إراه بقلبي

نظرات لمستقبل مجهول

سنة كاملة تفصلني عن حلم جنت انتظره من زمان هواي ..
الاجواء حلوة ياربي مثلا اشتريت بطاقة تهنئة بمناسبة دخولي للسادس وهم اني مشاركة بتحدي القراءة العربي بعد المراحل والتصفيات طلعت الأولى فجانت مشاعر مستحيل تنوصف من الفرح الشي الي ضجت بي حقيقة لما كملت الجدول طلع حسين الهاشمي حاذف فيديوهاته فعلاً ضجت بس مو حجة حتى أتوقف.

اليوم ٢٠٢٢/٧/٣

لازم نروح لمقر التربية العام لما افكر شعندي دخلت بهيج تحدي كبير وخاف اقصر بالدراسة لكن حلو التحدي هاي هيج اني بداخلي خلايا تتعارك وخلايا تتفق ..انا اعيش حياة متناقضة كلساع شكل هههه ..بس كون يصير عندي مجال اشارك بعد تحديات دولية إن شاء الله تعالى 😃😅
حتى لو بالسادس المهم انظم وقتي لذلك .

طلعت من البيت وصلت للكرخ البناية وصعدت الباص بعدين اخذتنا للتربية جان الجو مغيم بس حار ..

لما وصلنا عزة اول مرة بحياتي ادخل هيج بناية كبيرة جدا وحلوة لكينه بابل والبصرة جاي يمتحنون قبلنا فأول شي دخلت لغرفة نمتحن هنا وبعدين يختارون من عدنا ١٠ خمسة تتأهل للجنة الموجودة بقاعة فضلان ..
الشي الغريب انو اسئلتهم نظراتهم ماحسيتهم لجنة حقيقة فرجعت بعد الامتحان للقاعة انتظر وما طلع اسمي من ضمن ٥ ضجت بداخلي ورحت افتر بالمبنى واسمع واباوع أتأمل كلت معقولة ما افوز يله المهم الصحة والسلامة هههه
صحت لآمال بنية وياي اخذتلي صور عادي بالحديقة الكبيرة الخاصة جانت جدا حلوة البنات الي وياية يجننون يخلوك بجو تعيشة حلو فخلصنة الاختبار وطلعنا من التربية ورجعت للبيت جانت هذه اللحظة من اجمل اللحظات بحياتي وهسة لازم ارتاح حتى اكعد اقرا .

بعد العيد تطلع نتائج التحدي خليني هسة اشوف جدولي شكو ماكو بي .
وأخيرا لكيت الجواب لسؤالي انو شعندي دخلت تحدي دولي واذا خسرت شنو شعوري ؟
الجواب : التحدي هو افضل مشاعر تشعر بيها في هذه الحياة فهذه الجملة كفيلة أن تصف براء فعلاً أنا من دون تحدي لا يمكن انو اعيش فالحياة مغامرة وبطلهت انت .إذا انت من تختار طريقك القوة أو الكسل التحدي أو المشاعر البسيطة ..
بعد العيد جنت شوي ماعرف النتيجة مال تحدي بس احساسي انو ما اختاروني .
راسلتني مدرستي الباحثة الاجتماعية وكالت المديرة جدا ضايجة ومقهورة انو اسمج تم استبعاده .

فرحت راسلت استاذ (..)

صحيح استاذ انو اسمي تم استبعاده..
الاستاذ : لا يأبه محد يدري

بعدين ورة العيد علنوا النتيجة ولم يكن اسمي معهم انقهرت لأني الاولى ميصير لازم الأولوية إليه امتحن باللجنة الأساسية المهم ماريد اتعبكم رحت كلت خل اعتذر لاستاذي جدا رائع لما راسلته على الواتس اب شاف راسلتني وما جاوبني
كلت معقولة هيج ؟!
فخاف مشغول المهم على فراغه يجاوب ..ماعرف احس الكل خذلني وخاصة بعض المدرسات جانت بالنهاية تكررر كلمات لا تفشلينه كدام التربية !!
كأنه اني رسبت استغفر الله ههههههههههه

وفي جهة أخرى استاذ شهاب هو فعلاً شهاب لن يتكرر قدوتي هذا بالحياة الله يحفظه فأحب اكوله انت فعلاً استاذ زاد الله من امثالك ..
تدرون شي لما اللحظة الي طلعت نتائج التحدي سديت باب الغرفة وضحكت من كل گلبي لأن اكو حكمة تكول عظمتك تكمن في كل لحظة قررت الاستسلام ثم لم تستسلم...
يله الحمد لله على كل حال حاسة قصتي بالسادس حتكون مختلفة أحسها من السادس الابتدائي الي ما الطلاب جانوا يضحكون عليه ويكولون الشاطر بالوزاري فطلعت الأولى إضافة حتى المدرسات جانوا قليل يشجعوني لكنني بدأت وقررت وعملت وصلت حلو لما يحاربك الكل بس توصل وتنجح تباوع عليهم هيج 🙂😏

بعد الصلاة وبعض الأعمال اليومية رحت احجي وية مديرتي على المسابقة انو وضحت الها ما شيء بس اريد اعرف وين الخلل أو السبب الي استبعدوني فكالت إليه : باجر روحي للتربية وعرفي السبب .

فرجعت للاستاذ وسالته بس ما وضحلي .
الأهم صح ما تأهلت الحلو طلعت الأولى على ٣٦٠ مدرسة اني ظليت صافنة وفرحانة حيل أو إنجاز بحياتي هيج قوي ..
كل الايام الي تمر بالإنسان حلوة مهما تكون بحزنها الها طعم خاص وبفرحها هم لا تخلون شي يوقفكم لأن كلنا جاي نمر بظروف بس رب العالمين يعرف صعوبتها وانتوا بداخلكم
قريت أحد الكلمات بأحدى الروايات تگول : "قرأت في مكان ما أن الشيء الوحيد الذي نستطيع أن نفعله لكي نناهض عدم واقعيّة العالم، هو أن نروي تاريخنا الخاص."

أن نروي تاريخنا الخاص هذه جزء من مذكراتي الخاصة والي ما زالت لم تبدأ إلى الآن هيا مجرد لحظات ارويها لأن القادم حيكون اصعب الي ما ادري الي ولا جنت متخيلته بحياتي ..