بقات عادية و هو متبعها بعينيه! هههه، ماشي غير هو😌! الرجال كاملين لي تما عينيهم عليها! بحال شي بلاصة مظلمة و فيها ضوء واحد! جذابة بطريقة غير طبيعية! و تفاصيلها فاتنة! خرجاات و مشات جيهة الجردة! حتى كتصاطح معاه عوتاني داخل! ما دوا معاها ما دوات معاه! هو دخل و هي خرجات!
مشا نيشان عند عثمان بخطوات سريعة! و منعاااودش ليكم! أي مجموعة ديل البنات داز من حداهم ميمكنش ميهزوش عينيهم، يشوووفو هادااك الزين تبارك الله ما شاء الله!
كان عثمان واقف مع اعز صديق ليه و أقرب شريك كيهدرو على الخدمة و حتى فأمور شخصية، حيت حتى هو ميتة ليه مراتو، و زهواااااااااااني أكثر منوو هههه، حتى وقف عليهم هو! قال الحاج العلامي (صديق عثمان): أهلا أهلا أهلا بسي رضا! على السلامة!
رضا: الله يسلمك أسي العلامي، سمحوليا إيلا قاطعتكم! بغيتك ا سي عثمان!
عثمان: واخا اولدي! سمح ليا ا الحاج!
الحاج العلامي: ماشي مشكل خودو راحتكم!
بعد شوية عليه و قال: تبارك الله عليك ا سي عثمان!
عثمان: الله يبارك فيك هههه!
رضا: عاجبك الحال ياك!
عثمان: معلوم! على لي يجي عندو ولدو نهار عيد ميلادو، ميكونش ناشط و عاجبو الحال!
رضا: افففففففف، نتا عارفني مزيان كيفاش داير! و عارفني مزيان معنديييش مع هاد الفعايل ديالك!
عثمان: كيفاش! علاش كتهدر؟
رضا: علاش كنهدر!! راك عافرني علاش كنهدر! شكون هاديك لي جايبها عوتاني للدار! واش مكتخااافش!
عثمان: هههه، و علاش غادي نخاف!
رضا: خاف من الله! و من البوليس إلى عاقو بيك! و ايلا كانو هوما رخييصات، خلي راسك نتا بعيد! و باركة عليك معييتييييش!
عثمان: ا ولدي راه حياتي هادي! ما ضريتك فحتى حاجة! و هدشي فيا ادمااااان! را ملي كنشوف الزين، كيتخلط ليا النهار مع الليل!
رضا: نعل الشيطان، و باراكة من الزهو! اه بالصح حياتك هاديك ولكن...... راني خايف عليك!
عثمان: من حقك تخاف عليا! ولكن.... كي غنديرررر!
رضا: بالصح عندك الحق! أنا غيييير....... هاداك الولد لي.... حنيتي فيه و ربيتيه! ولكن ....... هانية!
عثمان: ماعمرررك تقول هكاك! كتسمع!!!!! (شد غكتافو) خرج ليا فيك الخير لي كنت ربما منلقااااهش فولادي من صلبي!!!
رضا حنا راسو و حضرات بين عينيه صورتها.... و شاف فيه و قال بهدوووء: شكون هاديك!
عثمان: هاديك ا ولدييييي!! واحد البنية! غير البنات الآخرين لي تلاقيتهم! هادي مسكييينة باينة فيها ظروفها لي خلاتها تكون هكا!
رضا: ههههه، ڤاع كيقولو الظروف لي خلاتنا نخرجو للطريق!
رضا: لا اولدي لا! را كانو معايا بنااات عائلات كبااار! بنات شركاء ديالي! هووووما لي فيهم هاداك الڤيس! أما هادي مسكينة قصتها كتقطع القلب!
رضا: علاش مالها!
عثمان: هاديك اولديي... (قاطعاتهم هي و جات حدا عثمان و قالت: عثمان نتا هنا!
عثمان: ااء، نورة! سمحيليا كنت مع الحاج العلامي، شريكي، سمحيليا لا خليتك بوحدك!
نورة: لا مكااينش مشكل! (عينيييها ثابتين فعينيه، الشيء لي خلا رضا يحس بالاحراج و قال: نخليكم!
عثمان: لا اولدي أنا لي غنخليكم! خصني نكمل هدرتي مع الحاج!
نورة: و أنا يلاه باغية نجلس معاك!!!!
عثمان: من بعد و نتي عارفة مزيااااان ايييمتا غنجلس معاك! (غمزها) à toute.. 💋
نورة بقات واقفة و قالت: تفوو!
رضا: مالك!!
نورة: (دارت عندو و عينيها فالأرض) : والو!
رضا: مممم، مزيان!
نورة بقات ساكتة و كتشوف فيه و دورات وجهها للجنب! و قال ليها: شنو جابك هنا!
نورة (دارت ببطء و هزات حاجبها) معايا أنا؟
رضا: باراكة متسطاي عليا و جاوبيني!
نورة: كنظن مكنهمك فحتى حاجة أو لا؟ إذن خليني فتيقار! و دارت باش تمشي... سمعات يديه خبطات على الطبلة، و عاود قاليها بصوت مسموع: راني دويت معاك!
نورة وقفات و بقات عاطياه بظهرها، بعد لحظات قال: و ماكنعاودش هدرتي!
دورات غير عنقها و بقات كتشوووف فيه و كتفكر شنو وقع الصباح و دارت مشات عندو و قالت بعصبية: شنو بغيتي عندي ا خويا! فين كنعرفك أصلا! (و هزات يديها)
رضا (بهدوء): متهزييش يديك! و معمرك تعاودي تفكري تهزيها عليا!
نورة: حتى نتا متعاودش تفكر تدوي معايا!!! ...... كتسد النفس، اففففف! أنا مكنعرفكش و محملتكش!
رضا: ........ واقيلا راك باقية ݣعما جاوبتيني! اه.... اولا حشمتي تقولي علاش جاية!
نورة: حسبني كيما بغيتي!!! مكيهمنييش! كون ما الدنيا الدوارة! ݣعما تشوف وجهي فدارك ا خويا!
رضا: مالكي! ر خصني نعرف كلشي!!!
نورة: و شكون نتا بالسلامة!!!؟؟
رضا: زعما راكي فدارنا لا؟؟؟ و هداك البيت لي..... كتحسبيه ديالك! را بيتي ا لالا! و دابا هدري، منين جيتي؟؟؟؟
نورة: واخا اسيدي! ا مول الدار!!! متخافش مني انا ماشي شفار!!!! (بقات ساكتة و عينيها غرغرو) أنا غير وحدة (بادية على هدرتها نبرة البكاء) بحال هدوك لي كيجيب باباك لعندو، دابا يدوز وقتي و يشبع مني و يرجعني للزنقة منين جابني!!!!
رضا: الزنقة؟؟؟؟
نورة: اه!! عائلتي لايحيني بلا شفقة بلا رحمة!!........ و زايدين عليا كيسمعوني الهدرة!
رضا: كيفاش عائلتك لايحينك!!
نورة: أنا عيييييت! عييت مبغيتيش نزيد أكثر!!! (نزلات من عينيها دمعة) مبغيتوش يقيسني فالحراااام! حيت أنا ماشي بنت الحرام! الدنيالي باغة تردني بنت الحرام!!!!!
رضا: هدشي لي قلتي مكيدخلش للعقل! و مكينينش... والدين يلوحو بنتهم للزنقة!! كدبي شي كدبة مزيانة!
نورة: ناااااري شحال كتجرح! مكنعرفكش مزيان ولكن اول حاجة تأكدت منها فيك أنك كتجرح و مكتراعيش للناس!! ........ أنا كون كانو عندي والديا ݣعما نخرج للزنقة! أنا واليديا مشاو و خلاوني بوحدي، الله يرحمهم! بقيت كي الخدامة عند عمتي و راجلها و ولادها لي مكيحملونيييييش! حرماتني من القراية لي كنت كنجي ديما اللولة فالقسم!! و زايدها ولدها كيدور بياا! باغي يقيسني بلا اعتباااااار! حيت معنديش الخوت و العائلة وليت كنبان ليهم معنديش معنى!!! و مو فاش شافت دكشي بطبيعة الحال غتجي من ولدها و غتلقا السبة باش تجري عليا!!
داز عليااا العذااااااااب! و مكاااانش عندي الحل إلا نمشي لهاد الطريق! لاهوما نبيع راسي غالية! و لا..... نخلي الشماكريا فالزنقة كيتلصقو عليا...... و يتلذذو فيا فااااابور!!!! كلاب!!!! مكيحسوش! الله ياخذ فيهم الحق!!!! أنا كنتعجب غييير كيفاش غتكون نهاية هديك المرأة و هي لايحة ولية للشارع! مخايفاش لا تخرج ليها شي دعوة فبنتها!!!!!! اااااه (تنهدات) ولكن ماكاين باس، هدا زهري و مكتوبي كندوزو! و نيت مكتوب عليا، على آخر أيامي يوليو الناس ينعتو فيا بقليلة الحيا و كنبيع لحمي!!! عمري تخيلت راسي نوصل لهاد النقطة!!!! و حتى شي باب الحلال متحل ليا فوجهي!!!
رضا بقا كيسمع ليها متأثر و قال: الله يصبرك!
نورة (صرطات ريقها و قالت) مغنسمحش ليك على الهدرة ديل الصباح! ذبحاتني من الدااااخل! حرام، عيب عليك!
رضا: مكانش فراسي! و زيدوون،..... داخل لبيتي من المفروض نلقاه كي خليتو! و من الفوق لاقي فيه!!!! وحدة كتشطح بهديك الطريقة، و هداك اللباس! شنو كيعني دكشي!!!!
نورة: ماشي مشكل.... من حقك!!!!💔
رضا: و غير باش تفهمي بلي...... سي عثمان ماشي نتي أول و آخر وحدة غتدخل لدارو! قبل منك عدد! و على حساب لي قلتي، نتي وحدة مخصهاش تتيق فبحال هد النوع! اه هو بحال يا و رباني و كبرني!! ولكن هذي حقيقتو، و كنقولها ليه فوجهو! و أنا من جيهتي، كنقول ليك...... سمحي ليا، آ........
نورة: نورة!!
رضا: نورة.......... (بقا كيشوف فعينيها و مركزززززز، لثواااني، و ابتسم ابتسامة جانبية خفيفة و قال: سمحيليا ا نورة!
نورة حركات ليه راسها بأه...... و مشات للحمام!
بقات تما كتبكي كتبكي كتبكي!! بكاااااااات حتى بردااااااات عليها! و الهدرة ديال رضا كتدوووور فراسها! و تأكدات بلي دابا هي فوضع مخصهاااااش تكون فيه، حيت على كل حال كتبقا فهد الوضعية!!! كـعـاهـ ـرة فدار سي عثمان!
بكات حتى شبعات من بعد دارت retouch للمكياج ديالها، و هبطاااات تكمل الحفل بحالا ما وقع والو!!! و قلبهااااا ربي لي عالم بيه شنو هااااز.. النار لي شاعلا فيه و كتحرقوووو💔💔💔🔥...
يتبع
(سمحو ليا ربما البارت قصير را خصني نمشي نكمل preparation را غير كنسلت باش نكتب ليكم شي بارت جديد، و موااااااح عليكم كاملين💋🌚💘💘)
VOUS LISEZ
من متشردة إلى زوجة الغني الوسيم ☺️❤️🔥
Romanceتحكي القصة على فتاة مغربية من الدار البيضاء؛ عمرها 19 سنة: فاتنة... أصبحت متشردة في الشوارع لظرووف قاهرة.... اضطرت أن تصبح فتاة ليل!! فتاة متعة! لرجل خمسيني... مستغلة جمالها و شبابها و لأجل متعته... ظروفها حتمت عليها الخضوع و الاستسلام له و أن تعيش...
