المقدام(الأصلية)

الثأر الخامس والعشرين

يا حَنين شصار ، چا موش أحنّا منك وأنتَ منا ؟
كلي منين مر بيك الضَباب و تَيهِتني؟.

وشمالها عُيونك نستَني
ويا مراية الغَرتك هيچِ وعِفتني؟!

قراءه ممتعه 🕊️
---------------------
ملاك:-فزيت الصبح على احد عضني كعدت اتلفت عبالي حور لو ادم باوعتله عمر.

:-اهوووو خلونه مخمودين، عفته ورديت نمت.

عمر:-كوومي شبيج.

نافخت بملل وكعدت اباوعله بضوجه.
ملاك:- شرايد يولي مو جاي تشوفني مخموده.

عمر:-ماتكومين لو اهفج براشدي هو اني هماتين سحلوني من الفراش ومحمد.

باوعتله بأستغراب ورديت سئلته.
ملاك:-شصاير خير .

عمر:- هسه شعرفني شو دكومي.

فريت ايدي، تهي بهي الناس من الصبح يكولون صباح الخير واحنه نكعد على المشاكل.

ملاك:-كاااايمه.

كمت اسحل بنفسي سحل ميته نعس ،باوعت عليه شمر نفسه على فراشي ونام ،تكعدني وتنام مو اني اعلمك بسيطه.

شلت الدولكه مال مي درتها فوك راسه وطكيتها ركضه ليجوه وهو كام ورايه ويغلط.

نزلت جوه ميته ضحك عليه وهو يركض ورايه،ركضت ختلت وره اناهيد وهو يريد يلزمني.

اناهيد:-عززه عزه فضحتونه ولكم جاينه خطار راح يوصلون.

عمر:- ماكوو شو انطينياها ،اليوم اذا ماكطعتج اني اعلمج.

ملاك:- هاي شبيك عموري والله ماسويت شي ههههههههههه.

لزمت بطني فحطت من الضحك وهو يعضلي اصبعه ويسويلي اني اعلمج.

همزين صاحه حسين وطلع.

أناهيد:- ولج انتِ ماتجوزين شمسويه للرجال.

كرصت خدودها، كعدت بالكاع ورديت جاوبتها.

ملاك:-شوفي هسه انتِ ترضيها اني نايمه يكعدني وهو يرد ينام.

ف ياعيني والله طكيته بماي وانهزمت هههههههه.

اناهيد:-شكد ادبسز وطايحت حظ خطيه الرجال.

ملاك:-اوووي اووي شبيكم ماتحبون الشقه ،عافتني وردت ماعرف شنو تسوي ،ضليت صافنه وكل مااتذكر منضره ارد اخرب من الضحك.

شويه وصار صوت هوسه بره وصوت سيارات ،فتحت البرده اشوف شنو هاي واناهيد ورايه وزهراء هماتين جتي.

ملاك:- ولجن شبيجن دخلني اشوف.

اناهيد:- نجبي وخلينه نشوف وياج.