من متشردة إلى زوجة الغني الوسيم ☺️❤️‍🔥

Part 7

بقيييييت كنفكر و سااااااااهية حتى داني النعااااس....
و صراحة هديك الناموسية كنحس بحال طاااايرة فوق السحااااب ماشي فالأرض؛ناعسة مرتااااااحة فيها و رطبة... 😍

[الصبااااااح- يوم جديد!]
فقت على صوت حنين كيناديني: نورة! نورة!!!
حليت عيني و كيبان ليا نيفو على نيفي و قريب شفايفنا يتلاصقو!! ريحتو زويييينة كتحمق! باين فيه هذا شي عطر رجولي غااااالي و ماااااركة!! لابس كلشي باللون الاسود! ولا كيبان كلاااص أكثرررر!!
صراحة أنا بركة عليا غييير هذاك المنظر لي فقت عليه هههههه💔!
حليت عينيا بشويا و وجهي كلو تنفخ بنعاس!! و قلت: اه.. صباح الخير!
عثمان: صباح النور، و الورد، و الزين، يا أزين حاجة شفت فصباحي!
أنا: ههههه (حكيت خدي)
عثمان: ايوا! نعستي مزيان؟ كي جاتك أول ليلة عندنا! و غمزني
أنا: لا و الله مرتاحة فالنعسة! كنحس براسي مزيانة صراحة لاهلا يخطيك!! (ضحكت)
عثمان: كلشي على هد الضحيكة! أنا بقاي غير تضحكي فوجهي و لي بغيتيها تحضر بين يديك!!
أنا: هههه
عثمان مد ليا واحد الصاك ديل براند (Gucci) أنا صراحة شفتو عجبني و بغيت نعرف شنو فيه!
أنا: شنو هذا؟
عثمان: قلبي و شوفي شنو فيه!
جبدت هدكشي لي تما و لقيت شي منتوجات ديل مكياج! صراحة جاوني بزاف حيت مامولفاش نديرو ديما!! و معاه واحد الكسيوة زوينة ديل الصيف بيضاء، و معاها واحد صندالة واااعرة كلاس حتى هي لونها أبيض، و معاهم شي مجوهرات، صراااحة عجبوني بزااف.
أنا: واااااو، هادشي زوين بزاف. واش ليا؟
عثمان: ههه (دار ضحكة جانبية) و ايلا ماكانوش ديالك، ديالمن غيكونو مثلا!؟
أنا: بالصح! شكرا بزاااااف و الله، ههههه، عمرني كنت نحلم نلبس الماركات هههه.
عثمان: لا، عمرك تقولي هكا! على لي لابسينها باش احسن منك آآ؟!! حتى وحدة فوق الارض ماتجي حداك فحتى حاجة! تبارك الله ما شاء الله!
أنا: هههههههههه.
عثمان: ايوا نوضي ازين نوضي! غسلي داك الوجيه راه زااااد تنفخ بالنعاس، و فطري مزيان، و أجي وجدي راسك باش نديرو أنا وياك شي خريجة زوييينة بحالك!
أنا: هههههه(بحماس) بالصح!؟ واخا ها أنا غادية.
عثمان: يلاه، ولكن منستاهلش واحد الحاجة!
أنا: شنو هي؟؟
عثمان: ممممم، زعما ماعارفاش؟
أنا: وا قول خلاااااص! معرفتش!
عثمان: ممممممم، زعما منستاهلش شي بوسة، غير شي بيسة من دوك الشنايف، دوك طريفات دالسكر!؟
أنا: (بالحشمة) هههههه، عيقتي ڨاع! (نفضت الفراش و نضت و عثمان بقا تابعني حتى دخلت للحمام) عثمان: وا عطيني شي بوسة دابا!؟
أنا: وا صافي بعد منييي!
عثمان: لااااءءح! مامبعدش منك حتى ناخذ دكشي لي باغي!
أنا بقيت كنضحك و كنلعب بشعري فصباعي، و هو تابعني و كيقول: بوسيني، بوسيـني.. و أنا دايرة راسي مكنسمعوش.....
وحد شوية غفلتو و درت بستو بالجهد فحنكو و من بعد دفعتو من صدرو و غمزتو، صاااااافي هو هبل و خرج ليه العقللللل و عينيه طارو مع تريكو هابط شوية على صدري، ولكن أنا بقيت كندفعو حتى خرج على الحمام و سديت الباب، خليتو هااابل بهديك البوسة هههههههههه.🤭🤭😉
مهم، وجدت راسي و فطرت و ساليت، و نااااااري كي طلعت تبارك الله، ديك الكسوة شوية قصيرة و لاصقة عليا و جاتني زوينة مع فورمتي و شعري حتى هو و درت شوية ديل المكياج، ماشي شي مكيااااااج، غير چلوس ففمي و شوية ماسكارا و فاغاجو صافي، أصلا منحتاجش كثرة الصبايا الحمد لله ههههه.
صافي مشيت معاه، و كانت أول مرة نركب فطوموبيل وااااعرة و مرتاحة بحال هاديك! حسيت براسي بحال شي أميرة معاه🥰 درنا أحسن خريجة فحياتي كااااملة، لي كنحط عليها يديا و لا كنقوليه بغيتها واخا بالضحك كيشريها ليا فالبلااااصة، صراحة هدشي خلاني نزيد نطمع فيه و ففلوسو، حيت ماغنقدرش نعيش بلا فلوس و أنا معندي احد!!!! و هو هبلتوووو بزيني و بديك لاطاااااي و هديك الترمة لي عندي مخبياها لور، و حتى هو زاد طمع فيا على قبل شهوتوو.
ايوا بقينا كندووورو مشينا غير لبلايص الواعرييين، و حتى هو كيدير ليا بحال شي دري صغير، شاد ليا بخاطري بزاااف، و باينة فيه الصݣع طاااااايح🤭🤭😅.
ايوا كانت صراحة خريجة زويييينة عمري ننساها، رجعنا عيااااانين، واخا كنت فرحانة بزاف، حيت شريت ڤاع دكشي لي خصني و لي بغيت، الحوايج غير الماركات الواااعرين، و الميكاب حتى هو غالي و qualité، و العطور، و الصبابط...... ڨاع داكشي لي بغيتو شراه ليا عثمان>> 🥺🥺.
و دويت معاه بطريقة عميقة، تعرفت عليه و عرفتو شكون و خدمتو و حتى هداك الولد لي كان دوا عليه سميتو رضا (دابا تعرفو عليه) هو ماشي ولدو كان مربيه هو و مراتو من الخيرية، و دبا تبارك الله كبر، ولا راجل، و مقابل ليه خدمتو برا المغرب، حيت كيتيق فيه بزاف، داير فيه واحد الثقة بحال راسو!.....
حيدت حوايجي ، و دخلت أنا و عثمان ندوشو!!
آ الله يهديكم! ماشي دوشنا بجووووج، كل واحد فحمام🤭🤭😅..
صراحة هداك الدوش رخاااني و ريحني، خرجت، جلست فالصالون، و كنت لابسة وااااااااحد الكسوة حمراء قصيرة و شوية مضيقة، و فخيضاتي هكا بيضين كيشعلو و غليوضين و حتى سيقاني و رجيلاتي، عجبني راسي فالحقيقة!
عثمان هبط لقاني جالسة هكاك تبارك الله، و داك الخيييييير! خرج عينيه و بقا مصدوم فيا وقال: تبارك الله، تبارك الله، تبارك الله، ماشاءالله، اااش هاد الجماااال؟ اش هاد الفنوون؟ اش هاد الحميمة البيضاء لي عندي منورة ليا داري؟
أنا ضحكت ضحكة سااااحرة و قلت: هههههه، ايوا أسي عثمان،ماشي من حقيي؟ (غمزتو) نطلق زيني على........... (بقيت ساكتة شوي..) حبيبي(قلتها ليه فودنيه بالهمس)؟
عثمان (حسيت بيه كيدوووووب واخا ممبينش ولكن من الداخل شاعلة فيه العافية): ااي يا هاد الجنية، باينة فعينيك شنو باغة، و حسيتي بيا!! 
أنا بقيت غير كنضحك، و كنلعب فشعري، و كنعسل فعويناتي و كنطير عليه رموشي، و بجوووج بينا بقينا ساكتين هو كيشوف فيا و أنا كنشوف فيه، محركناش عينينا، بحالا هدرنا بعينينا، و فهم بلي....... راني باغية معاه شي ليلة زوينة، تكون بحال كسيوة لي لابساها ليه هههههه🤭🤭🥵.

        يتبع