part5
#شروقي_المظلم
حاتم:يامرحب بالعسل
داريا 😨😨:ح حاتم
حاتم:بشحمه ولحمه ياحبي الاول
داريا:تفضل
حاتم:محلوة ياطشه 😉
داريا كيف بتتكلم رعشت من نبرة عمر العاليه
عمر:انت شن جابك
حاتم:نطمن عليك ولد العم
داريا انصدمت 😨:لا ياربي ولد عمه! !!!
عمر ابتسم:انست يا ولد
سعود:نعم
عمر:ولد العم جاي يطمن عليا رحبوا بيه عالمزبوط
حاتم:لا عاد
عمر ركب السيارة:خيرك انتي خلقتك صفرا
داريا:هدا ولد عمك
عمر:زي ماسمعتي في شن يخصك انتي!
داريا:اه لا شي
عمر:هي وين تبي
داريا:معاش خاطري
عمر:شنو لعب هوا
داريا...
عمر:تي نكلم فيك
داريا عيونها دموع:مانبيش روح بيا بالله عليك 😢
عمر:خيرك شن صار تو
داريا:شي بس روح بيا
عمر:تمام
وصلها للحوش وطلع
عمران:مش طالعه بتاخدي لبس
داريا مسحت دموعها:غيرت راي
عمران:خيرك تبكي
داريا:شي انت طالع
عمران:لا بيجيني صاحبي بنقرو
داريا:بهي ناخد من وقتك دقايق
عمران:اوك
داريا:بجديات حاتم ولد عمكم
عمران تفاجئ:حاتم وانتي منين تعرفيه ووين شفتيه
داريا:اليوم رفعني عمر للمكتب متعه وغادي شفته وخوك حبسه عنده
عمران:شن رجعه الغبي هدا ناوي علئ قطع رقبته
داريا:ليش شن فيه
عمران:ولا شي خليك مع هاني انتي
وطلع يجري
داريا:شن قصتك ياحاتم
هاني:ماما
داريا:نعم
هاني:هي تعالي اكتبي معاي الواجب اليوم عطوني حرف أ
داريا:حاق حبيبي كبر وبدي يقرا 😘😘
عمر خش لدار:ايدك ثاقله ياصاحبي
فيصل:بالعكس نحس في روحي دلعته
عمر:خليني معاه
فيصل:تمام ماتتهورش
حاتم يضحك:قاعد مغلول مني حتا بعد سنين
عمر:انت هكي رايك
حاتم:مالا علاش حابسني
عمر:باش نذكرك اني اقوا
حاتم:بس قدرت ندبسك
عمر:تدبيستك تحت التراب
حاتم:حتا الحي يبي 😊 وانت ماشالله عليك طحت في الاولى وكملتها بالثانيه
عمر:!!
حاتم:مش مرتك برضو الحلوة داريا
عمر ناض خنقه:ماتجيبش اسم مرتي عالسانك
حاتم:مرتك! قصدك حبي القديم 😉
عمر حاول يحتفظ على هدوئه:ربي يشفيك
حاتم:غير احكيلي من وين طحت فيها حسب علمي سافرت من زمان
عمر:نصيبي عاد
حاتم:باه كويس توا بتطلقني ولا كيف
عمر:زيد ونس الشباب يومين ثلاثه هنا هي سلامتك
فتحي:انت علاش حابس ولد عمك
عمر:موضوعي
فتحي:طلعه
عمر:بوي توكل روح
عمران:اسمع الموضوع ليه سنين
عمر خبط عالطاوله ويعيط:روحو قتلكم روحو فرخ الحرام هدا مش طالقه لين يطيب مافي خاطري
فيصل:خلوه بروحه
عمر يهز في رجله ويفكر في كلام حاتم"حبي القديم" مابطلش من الدخان
فيصل:ممكن نفهم شن قالك خلاك بالحاله هدي
عمر:لو تطلع زيها رح نقتلها وربي انا نقتلها مافيش داعي تعيش
فيصل:بهي غير اهدا
عمر عيط بصوت عالي وكسر الشباك
فيصل قعد واقف جنبه وساكت
اما داريا فات يومها كله خايفه وتفكر كيف كل القصه خشت في بعضها
طق الباب
داريا:تفضل
سونام:ماما حسنيه تقول تبي تمشي لفرح؟
داريا:لالا مش ماشيه
سونام:تمام
داريا دور في الدار:اوووف ياربي كيف يقربلهم هالخرا
بعد المغرب
فيصل:ماتبيش تمشي معاي
عمر:توكل انت عندي ماندير انا
فيصل:عمر ماتغلطش اسمع منها قبل
عمر:باه باه
فيصل:تسمع فيا ولا
عمر دفه:خطاني
داريا عشت هاني ورقداته:خلي ندوش ونرقد في الهدوء قبل يجي الثور ويبدا في ازعاجاته
"على لسان داريا"
وقفت قدام الدولاب كله بيجامات عااساس اني عروسه يعني خديت بيجامه شرت وكت لبستها درت لوشن ورقدت مانعرفش قداش فات وقت حسيت حاجه بارده تمر على جسمي فتحت عيوني وانصدمت شفته قدامي عيونه حمر ويمرر في مسدسه عليا وخرت وانا مرعوبه
عمر:خيرك خفتي مش الصبح تسألي فيا عليه
انا:بتقتلني
عمر:مزال شويه علاش مستعجله
انا:شنو
عمر خنقني:مش رح نسمحلك نهائي انتي لا نقتلك ومانخليكش ديريها تفهمي نقتلك ياداريا
دفيته بكل قوتي:شن تقول انت ياسر فديت منك شن هوا اللي دايراته انا باش تكرهني لدرجه تبي تقتلني 😭😭 تعبت خلاص معيشني في رعب ليش شن السبب توا بتحكيلي قولي ليش هدا كله كل يوم تروح تفرغ فيا غيضك اللي كابته يوم تضرب يوم تخنق يوم تكسرني انا انسانه زيك عندي احساس ربي مش خالقني باش تعذبني انت وتتمتع بوجعي واخرتها بتقتلني تعرف لو ماتبيش تحكيلي توا اقتل وارحمني من هالحياة هيا اقتلني
عمر حط سلاحه عالطاوله قدامه ومسحلها دموعها:بنسمع منك وبعدها نقرر نقتلك او لا
انا سكرت عيونها بوجع مافيش امل منه: شن تبي تسمع
عمر:حاتم! والباقي عندك
انا وكأنه بالكلمه هدي دخلني في دوامه ذكريات كارهتها بديت نذكر
"بست ياسمحه ام شعرات صفر".....
"خطفتي قلبي من اول تهزيبه والله"......
"من الحمار اللي عنده عسل زيك ويفوته".......
"والله لقيت احلا منك اسف مضطر نفوتك"......
"بدون زعل عاد يا دودو".....
عمر:ها بنستنا هلبا ولا شكله حن القلب للحب
انا:لاحب ولا شي
عمر:ادوي
انا:في سنه اولى ثانوي كنت نخش للمحل اللي قدام المدرسه ديما وفي يوم خبطت في واحد عجبني وهوا قعدا عالق وراي لين كلمته وارتبطنا قعدنا 3سنين نحبو سمعني احلا كلام الحب والغزل غرقني غرام هدايا وكل شي حلو عيشني في عالم وردي فقت منه يوم اللي طلعت فيه نتيجتي وتخرجت من الثانويه قررت نمشي لحبيبي في قهوته ونبشره اني خديت المنحه وبنسافر نلقاه مع اختي حبيبي حاضن اختي وشنو عذره هه"والله لقيت احلا منك للاسف مضطر نفوتك" صدمة حياتي قتلت كل شي حلو فيا قتلت قلبي الطيب واحساسي من يومها بديت داريا البارده اللي كرهت عيلتها واختها كرهت البلاد باللي فيها معادش بكيت سيبت كل شي وراي وسافرت كرست حياتي لقرايتي و بس مارجعتش هنا لافي عطلات ولا اعياد نتواصل مع امي بس لا جيت في عرسها ولا نعرف ليش انفصلت عليه وتزوجاتك مانعرفش اي شي وانصدمت انه ولد عمك حاتم ودنيا اكثر اثنين نكرهم وماقدرتش نسامحها لعند عرفت انها ماتت
عمر يشوفلي بدون ردة فعل مافهمتش شن فيه
انا:خلاص هدي القصه
عمر:تحبيه!
انا:مانكرهش حد زيه
عمر حط سلاحه عاخصره:امسحي دموعك مافلحكم في البكا
انا:قبل شويه كنت بتقتلتي
عمر:جعان
انا:باه حتا ايدي مكسورة مش مريحني
عمر:تعالي هنا
انا:شنو
عمر:نازله هكي قصدك
اا ركزت على لبسي:نسيت
عمر:كلمي سونام تجيب العشا وقعمزي
انا:بهي احكيلي انت
عمر:شن بنحكيلك
انا:ليش العداوه مع ولد عمك
عمر:مايخصكش واياك في يوم نشوفك تدوي معاه ولا حتا تشوفيله بعينك
انا:قتلك نكرهه اكيد مش رح نكلمه بس انت مفروض تحكيلي مش كويس يقعد بينا اسرار
عمر شافلي بهزوة:مصدقه انا متزوجين ولا كيف
انا:بهي طلقني
عمر:خرفي 🙄
انا:خيرني انا حكيتلك
عمر:لاني جاي باش نسمع منك
انا:نصاب
خبط الباب جايبين العشا خداه وقعمز
عمر:تعالي تسممي
انا:شكرا عالذوق متعشيه
عمر:غدوة بتمشي للعرس
انا:مانبيش
عمر:ناخدش في رايك انا نوضي طلعيلي مانلبس
انا:حسيبك ربي ياعمر يابلاك نشوف فيك يوم 😣
شن رايك في هدي
عمر:غيرها
انا:وهدي
عمر:لا
انا:اووف رهو ايدي توجع فيا تعالا شوف بروحك
عمر ولع دخانه ووقف وراي:دولاب معبي لبس مااخترتي الا هادو
حسيت روحي عرقت وقلبي بدي يدق بقوة:اه مهو عادي غير الالوان مش ديما اسود
عمر:ماطلبتش رايك انا قتلك طلعي بس
انا:بهي اختار بروحك بنرقد
عمر شدني من يدي:شن نوعها
انا:شن هيا
عمر:ريحتك
انا ابتسمت:ورد الجوري🤗
عمر هز راسه وتلفت رجع يختار في لبسه
انا قريب طرت يعني مركز معاي:احم احم 😍
عمر:خيرنا
انا:نسألك سؤال
عمر:اممم
انا:بترجع تضربني 😶
عمر قعمز جنبي:خلينا نتفقو انا معادش نضربك وانتي ماتدخليش في حياتي
انا:وليش ما
عمر:مانقدروش نكونو مع بعض
انا واطيت راسي:ليش ماتبيش طلقني
عمر شدني من يدي المكسورة: تبي تطلقي تبي تمشي عاحل شعرك شن تحبي !
انا:ايدي ياعمر 😓 ماقلتش اني نحب حد بس ماتبينيش مرتك وماتبيش تطلقني ليش قعدتي معاك
عمر:شني تبي حقك 🙂
فتحت عيوني بصدمة:ماصح وجهك سخيف خزي والله ماتتحشم بهي
عمر ابتسم وناض يلبس:مهو واضح من لبسك
انا:عادي احسن مايقعدو يلبسهم الدولاب
عمر:قلتيلي 😏
انا:مابردك
عمر:ركزي في ولد اختك مانبيش حد يقربه بكل ولا يدوي معاه تفهمي
انا:ليش
عمر:اسمعي الكلمه الزفت لازم من تسكير راسك
انا:باه
عمر:بنرجع متأخر
انا:لمن تحكي فيها
عمر 😒:خسارة الواحد يتعامل معاك باحترام
انا نقزت جنبه:سلمه بلاكي
عمر:حولي من قدامي
انا:رد بالك على روحك
عمر:ديري اللي قتلك عليه
انا:شكلك بطيحي فيه ياداريا وكل الكره بيتحول حب 🤯 زعما فيه امل يحبني هوا ولا
قعدت نفكر لين خداني النوم
صباحا عاطاوله الفطور
حسنيه:اشرب العصير ياولد
هاني:نبيش نحباش
داريا:لو سمحتي
حسنيه:شن قلنا معاد حد عاجبه كلامي
داريا:اشرب الحليب
هاني:حاضر ماما تمشي معاي اليوم للمدرسه
داريا:ليش
هاني:الابله قالت كلكم جيبو امكم
داريا:باه كمل فطورك ونمشو
عمران:ماحدش بيرفع عمو
هاني:لالا
عمران:خسارة 😢
داريا:نغير ونجيك
ركبت للدار تغني
عمر:سكري فمك صبح
داريا:لامتا بتقعد راقد 🙄
عمر:شن علاقتك اطلعي من الدار
داريا:بنغير وطالعه
عمر:وين
داريا:هاني عنده اجتماع اولياء امور
عمر:انا بنرفعك
داريا:ليش. 🤨
عمر:مش تبي تاخدي لبس
داريا تلفتت للدولاب تضحك:اي اي تمام هيا نوض
عمر حدف عليها التيشرت:اللي في دماغك امسحيه
داريا:ماشي 😂
طلعو مع بعض للمدرسه اللي يقرا فيها هاني
داريا:صباح الخير
ابله:اهلين مدام تفضلي
داريا:انا وليه امر هاني عمر ال ....
ابله تفاجئت:شنو انتي من تكوني
داريا:مرت عمر
ابله:تزوج ثاني
داريا:تعرفيه انتي!
ابله:اه اي لالا من المنطقه يعني بس
داريا:تمام وين المدير
ابله:تفضلي معاي
"زعما الابله هدي ليها علاقه بماضي عمر وهل تعرفه معرفه قديمه ولا بس معرفه من المنطقه زي ماقالت"
كملت داريا وطلعت:هيا انطلق
عمر:وين تبي حددي محل واحد
داريا:ارفعني لجرابه 😒
عمر:زيدي انفخي
داريا:دخلكش
عمر درس قدام محل كبير:انزلي وماتعطليش مافيش داعي للنوطره
داريا:انزل معاي
عمر تلفت:تي انزلي بلا هم زايد سادك مشغلتيني سواق عند امك
نزلت داريا طايرتلها خدت اللي تبيه ورجعت حطها عمر في الحوش وطلع للاستراحه وين مايلبس فيصل
عمر:خيره قارنهم العريس
فيصل:فوتني ياراجل انت وخوك
عمر:ماتبيش تحولها لغوفه
فيصل:لا لحيتي مايقربها حد
عمران:قتله اللحيه ماتنحيها 👏😂
فيصل:خرف
عمر:غير قول الحق
فيصل:استغفر الله العظيم
جاد:شن فيه جديد
احمد"ايده اليمين":اليوم عرس صقر
جاد:كويس معناها يلزمه هديه
احمد:واجبنا
جاد:جهزو روحكم سياره وحده
احمد:تم
بعد المغرب
خش للدار وقف يتأمل فيها قداش طالعه حلوة ومتغيره:واتيه
داريا بدون ماتتلفت:ايه لحد ماتلبس تلقاني جاهزة
عمر:جهزتيلي لبس "يحاول يفتح معاها موضوع"
داريا:بدلتك الجديدة معلقه وصلت بكري من المحل
مشا دوش ولبس طلع لقاها لابسه نقاب:خيرك لبستيه
داريا:لاني مكثره مكياج ومانبيش دوة زايده عليا عارفاتك لاتغار لاهم
استفزاته طلع وسيبها
وصلت للصاله خشت ماتعرف حد:السلام عليكم الف مبروك
سلطانه:الله يبارك في عمرك صاحبة العروسه!
داريا:لا والله انا مرت صاحب العريس عمر
سلطانه حضنتها:مرحبتين بنيتي مرت الغالي عمر زي وليدي واعز
داريا:تسلمي
قعمزت جنت حسنيه:ماتوقعتك تجي
داريا:عمر جابرني واضحه
حسنيه:يابنتي معاد تسكري راسك معاه طيعيه تكسبي راحتك او عالاقل سلامتك
خشت العروسه مدخلها خوها تضحك وباين سعيده
داريا:واخدها حب
حسنيه:لا واخدتهاله امه لانها قريبته
داريا:اااخ شن دايرين في روحنا احنا يكونو نصيبنا هالمجرمين
حسنيه:الله غالب يابنتي ماليك الا الصبر
داريا:نسألك سؤال
حسنيه:ماتحاوليش تعرفي شي مش لازم تعرفيه لانه عمر رحمه ماعنداش والقتل عنده شي تافه
خافت بس اصرت تعرف:شن دايرتله اختي وليش يتعامل مع ولده بالطريقه هدي
حسنيه:صدقيني مانقدرش نقولك ونصيحه معاد تسألي
رن هاتفها بلاكي:نعم
عمر:تي شن بايته عندهم مش قدامك العروس طلعت
داريا:قليل ادب وسكرت عليه
حسنيه:ماطوليش لسانك معاه
داريا:مانوعدكش
طلعت برا واول ماشافها شد ايدها ورفعها للسياره
داريا:بالشويه خيرك تقول بنهرب
عمر:اركبي وسكريه فمك اهوا اللي زي المدفع
داريا:براده
عمر:اعطيني سلاحي من الدرج
داريا:عينك
عمر:تي هاتي يانم
خداته حدفاته عليه:مجرمه
طلع راسه من الشباك ويجري بالسياره: قدامه ياحمار انت وياه والله تصيرله حاجه بروحكم
داريا:شن فيه
عمر:اسكتي
داريا:غير قولي فيه حد بيقتلكم قريب نبدا ارملتك
عمر:الصبر يارب خلي نوصلو حوش ونتفاهمو. ماتتحركيش من مكانك
فيصل:منور يازعيم
عمر:الحمد لله عالسلامه
فيصل:الله يسلمك خود حقي ها
عمر:ماتوصيش برا لمرتك
فيصل:ايح
عمر:هي سعيده
فيصل:رد بالك
عمر:تم تم هنيني 😂
فيصل:روح ياكلب
ساعدها تنزل ودخلها:اففف ماكبره زي الخيمه
ميسون:عاجبني ماحد خدي رايك
فيصل:من بدايتها ردان
ميسون:شن تبيني نقولك من لما ركبت السياره ماقلتش كلمه ولا عبرتني حتا كلبه جنبك وتوا جاي تتسهوك عليا حتا مبروك خساره فيا
فيصل:عندك حق اسف والف مبروك ياا
ميسون ضحكت:اسم مرتك ماتعرفاش كويس وين دار النوم بنغير ونرقد
فيصل:اول جناح الدور الثاني
ميسون:انا بناخده بروحي دور وين ترقد انت حولت كندرتها وركبت بروحها
فيصل:اووف شن درت انا البنت خربتلها فرحتها وزدتها عليها ماذنبها شي
داريا:اففف راسي صدع من دوشه الصاله تعشيت!
عمر:لا ومانبيش
داريا:احسن ندوش وبنرقد
طلع للبلكونه يدير في مكالمه
رجعتله ثاني:بلاكي تعالا افتحلي السحاب ماقدرتش
عةر:ومن سكره بكري
داريا:الشغاله واضحه ياذكي
قربها منه فتحلها القفطان وحوله:ماشالله مرتي جمال وبيوضيه وعيون الله يبارك
داريا:ابقى قدر بس
عيطت بقوة لما طفا الدخان في ظهرها:يامريض ياحقير ااااه 😭😭😭
عمر:قتلك معاد تسألي عليه الماضي، معاد تحاولي دوري وراي مافيش شي يخصك
دفها طاحت وطلع
داريا:حسبي الله فيك ياحيوان 💔😭
عمران راكب من الدروج:خيرها مرتك تعيط خلعتني
عمر:دلع زايد مادورهاش
عمران:حرام عليك اللي دير فيه
عمر:اطلع من دماغي
داريا تبكي وتتألم
عمران خبط عالباب:انتي كويس
داريا غطت روحها:اي اي
عمران:تبي ناديلك وحده من الشغالات
داريا:سونام
عمران:تمام لو احتجتي شي اتصلي بيا قاعد في الحوش انا
داريا:بارك الله فيك
جت سونام ساعدتها تلبس وداوتلها حرق:تبي شي ثاني ماما
داريا:عشيتي هاني
سونام:اي وراقد بكري
داريا:تمام بري ارقدي صحيتي
سونام:تصبح على خير
مشت رقدت جنب هاني وطول الليل تبكي وتتحسب في عمر وبوها وخوها 💔
بعد تردد خبط عالباب:تعالي نتعشو
ميسون:فيه واتي ولا بندير انا
فيصل:لا بعتت امي من عشا الصاله
ميسون:اوك ونزلت قبله
فيصل:ايي كيف كانت حفلتك
ميسون:حلوة هلبا احلا شي جت الفنانه اللي نحبها درت جو مع صاحباتي كان خاطري نلوح الفيلو ونرقص في توته
فيصل:عادي افتحي الاغاني هنا وارقصي لين تدهشي
ميسون:اي هدي اكيده بتلقاني بالوضع هذا اوقات ماتنصدمش
ابتسم فيصل على كلامها:خودي راحتك في حوشك
ميسون:اممم نبي نقولك كلام
فيصل:تفضلي
ميسون:صح انا وافقت عازواج ورق بس وفي الحوش بنكونو زي الخوت، لكن مانسمحش ابدا انك تقلل قدري واحترامي قدام عيلتك او في يوم يحسو انا علاقتنا مش تمام وزواجنا مش كامل هدا حوشك في نهاية اليوم تجي ترقد هنا زي اي راجل متزوج مش نلقاك من غدوة راقد في حوش اهلك، مانبيش يجي يوم ووحده تهزا عليا في جلسه انه راجلي مش دايرلي قدر ومحترمني ديما بنكون راسي مرفوع واحترامي محفوظ لانه لو صار عكس هكي يافيصل والله لما نطلق منك ولوفيها موتي
فيصل:اكيد مستحيل في يوم نهينك او نقلل احترامك مرتي واللي يمسك يمسني اوثقي بس عندي شرط
ميسون:شنو
فيصل:نبيك تلبسي النقاب انتي ماشالله جميله ومانبيش حد يشوفه حلال فيصل ولا حتا يحكي عليه
ضحكت ووقفت قربت منه:ياجميل في مربوعة حوشنا قلتلي بوقاحه مانبيكش ونبي نكونو زي الخوت وماتعبي بشي مني، فاتوا ماتجيش تتشرط ولا تحلم نفذلك طلب ماعندكش اي حق والنقاب مش لابساته اوك ياخوي ليلتك سعيده
فيصل قعدت يشوفلها لين خشت للجناح وسكراته:اففف شكلي بنتربا حق
صباحا
فاق هاني:ماما ماما
داريا:نعم حبيبي
هاني:صباح الخير خيرك راقده هنا
داريا:شي استحشتك قلت نرقد جنبه ولا ماتبيش
هاني:لا نحبك ماما
داريا:هي حبوبي اغسل والبس بنفطرو ونمشو مشوار
هاني:هييي وين ماما
داريا:بنرفعك لحناك
هاني:اوك
نزلت بدير الفطور
حسنيه:صباح الخير
داريا:صباح النور
حسنيه:كيف صبحتي
داريا:من ربي بخير
حسنيه:خيرك اللطف
داريا:من وين شفته الخير ديري روحك مش عارفه اللي داره فيا الكلب عمر امس ماانا ماحكيتش مع غيرك
حسنيه:والله ماعاودتله كلمه وحياة وليدي اللي ماعندي غيره
داريا:مالا من وين عرف
حسنيه:يابنتي قلتلك ماتسكريش راس معاه عمر مش ساهل يعرف تفكيرك قبل ماتقوليه، بعدي هاتفك عليك وماتفكريش ديري واحد غيره بالسر فهمتيني
داريا:اي اي 😨
حسنيه:بهي بنرفع لعمك القهوة
سونام:شنو نساعدك ماما
داريا:اا اعطيني الفواكه والحليب
كملت وركبت للدار
عمر:صباح الخير
تجاهلاته وتلفتت متجهه للحمام شدها من ايدها بقوة وحاصرها عالدولاب:صباح الخير
داريا تفكرت كلام حسنيه وخافت يأذيها ثاني:صباح النور
لفها وحط ايده مكان الحرق:مزال يوجع
داريا:اي شويه
حوللها التيشرت واللصقه
عمر:خليك شوي
جاب مرهم ولصقه جديده دواها وغطاه:فوتيه الدوش مايبيش ميه
داريا:اوك بنطلع مع هاني
عمر يلعب بشعرها:وين
داريا:لحوشنا بنشوف امي
عمر:يرفعوك الحرس
داريا:نعرف نسوق بروحي
عمر:ماعنديش ثقه في بوك وخوك الكلب
داريا:ماانا بنتهم
عمر:تخصيني
داريا:به
قربها منه وباسها بغجريه لين جرحها:خليك هاديه هكي ديما
داريا:انت 😨
قص عليها هاني خبط عالباب:ماما هيا
عمر:ماتعطليش عندهم
ميسون فاقت الساعه10 دوشت ولبست احلا بيجامه عندها دارت مكياج خفيف ونزلت توتي في الفطور تعمدت دير دوشه وصوت قوي
فيصل راقد في الصالون فاق:اففف بدينا في التصديع يجيبك ربي ياصبر تي نقصي الخرا 😡
ميسون:صباح الخير 🙂
اول ماطاحت عينه عليها انطفت كل العصبيه:صباحك خيرك دايره دوشه
ميسون:نوتي في الفطور 😇
فيصل:اممم الساعه كم هيا
ميسون:ال10ونص
فيصل:واتي!
ميسون:اي مزال قهوتك بس نعرفش كيف تبيها
فيصل:ساده
ميسون:اوك
فيصل:ندوش ونجيك
تتفرج عليه راكب للحمام ضحكت:والله لما نجيبك راكع ياحبيبي مهو انا مانحبكش السنين هادي كلها باش ترفضني ونعيش معاك زي اختك 🤭
وصلت داريا لحوش اهلها رنت الجرس:جاي هنا قبل
هاني:اي
فتح باسم الباب:شن جايبك
داريا:جايه لأمي مش مستاحشه وجهك
باسم:هدا ولد المرحومة اهلا خالو
داريا:ماتحطش ايدك عليه
باسم:تي اقلبي وجهك ولد اختي تعالا حبيبي
شده الحرس وبعده:خليك بعيد
باسم:ماشالله دايرلك كلاب بلاك 😏
داريا:يقتلوك لو نأمرهم فاخليك بعيد خير
باسم:كلبه
داريا:امي وينك
طلعت امنه من المطبخ:مرحبتين بنيتي كيف حالك
حضنت امها وتنهدت:الحمد لله كيف صحتك انتي
امنه:بخير اهلا اهلا بولدي
داريا:سلم على حناك
هاني:كيف حالك
امنه:بعد شوفتكم بديت كويسه
داريا:وين هداكا
امنه:طالع من امس ماروحش
داريا:احسن
امنه:شن دايره مع راجلك
داريا:ماشيه اموري ماتفكريش فيا
امنه:كيف خلاك تجيبيه قبل ممنوع يجي هنا
داريا:مش عارفه قتله بنرفعه ماقال شي
امنه:انتي مرتاحه معاه!
ابتسمت وبلعت غصتها:ايه
فيصل حط فنجان القهوة:يسلمو ايديك
ميسون:صحتين
فيصل:الله يسلمك بنوض نلبس معاش وقت عالصلاة واهلك بيجو ولا
ميسون:ايه بعد الجمعه
فيصل:تمام تبي شي ناقصك شي
ميسون:لتوا لا
فيصل:تعالي
ركب لدار النوم وهيا وراه،فتح دولاب اللبس
ميسون:علاش الخزنه هدي
فيصل:فيها الفلوس وورق مهم هدا الرمز احفظيه وخودي منها وقت تحتاجي مرات نكون مش في الحوش مانبيش ينقصك شي
ميسون:بهي سلم راجلي
فيصل:ودرتلك وحده صغيره للذهب متعك ماتخليشي برا
ميسون:تمام البس انت خود راحتك طلعت وسكرت الباب
فيصل:اوووف شن هالبنت
رن هاتفه
عمر:وين غارق شورك
فيصل:غارق في الهم ايه
عمر:شي
فيصل:ولا حاجه
عمر:ولع سيارتك وتعالا لجامعنا نصلو ونهدرزو
فيصل:تم
لبس زبونه حط بارفانه مشط شعره ونزل
ميسون شاده المبخره:ماشالله الله يبارك نبخرك ولا ماتحباش
فيصل:عادي
قربت منه تبخر فيه وتقرا عليه في قرآن:العين حق
فيصل:ايااه غير من بيشوفلي
قربت منه باساته عاخده:هلبا ربي يحفظك 😍
فيصل توتر😨:ويحفظك هيا مع السلامه
ميسون:في حفظ الله
خش فهمي لحوشه:يامرحبتين
داريا:اهلا
فهمي:شن فكيتي الحكم من بلاك مالا طالقك وطالق معاك الولد
داريا:حفيدك هدا اللي مايعرفكش اصلا امتا بتحس ودير قلب
فهمي:هههههه خليتهولك القلب حسي بيه انتي وامك عندك فلوس محتاج لمبلغ
داريا:ماعندي شي
قام شنطتها يفتش فيها وقلبها عالارض:معيشك في الفقر ولد فتحي
داريا:حسبي الله ونعم الوكيل
فهمي:تاخدي من راجلك ولا حتا اخنبي نبي 5الاف اليوم يوصلوني فاهمه
داريا:تحلم
شدها من شعرها:نحلم صار غصبا عنك تجيبيهم فاهمه وهي اطلعي برا تمت الزياره
دفها برا طاحت في الشارع وهاني يبكي
الحارس ساعدها:فيه مشكله مدام
داريا:لا روح بينا
نفخ الدخان:وانت شن مضايقك في انها طلعت مش مهتمه
فيصل:مش عارف
عمر:لصق عالحيط ووقت طيرهالك اضربها
فيصل:اياااه عالضرب مش اسلوب التعذيب هدا
عمر: 😏 بهي ياحنين
فيصل:ايه شن ذنبها البنت تعذبها شن دارت
عمر:كفر
فيصل:حبيتها!
عمر:شن تخرف انت 😡
فيصل:مافيش سبب الا هذا الوحيده اللي وقفت في وجهك وانت مزال متأثر من قصة زمان فاتبي تتحدى روحك ودمرها
عمر:عندنا طلعه للشرق
فيصل:انا عريس مش طالع لمكان
عمر:مصدق روحه
فيصل:ايه راحه ماحدش يكرها
رن هاتفه:ها شن صار تم
فيصل:شنو
عمر:فهمي يلعب هاليومين وضعه غير صحيح
فيصل:نسيبك رهو
عمر:انت عارف مايهمنيش ولو وصلت حدها معاي بنعطيه راحه
فيصل:يستر الله منك غير هيا حطني جنب سيارتي بنروح
عمر:وضعك مش مريحني لكن بنفوتها
فيصل:انا بنت الناس صح مجبور عليها لكن بنحترمها ونقدرها واللي تبيه يحضرلها حتا هيا مرت الصقر
عمر:بهي ياحنين هي اقلب وجهك
داريا خشت للحوش تمسح في دموعها:سونام خودي هاني اعطيه يتغذا ورقديه
حسنيه:خيرك يابنتي
داريا:شي تعبانه شويه
حسنيه:اهلك فيهم حاجه
داريا:لا تمام كويسين نستاذنك
عمران:شن فيه
حسنيه:مانعرفش ياوليدي جت تبكي
عمران:اكيد عمر دايرلها شي
حسنيه:ربي ياخد الحق فيه خوك عاقد مايظلم في الناس
عمران:امي
حسنيه:برا فكني منك
عند فيصل روح لقا امه وخواته عنده:سلام عليكم
سلطانه:مرحبتين بغزالي مبروك العرسه وليدي ان شالله في وليد ولا بنيه
فيصل: كيف حالكم
سلطانه:عجباتك مرتك شفت اختيار امك ولا
فيصل:ايه ماشالله عليها
سلطانه:حطها في عيونك ياولد يتيمه ومكسوره
فيصل:حاضر
طلعت ميسون من الدار لابسه صدره:عميمه شن هكي احسن
فيصل 😳انصدم بجمالها وكيف متغيره هلبا قعد متنح فيها
سلطانه:غزاله اللهم صلي عالنبي شن رايك
فيصل:اا الله يبارك 🤤
سلطانه:هي مالا احنا نسبقوكم للصاله وبعدين الحقو
طلعو هما والمزينه وفيصل قاعد في نفس الوقفه
ميسون:خيرك 🙂
فيصل:والله طالعه طلقه تبارك الرحمن خايف ناخدك بالعين
ميسون:ختسلمني محلاني 😍هيا برا تغدا باش نمشو عميمه قالت ماتعطلوش
تنهد من برودها معاه وتلفت ماشي للمطبخ
اما ميسون ضحكت ومشت تصور
خش للحوش يدخن
فتحي:طفي الخرا اللي في فمك
عمر:السلام عليكم
فتحي:وين معاش شايفينك في هالحوش
عمر:خدمة
فتحي:الخدمة عارفها انا ماتعلمنيش فيها
عمر:بهي شنو يابوي
فتحي:المرا اللي خديتها غصب ورابطها معاك
عمر:خيرها
فتحي:شن دايرلها
عمر:شكتلك
فتحي:لا لكن شوف روحك وانا ساكت لاني مانبيش نعاود غلطة زمان
تعصب وعروقه انرسمو:قلت ميه مره انسوه زمان انسوه معاش حد يحكيلي فيه 😡
فتحي:طلقها لو ماتبيهاش
عمر:مش مطلقها وتقعد معاي مربوطه بيا لين ربي ياخد روحي وروحها في يوم واحد
تلفت ركب لداره خش وقربع الباب
داريا انخلعت:بسم الله خيرك
عمر:انتي خيرك عيونك حمر باكيه لين تامه دموعك
داريا:مافيه شي
عمر:قاعد نسأل فيك بنسمع منك لاسألت الحرس ولا هاني
داريا:خلي هاني في حاله بالله من ربي يخاف منك
عمر:احكي
داريا:قتلك شي
عمر:تم انزلي جيبيلي سم ناكله
داريا:ان شالله تتسمم وتريحنا منك
شدها من شعرها:سكريه فمك واهدي لان واصله حدها معاي ورح نطلع فيك غيضي
حطتله ايده عاسلاحه:طلعه بهذا وفي راسي عاطول اقتلني وريحني منها العيشه 😢
سرح في عيونها وقرب منها
دفاته بقوة:نحي من عليا ماتفكرش تقرب مني
عمر:لو نبيك رح ناخد منك كل شي غصبا عنك لكن قاعد ماخاطريش
داريا:حتا الحلم بهي
تلفت يحول في لبسه:اقلبي وجهك جيبيلي ناكل
طلعت داريا وبعد لحظات يسمع في حسنيه تعيط:ياعمر الحق مرتك........يتبع
