارت بقيت ادك وتلطم بقينه ننتضرهم لل٥لفجر رجعو
-شهم:ايناس فرشي لابويه خلي يتمدد يرتاح
-محمود:لا يابه شلون اكدر انام ومصعب مو بلبيت مادري بي اكل شرب نام
-مهيمن:بويه نام واحد هسه طالعين ندور
-حامد: خويه والله هسه اني ولولد نطلع بس ناملك ساعه
-ازل:بقو كاعدين الى ان غمض بابا وطلعو يدورون
بقيت كاعده يمه لازمه ايده ماريد اعوفها احسها شي كلش ثمين نص ساعه وفتح عينه
-محمود:ياعزيزه روحي تعاي نامي على ايدي
-ازل:فرحت كلش ونمت على ايده براحه وامان
مرت لايام واحنه لا ليل ولانهار مرتاحين ندور مابقه مكان مادورنه بي مستشفيات سجون ساحات كلشي
وين مايروحون ميلكونه ويرجع ابويي متخربط ومنهار وامي تضل تلطم صارت عدنه فاتحه بدون ميت
كلها هلمتني امي ملتهيه بلبجي واخواتي ابد ميتقربلي واخواني وابوي يركضون منا ويروحون منا كل الي اكدر اسوي كاعده واباوع لان جنت زغيره يجي ليل انتضر ابوي ينام حته انام على ايده ومر شهر وشهرين وثلاثه الى ان صار على فقدان مصعب ست اشهور ومصعب ماكو امي تغيرت ضعفت وتمرضت كلش كل يوم تبجي على مصعب وتنتكس حالتها اكثر !
أنت تقرأ
تحت الوصايه
Horrorقصه حقيقه - تحديدًا في تمام الساعة 00:00 أكلمكم من أطراف الحياة، افكر بهشاشه حياتي التي فقدتها امام عيني دون عمل شي!لا أخفيكم بأن قلبي يرتجف وروحي تُنتزع مني، دموعي لا تتوقف، روح منهكه قلب ارهقهُ الخذلان والفقد بلكاد احاول لملمه نفسي وتمثيلها على...
