၀မ်ဇီဟယ်သည် ၀မ်ယွမ်ရှန်းကို ဘယ်တုန်းကမှ မလေးစားဖူးခဲ့ဘူး ။ ၀မ်ယွမ်ရှန်းသည် အနိုင်ယူ၍မရနိုင်သောသူဖြစ်ပြီး စိတ်ဓာတ် ပြင်းထန်သောသူဖြစ်ကာ ၀မ်ယွမ်ရှန်းက သူကို အဆက်မပြတ် လိုက်လာလေလေ၊ ၀မ်ဇီဟယ်သည် သူမကို ပိုကြောက်လေဖြစ်သည်။
၀မ်ယွမ်ရှန်းသည် သူ့အပေါ် မုန်းတီးရသည့် မြဲမြံစေသော အကြောင်းပြချက်များ ရှိသည်မှာ သဘာဝအားဖြင့် မှန်ကန်သော်လည်း ဤသည်မှာ ဝမ်ဇီဟယ်အတွက်လည်း သေချာပေါက် ကောင်းသော ကိစ္စမဟုတ်ပေ။
ရုံးခန်းအတွင်း အပူများ မှုတ်ထုတ်နေဆဲဖြစ်သည် ။ အိမ်တွင်းပြတင်းပေါက်များ ပိတ်ထားသော်လည်း တောက်ပသော မီးခိုးလုံးများက သွန်ချနေသလိုပင် ။ လေထဲတွင် ပူပြင်းသော ရှုရှိုက်မှုများနှင့် ပြည့်နှက်နေပြီး ၀မ်ယွမ်ရှန်း၏ ခန္ဓာကိုယ်မှ ရေမွှေးရနံ့များကလည်း သင်းပျံ့နေသည်။
၀မ်ဇီဟယ်က သူ့အင်္ကျီကို ချွတ်လိုက်ပြီး ထိုင်ခုံပေါ် ပစ်ချလိုက်ကာ လေအေးပေးစက် ပိတ်ရန် အဝေးထိန်းခလုတ်ကို ကောက်ယူလိုက်သည် ။ ထိုနောက် ကြမ်းပြင်မှ မျက်နှာကြက် ပြတင်းပေါက်၏ ညာဘက်ရှိ မှန်ပြတင်းပေါက်ကို လှည့်ဖွင့်လိုက်သည်။
ချက်ချင်းပင် အေးမြသောလေသည် အရှိန်ပြင်းပြင်းဝင်လာကာ အခန်းတွင်းရှိ မှုန်မှိုင်းသောအပူချိန်ကို ချက်ချင်းမောင်းထုတ်လိုက်သည်။
ဤအစီအစဥ်များကိုလုပ်ဆောင်ပြီးနောက်၊ ၀မ်ဇီဟယ် သည် စားပွဲဆီသို့ လျှောက်သွားနေပြီးဖြစ်သော ၀မ်ယွမ်ရှန်းအား လျစ်လျူရှုသောမျက်လုံးများဖြင့် လှည့်ကြည့်လိုက်သည်။
လျစ်လျူရှုခံရသော ၀မ်ယွမ်ရှန်း၏ မျက်နှာသည် အလွန်ကြည့်ကောင်းလှသည်မဟုတ်ပေ ။ သူမသည် ရိုးရိုးရှင်းရှင်း ၀တ်စုံကို ၀တ်ဆင်ထားသော်လည်း ချစ်စရာကောင်းသော အနက်ရောင်ဆံပင်ကို သူမ၏ပခုံးထက်တွင် ညင်သာစွာ ချထားပြီး သူမ၏ဘဲဥပုံမျက်နှာကို မိတ်ကပ်ဖျော့ဖျော့နှင့် လိမ်းချယ်ထားသည် ။
သူမ၏ ဘဲဥပုံမျက်နှာမှာ အလွန်သနားစရာကောင်းနေပုံရသော်လည်း၊ သူမ၏ရင်ဘတ်က နိမ့်ချည်မြင့်ချည် ဖြစ်ပြီး ၀မ်ဇီဟယ်ကို ဒေါသတကြီးဖြင့် စိုက်ကြည့်နေသော သူမ၏ အမူအရာသည် ကြမ်းတမ်းပြီး ရှက်စရာကောင်းလှသည်။
VOUS LISEZ
After Being Dumped by his Son's Father
Roman d'amourAuthor 迷之鹿 Status 75 Chapters ဝမ်ဇီဟယ်တွင် ရက်စက်ကြမ်းကြုတ်သော ဖအေတူ အမေကွဲ ညီမလေးတစ်ယောက်ရှိပြီး ရက်စက်သောညီမတွင် သူမလက်ထပ်လိုသော ယောက်ျားနတ်ဘုရားတစ်ပါးရှိသည်။ ဤအရာနှစ်ခုသည် မူလက ဆက်စပ်မှုမရှိသော်လည်း တစ်နေ့တွင်၊ ကြမ်းတမ်းသောညီမ၏ နတ်ဘုရားသည် ထိုစဉ...
