المقدام(الأصلية)

الثأر السابع

"المقدام"
بقلمي-ايه الطائي

#لتنسون التصويت للبارت والتعليق على كل فقره ومشاركه القصه مع اصدقائكم
------------------------
اناهيد...
ردت احجي دك التلفون وكفت على حيلي جسمي كله يرجف متردده اشوف منو المتصل وهذا اليصير بحالي كل مارن جهاز بهل بيت

ملاك...جاوبي شبيج

اناهيد...
بلعت ريكي بصعوبه فتحته واني كلبي يرجف حيل جان الاتصال من رقم غريب
ومجرد مااجاني صوته كمزت حيل واني اسمع كلمت بزونه منه

بعدها ماكدرت اسيطر على نفسي وكعت بالكاع منهارة بس اشهك وكوه احجي وحور مجلبه بيه عبالها شو شبيه

اناهيد...روحها روحها لبزونه

اجاني صوته يهمس بتعب
-على كيفج بويه لاتكضيها بواجي خليني اشبع من صوتج كوه حصلت اتصل بيج بهل حال

اناهيد...اشتاقيتلك والله ارجع حباب لك ضعت من دونك شلون انطاك كلبك تعوفني وتمشي

بجيت معاتبته وهو يحاول يهدي من روعي رد كال
حسين...ماضل شي بويه صبري فرجت وداعت عيونج فرجت راجعلج

اناهيد...عليمن كاعد تقشمر والاخبار معتلكه الله يخليك ارجع ارحم بحالي

حسين...الله الحافظ بويه

سكت شويه ورد حجه بعد ماسمعت انفاسه شلون اضطربت مثل شخص جان بسباق
حسين...حور اناهيد بويه وين حوريتي

التفتت عليها حتى نسيتها كوه الا حجت وياه زعلانه بس تبجي حجت شويه وياه وشمرت الجهاز ماكو معنده الأ هسه يجيها زفرت نفس بحيرة وسحبت الجهاز منها

حسين...اناهيد بويه نزليلي التلفون لامي
بللت شفتي بحيره هسه شكله تعاركت وياهم بلعت ريكي بصعوبه وحجيت...مااكدر انزل

حسين..شبيج حبيبي سولج شي أذوج

اناهيد...لا بس اتعاركت لتخاف مرتك ذيبه اخذت حقها وزايد.

حسين...ديري بالج على نفسج بروح امج لاتبجين عيونج تتأذه،واليندك بيج طيحي حظه لاتسكتين عن حقج وهسه لازم اسده مستعجل الله شاهد مابودي افاركم

راد يسده بسرعه صحت فز مرعوب خطيه
حسين...شبيج ياروحي انتِ شصار

ضليت افتر ماعرف شلون اكله مستحيه وماعندي فكره شلون ممكن افتح الموضوع وياه
وملاك كاضيتها تتمضحك عليه خزرتها ورديت تحمحمت

همست بصوت مخنوك
اناهيد..اني حامل
للحضه عم السكون بينه فززني من صاح بصوت عالي
حسين...بروح ابوج اناهيد صدك حامل عليج الله
مسحت دموعي وجاوبته واني ابجي وانحب بألم