تحت الوصايه
البارت الخامس💙
لتنسون التصويت كلش مهم حبيباتي +التعليق
حسابي انستا _slltj ضيفوني
............:::......::::::::::::::::::
-ازل: فتحت عيوني بصعوبه لكيت نفسي مدده بلكاع
ولوجع ينهش بروحي عيني على لسما لدنيا غوربت
بلعومي متشخط من لصياح حاولت اكوم بصعوبه
كمت باوعت بكل لاتجاهات بحيره وخوف مسيطر عليه
شفت من بعيد كلش بيوت ثنين باب بصف باب ومحل صغير جريت نفس بشهكه ومشيت مسافة بصعوبه ودموعي تنزل على وجهي بقهر حركتي كلش بطيئه
وكفت يم محل وبقيت اباوع وابجي بحيره كل الي افكر بي اريد ارجع للبيت خايفه
طلع الرجال يركض من المحل اجة يمي وكال
-شبيج عمو منو هيج سوة بيج ليش هيج حالج اهلج وين -ازل:عمو ابو سمير تحارش بية هيج سوا بية شوفني
-ابو لمحل: اهلج وين عمو تندليهم حافظة رقمهم -ازل:باوعتله بقهر وهزيت بنفي وحجيت بصعوبه محافظة رقمهم بس اهلي با(......) يم المستشفى
-ابو لمحل:امشي وياية بابا تعالي للحظة حسيتة راح يسوي بية مثل مسوا ذاك
ضليت ابجي واباوعله بخوف حس عليه خايفه منه باوعلي بنضره عطف وراح طب لبيتة كعدت على لصبه ببرد وانتضرهم مر وقت قليل طلعت ويا مرة جبيرة بالعمر مبينة امة تقدمت عليه بخوف وجها مخطوف لزمتني من ايدي وكالت
-كومي بيبي كومي يمة سودة علية حسبي الله ونعم الوكيل شمسوين بيج تعالي نوديج لاهلج
باوعتلها ودموعي تنزل بغزاره انطيتها ايدي ورحت وياها مشينا مسافة واخذنا تكسي وطلعنا لل.....) ابو لمحل وصفلة يم المستشفى مثل ماكتله ذبنا هناك اني اندل مكان اهلي وصلنه قريب على بيتنه فرحت كلش وحسيت براحه
-ازل:عمو بهذا الفرع بيتنا وصلنا دكيت الباب طلعت امي بوجها الاحمر ومبينة مكطعة روحها وخواتي ومهيمن اخوية امي شهكت وضربت صدرها
-انعام: لج يمة شبيج وين جنتي ليش هيج حالج تحجي وتبجي وخواتي يبجون حجت وياها المرة
انعام:لج عيني شلون خاف مسويلها شي ومتعرف تكول شلون خاف هيج ضلو يحجون وية اهلي وتشكروهم اهلي وطلعو ورجعت امي علية دموعها تنزل وتحجي بنحيب
انعام:شبيج مامه شسووالج احجيلي كلشي كطعتي كلبي بلخوف
هي وخواتي ومهيمن يسائلون كلهم هذه لسؤال
بس جنت حرف ما اكدر انطق بس دموعي تنزل وامي بحيرتها وكل واحد يحجي شي اسمع كلامهم وكلبي ينعصر عصر
-اديان: خاف اغتصبوها ؟
-ايناس:لا جان صار بملابسها دم
بقو يحجون واني مكفيه بلبجي
لحد ما طبو مصعب وشهم جرني شهم بكل قوته ويرجف وشبكني بكل قوته على صدره ويحضني ويبوس بوجهي ولقلق ولخوف باين على وجهه سمعت دكات كلبه من كد ماجانت عاليه
-شهم:منو سوالج هيج حبيبتي احجي ابوية شسولج تعرفيهم تعرفين شكلهم منين لزمج؟
أنت تقرأ
تحت الوصايه
Horrorقصه حقيقه - تحديدًا في تمام الساعة 00:00 أكلمكم من أطراف الحياة، افكر بهشاشه حياتي التي فقدتها امام عيني دون عمل شي!لا أخفيكم بأن قلبي يرتجف وروحي تُنتزع مني، دموعي لا تتوقف، روح منهكه قلب ارهقهُ الخذلان والفقد بلكاد احاول لملمه نفسي وتمثيلها على...
