part1"المقدمة"
#شروقي_المظلم
فتحت عيوني نسوف لسقف الدار يارب شن هالحلم البشع كان اقرب للحقيقه اوووف شن بيصبرني بس لو
قطع عليها تفكيرها صوت باب انفتح
ناضت قعمزت وفتحت عيونها بصدمة لما طلع من الحمام لابس سروال وفوطه على رقبته
.....:نقولو صباح الخير ولا مساء مرتي الجميلة 😉 وشدد عااخر كلمة
داريا حست دماغها يدور وثقيل رجعت رقدت وغطت وجها و...
نرجعو بالوقت شويه قبل 8 شهور شن صار وكيف وصلت لهنا وليش مش متقبله حياتها؟
خلي نعرفكم عالابطال قبل 😁
عمر المشهور بلقب "بلاك":شخصيه بمجرد ذكر اسمه الرعب يحضر انسان غريب يحب يشوف الناس تتألم تاجر اسلحة عايش في بريطانيا من سنين بسبب مشاكل صارتله في ليبيا
دنيا:مرت عمر حياتها معاه كانت عبارة على ضرب واهانات وعذاب لحد ما ربي تفكرها وريحها منه،بس شن السبب اللي يخليه يعذبها بأبشع الطرق! 🤷♀️
فهمي:بو دنيا راجل طماع وجشع جدا كل همه مصلحته وربحه بس
امنه:امها انسانه طيبه وروحها على صغارها بس ضعيفه هلبا قدام راجلها وتخاف منه ماتقدرش تقول كلمه معاه
باسم:خوها الكبير اناني هلبا ومايحبش اي حد من عيلته ببساطه وارث طبع بوه
داريا:اختها الصغيرة شخصيتها قويه،عايشه بس لروحها ولأمها ديما في مشاكل بينها وبين اختها بعد الثانوية طلعت بمنحة لالمانيا تقرا ادارة اعمال
فتحي:اب عمر راجل مايحبش كثرة الدوة يعطي الاوامر ويفوت يحب ولاده هلبا رباهم عالقوة والثقه بنفسهم وطلقهم في الحياة،مايدخلش في خدمتهم كان يخدم في السلاح وبعدين سيب،فتح عدة معارض سيارات وحول الشغل لولده الكبير
عمران:خو عمر الصغير من بوه واللي يحبه هلبا كأنه ولده
حسنيه:مرت بوه مرا نص طيب نص شرير، تكره عمر وديما مشاكل هيا وياه
فيصل:صديق عمر وايده اليمين في كل شي شخص هادي هلبا بس وقت يتعصب لازم من الدم
شهر 1سنه2013
مقعمز يدخن ويغني خش عليه واحد من جماعته
محمود:سمعت منو جاي للبلاد
جان:منو
محمود:بلاك
جان بعد ماكان يدندن وقف وركز في الحيط قدامه وطيح دخانه:اوووه ليش!
محمود:مرته ماتت وجايبها بيدفنها هنا،قالو عنده صفقه
جان:كويس كويس لازم نديرو الواجب طبعا
محمود ضحك:الله لينا وقت مكسدين
بعد يومين تحديدا الساعه 9:00صباحا
واقف في الطريق يديه في جيوبه ودخانه في فمه:هدا وينه
يسمع في صوت دوشه وراه داخل المطار تلفت يشوف في بنت تعارك وتتكلم بصوت عالي قامت يدها وضربت واحد كف،كبرت القصه وصارت شوشرة
الحراس التفو عليه
عمر قال شي بهمس ورجع يدخن بهدوء بعد دقايق
درست قدامه سيارة
عمران:تي وربي لا نورت ليبيا برجعة الزعيم
عمر بدون اي ملامح:الله يسلمك
عمران حضنه:استاحشناك
عمر:تكلم على روحك بس هيا الوقت
عمران:ديما مستعجل قصدي مزال الساعه 9
عمر: الدوشه
عمران سكت وكمل باقي الطريق بدون صوت لانه عارف خوه لما يقول الكلمه هدي معناها الهدوء لازم يعم
وصلو بعد ساعه بسبب بعد المسافه
فتحي سلم عليه بحراره:الحمد لله عاسلامتك يااسدي عظم الله اجرك
عمر باس ايد وراس بوه:اجرنا واجرك عالله
خشو مع بعض
حسنيه:اهلين البقيه في حياتك
عمر اكتفا بنظرات حاده ليها:انا بنركب نرتاح ساعه زمان وبعدها نمشو
فتحي:ولدك وين!
عمر وقف عااول درجه وضغط على سنونه بقوة:بيجيبوه بعدين
فتحي:ليش ماجبته معاك مستاحشه هالمعفن
عمر كمل طريقه لداره وهوا متعصب من بوه اللي مستمر يذكر فيه بالماضي اللي خانقه لليوم خش دوش وطلع اتكى على سريره وهوا يقلب في هاتفه لحظات ومشا في نوم عميق
اما في حوش الموت 😢
امنه تعيط وتبكي:ااه يابنتي رحتي في عز شبابك مالحقتي تربي وليدك وتفرحي بيه اااه ياناس بنيتي كبيدتي
وسلفاتها وخواتها يصبرو فيها
عند بوها اللي مش متأثر نهائي مقعمز يستقبل في العزا ولا هامه لين شاف 4سيارات مظلمات خشو من البوابه زبطهم وقف ومشي بسرعه كلم خوته،نخص ولده اللي كان هايم في الهاتف
نزل من السيارة الاولى هوا وبوه وخوه والسيارة الثانية فيها الجثمان والباقي حراسه
فهمي:اهلين بنسيبنا الحمد لله عاسلامتك
عمر ببرود:عظم الله اجركم
فهمي:اجرنا واجرك على الله تفضلو تفضلو
خش هوا وبوه وكل الناس تقدملهم في فروض الولاء والطاعه 😂 ومن مايعرفش عمر بلاك
عمران:جو الناس كيف متجمعه عليك قريب يبوسو رجلك
عمر:بطل ابتسامات وخلي عندك شخصيه
عمران:علاش انا نحب نعيش هكي ببساطه مش زيك انت وبوي
عمر شافله بحده:نحكو فيه الموضوع
نزلو ولاد عمها الثابوت ودخلوه للمربوعه الخارجيه حتى تشوفها امها وتودعها
بين كل هالدوشه والزحمه وصلت سيارة نزلت منها وهيا قارنة حواجبها وكأنها جايه مغصوبه
ولد عمها معين:شكلهم وصلو عيلة النم هادو
داريا قامت نضارتها:من هما
مغين:راجل اختك تاجر السلاح الكلب مش عارف عمي كيف يزوجها ليه
داريا تنهدت بملل وكأنها فاده من وجودها في المكان هدا:انا بنخش لأمي نتلاقو بعدين
مشت لحوشهم حاولو يحضنوها ويعزوها بس وقفت الكل وماسلمت عاحد
خالتها سميه:بنيتي سلامت راسك
داريا:امي وين
سميه:اهي داخل تودع في وخيتك خشيلها
داريا خدت نفس عميق وخشت تشوف في امها تبكي وتبوس في راس اختها الميته،بوها وخوها واقفين بعيد بدون اي ملامح حزن
سميه:اهي بنتك جت
امنه تلفتت ومشت تجري حضنتها:بنيتي استاحشتك ياكبدي شفتي وخيتك قعدت سنين بعيده علينا ويوم بنشوفها يجيبوها في صندوق
داريا حاضنه امها وهمستلها:ادعيلها بالرحمه والمغفرة دموعك مش حايزيدوها الا عذاب
امنه هدت شويه وباست بنتها:تعالي شوفي اختك
داريا قدمت خطوات وقفت جنبها،شافتها وماقدرتش تقرب اكثر اكتفت انها تدعيلها بالرحمه وبس
باسم:امتا جت هدي
فهمي:بكري بعتت ولد عمك يجيبها من المطار
باسم:اعوذ بالله منها فرختك هدي مشرانيه مش زي المرحومة بكل
فهمي ضحك بهزوة:قول انها مش على مزاجك لانه دنيا كانت كيف ماتبي انت ومشبعاتك فلوس
باسم تلفت للجيهة الثانيه وسكت
عمر مقعمز بين الناس ودماغه في مكان ثاني ذكريات يمرو عليه وحدا ورا الثانيه
flash back
خش للدار بعد يوم عمل طويل لقاها مقعمزة تبكي
عمر:شنو مسرحية الليله
دنيا:نبي نقولك شي
عمر:اجليها تعبان وبنرقد
دنيا:لا لازم تعرف ممكن غدوة مانكونش موجوذه
عمر كان متجه للحمام بس وقفاته الكلمة تلفت:شن
دنيا:ليا فترة تعبانه ومن ايام درت تحاليل طلع عندي ورم في الدماغ وفي مراحله الاخيرة
عمر قعد يشوفلها ودموعها شلال عاخدودها:علاج!
دنيا:معاش يفيد شي انا وقتي محدود في الدنيا خلاص ربي خدالك حقك مني عارفه ماعنديش اي حق عليك بس بنطلب منك طلب اعتبره رجاء. ولدي بالله عليك ماتسيبه نبيك تقعد معاه وجنبه ديما بالله
عمر قعد يشوفلها:ان شالله خير
دنيا مسحت دموعها ومشت لدار ولدها رقدت معاه وفي هاديكا الليله ربي خدي امانته ورفع روحها عنده
end back
قعد يفكر"ليش مضايق ليش وجعتني وقت ماتت مش هدي اللي خربتلك حياتك قبل سنين بكذبه منها،مش هيا اللي طول حياتها معاك ضرب واهانات،ممكن لاني تمنيت تقعد مع ولدها وتربيه،اووف ربي يرحمك يادنيا"
عمر وقف:هي طلعوها وقت عالدفن
فهمي:خلاص يامرا
امنه:مع السلامه ياكبدي ربي يثبتك عند السؤال
طلعو للجنازة
امنه:كيف حالك وشن اخبار قرايتك ضاعفه هلبا بنيتي
داريا بهدوء:انا تخرجت ياماما
امنه:بهي مبارك عليك
داريا حضنتها وهيا متوجعه على حال امها "هيا الشخص الوحيد الطيب في عيلتها واللي مخليتها مهما صار ترجع للحوش هدا"
كملو دفن وطالعين بيروحو
عمر:فهمي
تلفتله وقرب منه:نعم
عمر:الساعه 8 تكون عندي
فهمي:حاضر حاضر ان شالله خير
عمر شافله باحتقار ومشا لسيارته
فتحي:عاشن ناوي
عمر مركز عالطريق:اظن توا انفك حبسي ونقدر نتصرف بكيفي
فتحي:ياولدي انا
عمر قص عليه:بوي لو سمحت انسالي الماضي وريحني
فتحي:براحتك انا واثق انك ماتغلطش
عمر هز راسه ويفكر في اللي ناوي عليه
حسنيه:من جابه
لؤي الحارس:انا
حسنيه:اممم
هاني ولد عمر:اميمه استاحشتك انتي وجدو
حسنيه تحبه هلبا حضناته:حتا اني ياحبيبي كيف حالك
هاني:الحمد لله وين ماما حقا بابا قالي بنمشو احنا قبل بعدها هيا تجينا
حسنيه سكتت ماعرفتش شن تقوله
جاه صوت عمر البارد:معاش فيه ماما
هاني:شنو
عمر:ماما رفعها ربي
هاني عيونه دمعو:شن معناها بابا انا نبي ماما ارفعني ليها
عمر فاته وركب لداره
عمران خش:حبيب عمه
هاني طاح في حضنه ويبكي:وين ماما
عمران:امسح دموعك نقولك
هاني:باه
داريا دوشت لبست توته مريحه ونزلت جنب العيله
سميه:ماشالله محلوة
داريا:تسلمي
بنت عمها وعد:باه تفكرتي عيالك وجيتي سبحان الله كان مش توفت اختك ره ناسيتهم
داريا ولا كأنها سمعت شي مشت للمطبخ دارت نسكافيه وطلعت قعمزت في الجنان تلفتت جنبها لقت النبته اللي تحبها قعدا في مكانها وواضح انه فيه حد مهتم بيها هلبا ابتسمت ومشت بيها ذاكرتها لقبل سنين
flash back
داريا مقعمزه تغني وتسقي في النبته متعها
دنيا وقفت وراها:ايه هوا هدا قعادك غير في العشب
داريا:يامتعلمة اسمهم نباتات كائنات جميله
دنيا:ياااي حركات المرضى النفسيين
داريا:انتي شن تبي مني 😔
دنيا:ولا شي فاضيه قلت نكد عليك يا تافهة
داريا:ربي يهديك
دنيا ضحكت وخدت المقص قصتلها النبته وخشت
داريا عيونها دمعو بس مابتش تبكي قعمزت قدام النبته"لامتا بتقعدي هكي ضعيفه بكلمة تقهرك بحركه تاخد منك كل شي ياسر
end back
الساعه 7:55مساءا
رتب شعره وبدلته وتلفت بيطلع انفتح الباب
هاني:بابا 😢
عمر بملل:شن تبي
هاني:نمشي معاك
عمر تنهد:المكان اللي بنمشيله مافيشي صغار
هاني:بهي نقعد معاك بس هنا بروحي نخاف وماما مشت وخلتني
عمر:برا قول لوحدا من الشغالات تغيرلك وانزل
هاني:باه وطلع يجري فرحان
"هاني ولد دنيا عمره 4سنين متعلق بأمه هلبا ويحب عمر بس حاس انه يتعامل معاه ببرود لكن هوا الاب الوحيد اللي عرفه من اول حياته واللي يحبه هلبا"
عمر:هيا
نزل هاني:كملت بابا
عمر طلع قدامه بدون مايرد عليه ركب سيارته والحراسه ركبو هاني وانطلقو لمكتبه الخاص بالشغل
حسنيه:شفته ولدك يبي يغرق الفرخ في خدمته من توا
فتحي:ولده ويربيه كيف مايبي
حسنيه:ليش مافكرتش انه يبي يفسده انتقام للي درتهوله زمان ولانه
فتحي خبط الطاوله بعصبيه:سكري فمك والموال هدا معاش نبي نسمعه
حسنيه خافت ناضت تجري للمطبخ
فيصل:شنو بتريسه علينا من توا
عمر ماردش عليه فات لمكتبه طول
هاني:عمو
فيصل:يامرحب شن الجو
هاني:الحمد لله فيش لعبه هنا
فيصل:لا والله سعود
طلع يجري:نعم يامعلم
فيصل:خليه جنبك عينك ماتغيبش عليه وشوفله هاتف يلعب بيه
سعود"حارس":حاضر تعالا هي
عمر يدخن ويشوف للفراغ
فيصل:عاشن ناوي
عمر:شحنه بتوصل بعد يومين مع عرسي
فيصل:شنو
عمر:جهز المخازن كويس
فيصل:من بتاخد ومرتك ليها يومين متوفيه
ومع الجمله هدي خبط الباب وخش
حارس:نسيبك برا يامعلم
عمر:دخله
لحظات وخش فهمي:السلام عليكم
عمر اشرله عالكرسي
فيصل:البقيه في حياتك
فهمي:حياتك الباقيه
عمر:عندك بنت ثانيه!
فهمي:ايه ايه كانت تقرا في
عمر:....
فهمي وفيصل 😨 يتبع
رايكم في الحلقه 😁
