part9
#شروقي_المظلم
عمران مقعمز في كافي:بهي شن بندير
سهى تبكي:خلاص يعني بتسيبني
عمران:بنزيد ندير محاوله اخيره مع بوي انه يخطبك
سهى:وبعدها لو رفضو كل عيلتك
عمران:يصير خير لوقتها
سهى:بهي انا بنمشي مانبيش نتأخر على الحوش ويحسو بيا
عمرن:تمام ردي بالك عاروحك وكلميني اول ماتوصلي
سهى:اوك باي حبيبي
طلعت واول ماركبت السياره فتحت هاتفها وبعتت مسج لمنو وشن محتواه 🤷🏼♀️ خلوها سر 🤫
داريا مقعمزة تقرا في كتاب تحاول تشغل روحها وماتحكيش معاه لكن هيهات 😅
عمر:وين بدلتي السودا
داريا:في المغسله بعتتها اول امس
عمر:سألت على خوك عنده مشكله مع واحد وحابسه
داريا:كويس
عمر:يعني!
داريا:خليه محبوس يربوه وكان يقتلوه خير وخير يريحونا منه
عمر:ليش تكرهيه
نفخت ووقفت:مانبيش نقعمز نحكيلك قصه حياتي توا اللي ماتهمكش اصلا ومشت
عمر دمه انحرق حدف شيشه البارفان وراها:خرا شن صايرلك بلاك شن هذا اووووف وطلع
سوزان عالهاتف:قتلك مش عاطيني فرصه نحكي معاه كلمه وهوا غايب اكثر من موجود ...............حتا مرته واضح علاقته بيها مش تمام بكل............. جرب حظك
سكرت الهاتف وتلفتت شهقت لما شافاته واقف قدامها:بلاك 😨
عمر:نسمع
سوزان وخرت:شنو
عمر:مش تبي تحكي معاي جيت ونسمع
سوزان توترت:اه اي كنت نبي ن بنقولك انه
عمر:انه
سوزان:لاغير عندي مشكلة في الخدمة ونبي مساعده
عمر:خليني نكمل عليك انا تبي تقوليلي انك جايه لهنا مش بلاش وناويه الخراب او يتهيألك انك قادره تخربي حياتي وطبعا في من داعمك وواهمك انكم بتربحو
سوزان:لالا مافيش منه الكلام هدا
عمر:امممم قلتيلي
شافت داريا تشوفلهم استغلت الوضع قربت منه باساته عاخده:حبيبي يابلاك مشتاقتلك هلبا انا طلعها من حياتنا ونرجعو
عمر:نرجعو!
سوزان ضحكت لما شافت داريا تبكي ومشت:ايه
عمر خنقها:عندي راي احلا نرجعك لربي ومنه تشوفي امك وبوك 🙂
سوزان:لا بلاك
عمر:ورحمه امي نقتلك ومايرفلي جفن ياسوزان وانتي عارفتني
سوزان:بس انا نحبك وهيا خداتك مني كيف تبيني نتفرج عااختها تاخدك ثاني توا
عمر:بلا دوة فاضيه بتقعدي هنا حتا نفسك مانبيش نحس بيه فاهمه!🔥
سوزان:تمام تمام
دفها وطلع من دارها والحوش كله
اما داريا كانت منهارة تماما لانه اقتنعت انه عمر مستحيل يكون ليها او يحبها في يوم وخدت قرارها الاخير
ميسون حايسه وترتب في البضاعه:تعالا ساعدني بهي
فيصل مقعمز في الصاله:مش شغلانتي
ميسون:حبيبي حرام عليك والله تعبت
فيصل:قتلك نجيبلك شغاله او كلمي امي تبعتلك من البنات اللي عندها في حوشنا
ميسون:خلاص معاش نبي شي قعمز وارتاح بعدين في دارنا نتفاهمو 🙂
وقف بسرعه:خلاص قوليلي شن ندير معاك
ميسون😈:رتب هادو في الدولاب
فيصل:تم هي
مرت الليله هاديه عالكل وشرقت شمس يوم جديد بيكون فيه هلبا بدايات
داريا:خيرك اليوم
هاني:نبي نرقد ياماما مش خاطري نمشي للمدرسه
داريا:لا حبيبي فيش غياب عندك امتحان وقريتك امس
هاني:اففف
عيط عليه عمر: برا لمدرستك يافرخ خير مانجيك 😡 صدعتني عالصبح
نزلو دموعه:حاضر
داريا:خلاص تزعلش من بابا هوا يبي مصلحتك باش تنجح وتجيب درجات كويسه
هاني:بابا مايحبنيش 💔
داريا:اشش عيب الكلام هدا مافيش بابا يكره ولده
هاني بعفويه:معناها هوا مش بابا وطلع يجري
اما داريا قعدت سرحانه في كلمة هاني اللي فيقتها عاافكار ثانيه عمرها ماخطرت عليها
حسنيه:صباح الخير بنيتي
داريا:صباح النور كيف حالك
حسنيه:الحمد لله خيره هاني طالع يبكي
داريا:كالعاده عمر مافيش غيره منكد عليه مش كأنه ولده
حسنيه تغير وجها:اا معليشي هوا هكي مع الكل هدا طبعه رضيه الوليد وخلاص يكبر وينسا
داريا:تمام
حسنيه:هي انزلي افطري
رجعت داريا لدارها تفكر:نبي نمشي لامي
عمر:امك تجيك هنا حوشكم لا
داريا:مانبيش نجيبها نبي نشوفها برا ممكن
عمر: تمام خودي معاك حراسه واطلعو ولو نسمع بيك خشيتي حوش فهمي ماتلومي الا روحك
داريا:اوك
عمر:ال7 نلقاك واتيه
داريا:به
طلع وهوا مستغرب هدوئها معاه
عمران:خيرك قارنهم
عمر:اخطاني
عمران:نبي نحكي معاك بروحنا وبهدوء اخ مع خوه
عمر:الليله معزوم برا غدوة يومك نطلعو لاستراحتنا ونريحو راسنا من الكل ونسمعك تمام
عمران حضنه:احسن اخ في الدنيا ربي مايحرمني منك يابلاك
عمر:بلا مشاعر زايده وسع
رن هاتفه
فيصل:معلم
عمر:هاياصقري
فيصل:في انتظاركم
عمر:قلنا بهي
فيصل:صاحبي وعارف دماغك
عمر:امك جايه!
فيصل:لا
عمر:تم سكر هي خلي نمشيلها
خبطت عالباب مرتين وخشت:ممكن نحكو
داريا تجفف في شعرها:تفضلي
سوزان:سوري انك شفتينا بالمنظر هدا انا وبلاك مهما كان يعني انتي مرته وعيب
داريا:يهمك هلبا العيب انتي
سوزان:انا مش عدوتك ولا بنأذيك في الاخير انغصبتي عليه
داريا:الملخص
سوزان:امشي اطلعي من حياتنا
داريا:حاضر قريب ان شالله
سوزان ارتاحت:شكرا
داريا:ولو العفو هدا حبيبك وانا نبي نطلق ونرجع لحياتي
سوزان:اكيد اكيد
سلطانه:مرحبتين بولدي الغالي
عمر حضنها وباس راسها:كيف حالك ياامي
سلطانه:الحمد لله في نعمه هي خش كيف درت القهيوة
عمر:يعطيك الصحه
سلطانه:وين مغيب لادور ميمتك لا تسأل
عمر:سامحيني مشاغل بس ديما في بالي ونسأل في صقر
سلطانه:ربي يعاونك كيف حال بوك وحسنيه ووخيك
عمر:كويسين
سلطانه:ومرتك وولدك
عمر:تمام
سلطانه:ماشفتها غير في عرس فيصل شنو ماتبيش حد يشوفها
عمر:لاهيا ماتحبش تطلع
شدت ايده:مش ولد بطني صح لكن مربياتك ونفهم فيك زي صغاري واكثر شن فيك ياوليدي شن متعبك
عمر:اااه ياامي ليش ماحد يفهم فيا زيك
سلطانه:ومرات يفهمو عليك بس انت قلبك مش مفتوح ليهم
عمر:هكي رايك
سلطانه:هدا الصح شن امورك في حوشك !
عمر:ماشي
سلطانه:صح فهمي مسخ وناتل لكن البنيه هدي يشكرو فيها هلبا وحرام تظلمها
عمر ساكت ويشوفلها
سلطانه:ولدي مهما كنت قوي وجامد ومقسي قلبك في النهاية انت انسان تبي سند وتبي الحنيه تبي ايد حنونه تريحك وتمسح تعبك
عمر:جربت قبل وانحرقت
سلطانه:لو قلبك ماطلبش ماكنت تزوجتها وجبتها عندك بالغصب، ارحم روحك وياسرها عذاب عيش ياولدي عيش ايامك كيف تبي يجي يوم ونفارقو والندم بعد الفراق يقتل
عمر:ان شالله خير
سلطانه:خود قهوتك بردت
شربها مره وحده ووقف:هي اعطيني الاذن
سلطانه:زينه وليدي ربي معاك
ركب سيارته راجع للحوش وعقله مشوش هلبا بعد كلام سلطانه
داريا:شنو منظم!
حسنيه:يابنتي والله مانفهم فيه لكن حلوة ماشالله
داريا:اوك هدا المهم
حسنيه:هي كملي لبسك بننزل نشوف عمك
خش عمر طايرتله:فكيني من كثرة ال 😨
داريا:خيرك
عمر سرح فيها كيف متغيره بالمكياج واللبسه
داريا:هييي بلاك
فاق عيها خدت من ايده الدخان ولوحاته:فيش داعي نمشي للمرا ريحتي دخانك
شد ايدها وقربها منه:الله يبارك عالزين
دفاته بعيد:خش البس معاش وقت تأخرنا عالناس
عمر استغرب:شن فيه!
داريا:الليله معزومين ومفروض نكونو زوجين طبيعيين وبعد نرجعو عندنا حكي
عمر اكتفى بالهدوء حتا ماتخرب ليلتهم
فيصل:ماشالله انواع واشكال وانا مخليتني عايش في الفقر
ميسون:عيب حبيبي مه ضيوف بعدين بلاك اول مره ياكل عندنا
فيصل:تي احسبيني ضيوف حتا انا ووكليني حجات مليحه هكي
ميسون:به حاضر غير هيا اركب غير قريب يوصلو
فيصل:لا قاعد بهادو شن جايني رئيس البلاد هوا بلاك
ميسون:ومرته اول مره تتقابلو بتستقبلهم في توته
فيصل:عادي مادوريش انتي طارحه ساد اسمعي ديريلي قهوة عالسريع قبل يوصلو
ميسون:لا 😒 اصبر تشربها مع صاحبك
رن الجرس
فيصل:ولد حلال بري غطي شفاشيفك
لبست وشاح وطلعت تجري
فتح فيصل:مرحبتين
عمر:خير
ميسون:اهلا وسهلا انستونا
عمر:واتي عشاكم جعان
فيصل:نستنا فيك بالقهوة هي نمشو للمربوعه قبل مايلزونا
داريا:كيف الحال
ميسون:كويسه وانتي
داريا:الحمد لله
ميسون:محلاك تهبلي الله يبارك ❤️
داريا:سلمها عيونك الحلوات
ميسون:اللي عرفته انك كنتي عايشه برا وماعندكش صاحبات هنا احسبيني زي وخيتك موجودة ديما واللي تحتاجيه كلميني بس لازم حتا احنا نديرو حزب عليهم
داريا:نتشرف بيك
ميسون:هي نمشو نديرولهم القهوة باش يسكتو فيصل بكري ينق
داريا:قريبته انتي صح
ميسون تجهز في سفرة القهوة والضيافه:اي امه وماما بنات الخاله
داريا:حلو يعني واخداته حب
ميسون:لا والله واخداته غصب 😂
داريا:كيف
ميسون:هدا ياستي انا عاجبني من زمان ونبيه فااتفقت انا وخالتي وجبراته يتزوجني وجبته للطريق توا ميت في دباديبي
داريا:صحه ليك قادره 😶
ميسون:تعبت معاه هلبا حتى وصلنا لوضعنا توا
تنهدت داريا:ياريتني قدرت نوصل لنفس اللي وصلتوه 💔
ميسون:دقيقه بس
طلعت بسفره القهوة للباب
فيصل:زي ماوصيتك وراسك حبيبي شكلهم متعاركين
ميسون:والباين صاحبك مطينها
فيصل:غير رطبي الجو انتي ماتزيدي تشعلي النار هي انطلقي
رجعت ميسون للصالة وبدت جلسه التحقيقات:اييي احكيلي قصتك من الاول ليا وقت نبي نتعرف عليك ونعرف شن طيحك في بلاك
داريا:نصيبي جيت من برا بنحضر عزا اختي لقيت روحي مدبسه في راجلها ومجبورة
ميسون:ليش ماهربتي بهي
داريا ضحكت:راجلك صاحبه وشريكه في كل شي يعني عارفتهم كويس، عمر خطفني وهددني بأمي وولد اختي
ميسون:بهي شن السبب يخليه يدير هكي وهوا مايعرفكش من قبل ولا حتا شايفك
داريا:كل اللي قاله انه كانت عنده لعبه وماتت خدي غيرها من نفس المكان
ميسون:كيف يتعامل معاك
داريا:اوقات يرفعني فوق لسابع سما ونحسه مايحبش غيري في الدنيا وكيف يقرب مني، بس يرجع ينزلني لسابع ارض لما يقولي انه الحب معاه مستحيل وفي نفس الوقت الطلاق لا
ميسون:اففف شن هالمتناقض
داريا:حياتي معاه جحيم وقت يتعصب يرد كل غيضه فيا، ووقت يكون مرتاح مافيش احلا منه معاي تعبت منه اهون عليا يطلقني ونمشي وانا قلبي يحبه 😭💔
ميسون:لاحول ولاقوة الا بالله اهدي حبيبتي كل مشكله وليها حل اكيد
داريا:انا تعبت ياميسون قعدا نجازف في بحر مش عارفتله مخرج ولا عارفه نطلع منه حيه او ميته مانعرفش عليه شي
اصلا، واخر شي جت بنت عمته تقول انه حبيبها وتبيني نطلع من حياته لانه بيكمل انتقامه مني ويكره هاني مش فاهمه شي عقلي بيوقف
ميسون حضنتها:بهي غير اهدي وربي يفرجها من عنده
داريا:شن درت في حياتي انا طول عمري عاحالي لااذيت حد ولا غلطت في حد ليش نتعاقب بالطريقه هدي ليش نتحاسب على اغلاط حد ثاني
ميسون:بس اللي عرفته من فيصل انه بلاك يبيك وواضح من اصراره عاعدم الطلاق
داريا:مافيش مره حسيت انه يبيني
ميسون:انتم زواجكم!
دايا ضحكت بوجع:زواج عاورق بس 💔
ميسون انصدمت:مش عارفه شن بنقولك
داريا:فيش كلام ينقال هما صحاب بس انتي ربي رحمك لما خديتي فيصل
ميسون:هوا حكالي انه راجلك متغير هلبا عاقبل وبادي هادي فيصل متأكد انه يحبك
داريا:لايحبني ولا شي ابصر اختي شن دايرة معاه خلاه يقرر يكمل فيا انتقام وبس
ميسون:ان شالله خير ربي يفرج عليك حبيبتي
اما في المربوعه
فيصل:قالت امي مشيتلها
عمر:اممم ليا وقت ماشفتها
فيصل:وين سارح
عمر:شي تاعب بس
فيصل:شن صار مع سوزان
عمر:موضوعها تافه تطلع برا في لحظه لكن مخليها تلعب توا نبي نتأكد من اللي معاها بس وبعدها يصير كلام تاني
فيصل:ومرتك
تنهد عمر:خليها على ربي وراسك صقري سكره الموضوع هدا
ناض فيصل جاب العشا:بهي تعالا كول مش جعان
عمر:هي بسم الله
ميسون:كولي يادودو خيرك
داريا:سلمها متعبه روحك علاش هدا كله
ميسون:مش من قدركم انتي بتبدي صاحبتي ووخيتي وسلفتي اصلا قداش ليا نبي نجيك لكن فيصل زي الهم مش فاضي ديما
داريا:اهو تعرفنا وان شالله نقعدو ديما نتواصلو حتا لو اطلقت وسافرت مش رح نتقاطعو
ميسون:لا مافيش طلاق عمر مايتخلاش عليك
داريا:يتهيألك عمر مش فيصل قلبه طيب ويحن ماسموشي بلاك من فراغ ويجيك يوم تتأكدي من كلامي
انفتح الباب وخشو
فيصل:ياسر عاد هدرزتو ماسادكم خلي نقعمزو معاكم
ميسون:اي تفضلو
فيصل شد ميسون وخش للمطبخ:خيركم وجوهكم مقلوبه
ميسون:صاحبك احقر منه مافيش
فيصل:خيرك الزح تكلمي كويس
ميسون:نحي عليا وتقولي يحبها هدا لو يكرها مايديرش فيها هكي
فيصل:انتي ماتعرفيش شن صار فيه زمان وشن دارت اختها
ميسون:قلتها بروحك اختها شن علاقتها هيا تتعاقب بعمايل غيرها
فيصل:بهي بهي بعدين نحكو زيدينا قهوة وعدلي وجهك هدا تسمعي فيا. 😡
ميسون:فهمت
عمر: هدا كله البكي بسببي طبعا
داريا:كويس عارف
عمر:هي نوضي نروحو نبي نحكي معاك
داريا:نزيدو شويه
عمر:لا ياسر هيا، مروحين صقري
فيصل:خيرك ياراجل مزال الوقت
عمر:قتلك بكري تعبان بنروح نرقد بعدين انت في وجهي ليل نهار ريحني منك
فيصل:ماشي مقبوله
ميسون حضنتها وهمست:شدي حيلك ازمة وتفوت
داريا:معرفه خير حبيبتي تصبحو عاخير
شد يدها وطلعو
داريا:سيب ايدي
عمر:خيرك اليوم شن صايرلك
داريا:نوصلو حوشك ونتكلمو
عمر:حوشنا
داريا:انا مالياش مكان في حياتك ولا حوشك اللي يربطني بيك هاني وبس
عمر تعصب:سكريه فمك بهي لين نوصلو ونشوف شن النقه الجديدة هدي
حاتم:حلو نقطه مليحه بالكثير غدوة تولع بينهم داريا ماتسكتش انا نعرفها
سوزان:وعمر مش رح يطلقها اسمع مني اللي شفته في عيونه غير على زمان بلاك تغير هلبا
حاتم:نديرو خطه غيرها شن ورانا هاني هكي هكي مايورثش
سوزان شافت السياره خشت:تمام سكر توا غدوة نكلمك
وقفت تراقب فيهم كيف يتناقشو وعمر شادها من ايدها بقوة ضحكت:اسرع من توقعاتنا ياداريا 🙂
فتح باب الدار دفها وسكره بقوة:خيرك اليوم شياطينك نايضة
داريا:عمر بدون كثرة كلام ونقاشات طلقني وخليني نمشي ولدك عندك وارحمني انا طالما ماتحبنيش ليش مخليني عندك
عمر:كفر في دماغي انا وطلاق مافيش
داريا:نكرهك ومستحيل نعيش معاك واحد حقير يوم ترقد في حضني ويوم في حضن غيري بميه وجه
عمر:حضن غيرك! شن تخرفي انتي امتا شفتيني راقد مع غيرك دماغك هدا شن فيه يافرخه
داريا:بنت عمتك اللي تحضن فيها الصبح
ضحك بصوت عالي:عيله ومش رح تكبري كان شفتيها مقربه مني يعني خلاص نحبها ونبيها
داريا:ايه وطلقني توا
عمر:بري غيري وارقدي اعصابك ماتتحملش اللي دايراته هدا
داريا:طلقني
عمر:خلاااااص ياسر اقلبي وجهك من قدامي
داريا:تمام انت اخترت
وقف في البلكونة يدخن ويفكر حس بهدوء غريب خش يشوف فيها:داريا افتحي الباب
فتحت وطلعت تبكي
عمر:خيرك
داريا:انت جبرتني ندير هكي خلاص وصلت معاك للنهاية ومعاد عندي طاقه نتحمل كل قوتي هديتها ومصيري زي اختي
عمر:شن قصدك
حس بيها دايخه اول ماشدها شاف الدم سايل من ايديها الزوز
داريا:نكرهك
عمر:شن درتي انتي علاش هدا علاش
داريا:انت السبب بس ارتاح
طاحت بين ايديه
عمر عيط:داريا داريا ردي عليا نوضي داريا لااااااا💔 يتبع
التنزيل يوم بعد يوم والوقت من الساعه 10الى 11
