إراه بقلبي

‏"كل شي يجعلك تبتسم، احتفظ به سراً

فعلاً أنه هذا الموضوع ما جنت مفكرة بي وجانت ماما هواي تنصحني بس أحسه ما يفيد انو تقضون أموركم بالصمت

لا تحجون لأي شخص عن أحلامكم واهدافكم قبل لا ادخل السادس جانت عندي قوة حيل هواي وشغف واي أحد يسالني اكوله بسرعة معدلي الي أطمح اله والقسم أو التخصص وبكل مكان احجي عن أهدافي وطموحاتي
دير بالكم !!
تسوون هيج مو لأنه خاف تنحسدون لا هيا شي نفسي اذا تظل تحجي للناس عن مخططاتك راح تفقد فاعليتها بداخلك وما تزداد الإرادة لذلك ما يتحقق ...
خلصت العطلة وبدأت المدرسة وحضرت الملابس عيني وتصوير لقطات عود طالبة سادس 😅😁 فأول يوم جان اسوء يوم هههه
رحت للمدرسة واعرف اكو الأغلب من صفي داخلين معاهد ومو اي معهد عادي لا مال حيدر وليد وحسين الهاشمي ذولة الأساتذة المتميزين .
فاعرف انو مو الكل دخل المعهد حتى تطلع معدل مجرد حتى تسكت كلام الناس والعائلة والا وهي مرات بنات يراسلوني يخلون المادة تتراكم وبالتالي ما يدرسون ويرسبون فالمهم دخلت الصف وبدأ الدرس الأول جان عربي شرحت عن نظام السادس وكيفية ترتيب الوقت لذلك وأخذنا اللغة الانكليزية وهم رياضيات وكيمياء ..
المشكلة مدرستنا جانت أساتذة السادس فد شي يعني المدرسات كل مادة تنطي حقها هسة الأغلب انقلن وهاي الي ماخذة إجازة أمومة وهاي مريضة فالمدرسة صفت بقت كم وحدة وذني الي كم وحدة تدرس متوسطة واحنا !!
زين هاي شوكت ينطون حق المادة وإضافة إلى ذلك اكو مدرسات مو مال السادس بله البقية معاهد اني شلون ؟؟!

وهاي مرحلة مصيرية بالنسبة إليه اووفف رجعت البيت وحضرت المادة وثاني يوم رحت فجتي احدى المدرسات جان تكول عيني بنات السادس ماعندكم مدرسة احياء فيبقى عليكم انتوا تدرسوا !! 😃😭 هههه الصدمة بس متعودين اني بالخامس ماكو جانت مدرسة احياء وجتي قبل نصف السنة باسبوع مشتنه المادة شلون ما جان ..
باوعت هيج المدرسة ام الرياضيات تشرح بالزاوية واني معتمدة على غير مدرس احس المعلومات كامت تتشابك هههه والعربي هم ..
رجعت البيت وكلت راح اخذ قرار جنت ما مفكرة بي وجنت أكول مستحيل اخذه الي هوا الانتساب واني ادرس بالبيت على الأقل الوقت لا يضيع ..
كلت لأهلي وافقوا واروح للمدرسة وياجلوني شبعت تأجيل حتى كرهت كل شيء وانوب رحت التربية الكرخ حتى اقدم !
فبعد كم يوم ويمكن طولت أسبوعين اكثر هيج شي وصرت طالبة انتساب كمت اسوي جدول واول الأيام امشي عليه مثل اسمي ويوم بيومه وامتحن على قنوات التلكرام وانظميت لهواي أساتذة ونزلت وزاريات حضرت كل شيء..
فبعد مدة شهر كمت انام هواي اريد اكعد اقرا ماكو اغلب الوقت كله انام عزااا شلون هسة يوم انظم وقتي والثاني يروح احس المستقبل راح يضيع احس هاي السنة راح تكون مختلفة ..
عزا بس لا ارسب هاي الأفكار تجيني والخوف هم .فكلت بداخلي براء انتي عديتي 11 سنة بقت على هذه السنة يله شدي حيلج عندج حلم ..

كمت اقرا وحدي اجتي امتحانات نصف السنة وامتحنت بس الرياضيات لما رجعت احس كل شيء خطأ عندي بحيث انو اني بعدني ما مخلصة مادة فقط الاول والثاني والثالث بعدني وهيا أكثر الاسئلة جابتها من الثالث 💔💔
رجعت كلت بداخلي حتى لو ارسب بي اني انتساب ادخل وزاري ميخالف عندي بعد فرصة ثانية ونصف السنة مو مقياس ...
فجتي العطلة وكمت اطلع زيارات وأروح لاقاربي واحس كلما اصلي وادعي انجح انو اني راح اطلع راسبة بالرياضيات اول وتالي فما يفيد الدعاء هيج بداخلي كلما ادعي ...
كلت استغفر الله مو وقتها خل استمر بالدعاء ..
خليت هاي العطلة عطلة على حقيقتها .

خلصت وهنا الصدمة أو اني اعرف النتيجة من اجوبتي .
داوموا صديقاتي اول يوم واجلوهم على موضوع النتائج بعد لأن بعدهم ما مدققين ..
لما اجه يوم النتائج صديقتي المقربة رسل هيا الي دائما تجيبلي اخبار المدرسات واني وياها درسنا بالعطلة بحيث شاركنا كل اللحظات الحلوة معا دكتورتي احبها جدا واني واثقة بيها راح تنجح
لما رجعت راسلتها هيا بسرعة تشوف الرسائل كلت الها رسل بشري شنو نتيجتي ؟! جان كالت براء ما سمعت المدرسة شنو نتيجتي ؟
حسيت بداخلي والله انو راسبة بس متريد تكولي خاف انقهر لأن هيا مستحيل ما تسال على نتيجتي .
جان تكول براء خل اروح اصلي وبعدين احجي وياج
كلت مراح تحجي رسل اني اعرف بيا طريقة..

رحت لحوراء وسألتها كلت الها الله عليج احجي شكو راسبة اني اعرف والله بس احجي
جان تكول : براء انتي راسبة بدرسين فيزياء ورياضيات 🙂💔💔

كلت الها صدك تحجين ؟؟!
كالت اي والله
جان كلت الها وشكد درجاتي بيها
كالت رياضيات 44 والفيزياء 48

اني ما انصدمت كلت الحمد لله ميخالف اكو بعد فرصة واكدر احقق الي اريده لازم احاول أكثر وبعد ما انام لأن النوم ضيعني وخلاني هيج هسة المهم تعلمت من خطاي ..
المشكلة اكو بعض البنات كامن يراسلني ويضحكن وانوب يحجون صدك راح تعيدين السنة باوعت على الرسائل لأن كل سنة أولى اطلع وهسة لا ..
فكعدت وية نفسي على السجادة وكلت لرب العالمين يارب ساعدني يا الله اني لا معهد ولا مدرسة لوحدي احارب كل شيء ماريد حلمي يروج اريده يتحقق ساعدني ..
خبرت ماما وانقهرت بداخلها كلت الها ماما وعد مني بالوزاري غير تطلع درجاتي 💔😭
بابا ما خبرته أحسه نساني أو نسى نتيجتي مادري ماما خبرته بهدوء وكالت اله لا تسألها ..

السبب الي خلاني ارسب هو النوم وضيعته الرياضيات أما بالنسبة الفيزياء فخلصتها بس لأن وقت ضيق ماكدرت اراجع رحت للامتحان بس فصل ونصف مراجعته يله مهما تمرون بظروف اخليكم تتوقفون انتوا عاندوا اكثر ولا تستسلمون اني ماحب اكتب شي سلبي بس الي اريد أوصله وانطي رسالة انو لكل انسان اله قصة مختلفة وبيها صعوبات كومة لا تستسلم من اول خطوة وفشل صدكني خليها في عقلك مادام حلمك كبير فأنت تواجه هيج صعوبات اصلا لازم تفرح لأن هيج جاي تواجه فما بعد العسر يسر ....