part8
#شروقي_المظلم
داريا:تبصر 😨
عمران:لا للاسف
داريا:وتبيني نقنع عمر مستحيل احتمال يقتلني انا وياك
عمر:تقدري تقنعيه عارف بلاك بادي يتأثر منك ويهدى معاك
داريا:لايتأثر لايهدا بالعكس يرد فيا في القديم والجديد
عمران:والله خوي يحبك
داريا:يحب عينك قبل شويه كان يقولي ماتفكريش فيا بكل
عمران:يبي يبعدك بس
داريا:بس القصه هدي كبيرة كيف بنحلوها
عمران:مش عارف وربي راسي بينفجر مانقدرش بدونها نموت
داريا:انا بندير محاوله ويستر الله تعرف كان يضربني حانردهولك كله
عمران ضحك:راضي غير اقنعيه بس
داريا:نحاول
عمران:ادلعي وديريله حركات توا يذوب ويقولك بهي خوي مش ساهل وبنفوذه قادر يقلب البلاد غير هوا متواضع 😂
داريا:لا هلبا
رجع فيصل عالمغرب وصل مرته وطلع لمكتبهم
عمر:الحمد لله عالسلامة
فيصل:سلمك شن صار
عمر:اللي حكيتهولك
فيصل:عاشن ناوي انت
عمر:نقتلها ونريح دماغي
فيصل:فوتها ياراجل تعرف بوك انت
عمرخبط عالطاوله:ماكاسرني غير بوي انا كل مره يحطم فيا
فيصل:فيه حل ثاني ينهي القصه بكل
عمر:غرد هي
فيصل:احكي لمرتك كل شي وحطها في الصورة فشل سوزان وبعدها تقدر تعرف من وراها
عمر:تي متأكد منها زي مانشوف فيك قدامي الوسخ حاتم معاها
فيصل:بهي شن قلت
عمر:لا
فيصل:معناها ريح روحك وطلقها ترجع تسافر وانت حل مشاكلك هنا
عمر ضحك:تبصر انت ولا تخفف في ام دمك عليا 😡😡 خيرك عقلك وين لوحته
فيصل:كلامي واقعي ماتبيهاش تعرف طلقها وفضها القصه
شده من لبسه ودفه عالحيط:نقتلها وماتطلقش مني
فيصل:شن تبي منها تموت زي اختها
عمر:نبيها تقعد قدامي نتفرج عليها ونحكي معاها
فيصل:وتعذب فيها
عمر:انت عاشن ناوي
فيصل:انا نقول في الحق ياراجل فوتك منها تلقا خير منها الف وحده
في لمح البصر عمر سحب سلاحه وضرب طلقتين ....
سلطانه:المهم غيرتو جوكم
ميسون:ايه جوها حلو
خوله:ووين طار هوا مالحقنا حتا نسلمو عليه
ميسون:قال بيمشي لعمر
سلطانه:هاتي الهاتف خلي نتصل بيه يجي هالكلب
اتصلت مرتين ماردش وفي ال3 انفتح الخط
سلطانه:ها وليدي وينك
عمر:اهلين ياامي
سلطانه:كيف حالك عموره وليدي
عمر:الحمد لله شن امورك انتي وصحتك
سلطانه:في نعمه وين هالمكلوب صاحبك
عمر:اهو شويه ويجيك
سلطانه:خيركم فيكم شي
عمر:كل خير امي ماتشغليش بالك
سلطانهه:بهي في حفظ الله وليداتي
ميسون:شن قالك
سلطانه:قلبي مش مريحني ولدي فيه حاجه
خوله:ان شالله خير ماتفاوليش عليه
ميسون مشغوله وخايفه بس ماتبيش تزيد تخوفهم قعدت ساكته وتهز في رجلها
لين سمعو صوت سياره ورن الجرس
طلعت ميسون تجري فتحت لباب وشهقت
فيصل:اسس ماتخلعيش امي مافيا شي
بدت تبكي:كيف مافيك شي لبسك كله دم شن صاير
فيصل:انصبت بالغلط وكويس
ميسون:متأكد
فيصل:وراسك ياعيوني مافيا حاجه كنت في العياده وجيتكم طول خلاص امسحي دموعك
ميسون: الحمد لله عاسلامتك 😢
سلطانه:منو يابنتي
فيصل:ولدك يامبراطوره 😅
سلطانه خبطت عارجليها:هييي شن صارلك ياولد
فيصل قعمز بصعوبه:اااه شي اصابه عمل
سلطانه:اصابه امك وطيح سعدك وين جاتك
فيصل يضحك:شن اول مره ننضرب برصاص خلاص عاد
سلطانه:كلب الكلاب انت وياه توا نوريهولكم
فيصل:تفاهمي مع بلاك انا متصاوب
سلطانه:مشيت للعياده
فيصل:مشيت ونظفولي الجرح وخيطوه وجعان
خوله:توا نحطلك هي
فيصل:ياسرك من الدموع مافيا شي قلنا
سلطانه:خلعتها مسكينه مش متعوده بيه الهبال هدا
فيصل:تعودي انا ننضرب بالرصاص زي ماناكل ونشرب
ميسون:ربي يحميك
فيصل:ان شالله وربي منورة ياامي عالاجبار هوا
سلطانه:باش تعرف امك ماتختارلك الا المقوم
فيصل:من ناحيه مقوم لا شهاده لله 100% غير تحن علينا 🤤
ميسون تحشمت ناضت مشت للمطبخ
سلطانه:قليل حياا
فيصل:هههه يسلم عليك بلاك
سلطانه:شن اخباره وحال مرته
حط ايده عالجرح:اااه علمي علمك يااميمتي
قربع باب الدار وخش
داريا:بالشويه خلعت الولد
عمر:وخيره راقد هنا
داريا:يبي يرقد معايا الليله
عمر:بهي نوضي ارفعيه لداره فوتي ليلتك عاخير
خدت هاني لداره ورجعت:تبي تتعشا
عمر:كليت برا
داريا:اوك
عمر:الكلبه هاديكا شن دير عندك وشن حكيتو
داريا انصدمت:داير كاميرات ولا شنو
عمر:نستنا في الجواب
داريا:ااه تبينا نتفقو هيا ترجعلك وانا نطلق ونسافر مع هاني
عمر:غيره
داريا:وقالتلي دنيا سبب خراب علاقتكم وانك تكره هاني ومتزوجني حتا تكمل انتقامك
عمر:كويس
داريا:وانا خديت قرار
عمر:فاجئيني
داريا:معاش نبي نعرف شي عاالماضي انت معاك حق ماكنتش موجودة فيه ومايخصنيش نعرفه، نبي نكون معاك ونبدو من جديد عمر انا بجديات نبييك 🥺 ومانبيش حد يشاركني فيك طلع سوزان من حياتنا وخلينا نعيشو مرتاحين
عمر:اممم شن تبي!
داريا:شي
عمر:متأكدة
داريا:ايه
عمر:جيبي الكيسه اللي وراك
داريا:خيرها
فتح هاتفه قدامها:تبعي الفيديو وخيطيلي جرحي
داريا:تبصر
عمر:معودك عالبصاره 😡 فرخه ماطلعينيش على طوري شدي الهاتف وخيطي الجرح
داريا خافت وايديها يرجفو:بس انا مش دكتورة
عمر:دكتورتي انا هيا
خدت الخيط واليبرا بدت تبع في الفيديو وتحاول تخيط
داريا:مانقدرش ارجوك 😢
عمر:خيطي
داريا:بهي بنج
عمر:نبي نحس بكل خرزه منك
داريا:حرام عليك
عمر:خيطي قلت 😡😡😡 مش تبي تكملي معاي حياتك تعودي انا ننجرح وننصاب وانتي بداوي
بعد نص ساعه معاناه خيطتله الجرح
عمر:منورة
اما داريا مزالت في الصدمة تشوف لايديها معبيات دم وكل جسمها يرجف
قرب منها عمر وحضنها:اششش اهدي مرت بلاك لازم تكون قوية وماحد يقدر عليها
داريا:انت تقتل فيا 😢
عمر:نزيد فيك قوة
داريا:مريض
عمر:بري خودي دوش وهدي روحك ماصار شي
داريا:انا
عمر:عارف تبي شي مني غدوة نحكو فيه توا بنرقد تعبان
هزت راسها ومشت للحمام دوش
عمر ابتسم:يانا ياانتي بنت فهمي
بعد وقت طلعت من الدوش قعدا بنفس الحاله
اشرلها عمر:تعالي
قعمزت جنبه:شن تبي
شدلها ايديها:اهديي شن الخوف والدموع هادو وين القوة اللي خاشه تحكي بيها اول يوم
داريا:انا مش مجرمة زيك نقتل بدم بارد
عمر:هذا كله من خياطة مالا لما بنقتلو انا وياك كيف بديريلي
بعدت عليه:انت شن تقول
ضحك عمر:غير تعالي نبصرو معاك ياودي
داريا:نكرهك انا
عمر:توا كنتي نبيك ونبيك
داريا:ماصارش طلقني وردني نار فهمي ولا جنتك
قرب منها:ماعنديش جنة انا عندي ظلام وبتعيشي معاي فيه
داريا:بهي بعد
دفن راسه في شعرها:ااااخ يافرخه نهايتي انتي
داريا:والله انت اللي بتقتلني
عمر:تعالي نرقدو والصبح احكيلي شن تبي
داريا:وديرهولي
عمر:حسب
داريا:لا عاد بتنفذلي طلبي ولا نفتحلك جرحك توا
عمر:وتخيطيه من جديد
ذاريا:ييوجع فيك
عمر:واخد مسكن اندفسي وريحينا من لسانك
داريا:والله ماتتحشم بعد عذبني قالي اسكتي
حضنها وحط ايده عافمها:اششش خليني نرتاح
قعدت تشوفله لين خلاها النوم عانفس الوضع
في مكان ثاني
ركب عالسور ونقز خبط رجله في عمود الاضائة:اااخ 😣
شافاته من الباب طلعت تجري:حبيبي خيرك شن صار
عمران:وين الطاوله اللي كانت هنا
سهى:حولوها بكري ماقدرتش نتكلم
عمران:ليش ماقلتيلي بس
سهى:اسفه 😥
عمران:مش مشكله تعالي هي
خش معاها وركبو لدارها
سهى:نشوفهالك
عمران:لالا تمام
سهى:استحشتك
عمران:انا اكثر شن الوضع عندكم
سهى:توا مافيش شي قال بنوتي حوشي قبل وعندي خدمة الشهرين هادو وبعدها نديروه
عمران:ان شالله خير غدوة بنحكي لبلاك
سهى:شن مفكر دير
عمران:بنديرو محاوله مع بوك ولو رفض تقبلي تهربي معاي
سهى:ايه نسافرو ونرتاحو من قصه اهلي واهلك
عمران:يستر الله
سهى:وامك بهي
عمران:ماتخافيش امي اللي نحبه انا تحبه حتا هيا
سهى:نبيش شي انا والله غير نكون معاك وحلالك
عمران:باذن الله حبيبي ناخدك وتجيبيلي عشره بنات
سهى:احلم
عمران:وراسك لما تجيبيهم
سمعو صوت دوشة برا
سهى: خليك نشوف
شافت من الشباك لقتهم حرس توزعو في الجنان
عمران:شنو
سهى:حراس
عمران:كييف من امتا هادو
سهى:والله مانعرف
عمران:تي كييف ماعندكش علم وسيبتيني نخش نحصل هنا
سهى:ماحد حكا قدامي
عمران:عارفه لو يشدوني هنا شن بيصير فيا ولا 😡
سهى:معقوله بنخليك تخش وانا نعرف بالحرس
عمران:قلتلك مليون مره ركزي وافتحي عيونك
سهى:بهي ليش تعيط توا يسمعك حد 😭
عمران:الهم مستحيله الطلعه توا بنقعد للصبح
سهى:سيارتك وين
عمران:مسيبها في مكان ثاني وجيت برجليا
سهى:حبيبي
عمران:اسكتي مانبيش نسمع شي ماتعرفيش المشكلة اللي طيحتيني فيها توا مع بلاك
سهى:ليش
عمران:من بيطلعني ياذكيه غيره
في حوش فيصل
ميسون:هدي!
فيصل:ايه
حولتله قميصه وساعداته يلبس التيشرت
ميسون:ماعطوك مسكن!
فيصل:اعطوني وخديته ضربه بسيطه
ميسون:بهي غير حرارتك بدت ترتفع
فيصل:افتحيلي التكييف
ميسون:تكييف شنو احنا في الشتا نديرلك كمادات
فيصل:لا
ميسون:علاش تسكير الراس
فيصل:مافيا شي كويس
باساته عاخده:عاخاطري حبيبي
فيصل:هاا 🤤
ميسون:خفت عليك هلبا
فيصل:ايااه
ميسون:والله مش راجلي وقلبي
فيثل:تحبيني!
ميسون:هلباااا
فيصل:حليلي وربي نتعب معاك بهي علاش حارمتني منك
ميسون:لانك تبينيش 🥺
فيصل:انا تي بنكلب عليك
ميسون:بهي شد صحتك بعدين لينا كلام
فيصل:لالا تمام توا اسد ونعجبك
ميسون:لا هيا ارقد نجيبلك كمادات
فيصل:اففف بهي
الساعه 7الصبح
رن هاتفه:الو من الرقم غلط
عمران:تي نوض ياراجل طايح في مصيبه
قعمز بسرعه وجعه الجرح:ااااه 😣
ميسون:بسم الله خيرك
فيصل:شي شي ارقدي ها خيرك
عمران:نبيك تمشي لي بلاك وتجو طلعوني من الهم اللي حصلت فيه
فيصل:وين انت
عمران:احم في فيله النمس
فيصل عيط:شنووو 😳😳
عمران:هدا اللي صار وجاب حراسه امس حصلت معاش قدرت نطلع الحقوني قبل نوصلكم جثه
فيصل: مش وقت دوة توا نوصلك وحانكسرك ماتبينش روحك
عمران:تم
سكر هاتفه وتلفت يطلع في لبس:ديري قهوة بسرعه وراس حبي
ميسون:شن فيه
فيصل:نروح نحكيلك غير هيا تحركي
ميسون:بهي جرحك
فيصل:مادوريشي
لبس بدلة وواقي رصاص ونزل يجري
ميسون:بالشوية
خدي منها القهوة شربها في مره وحده:منوره ياعسل
ميسون:رد بالك عاروحك
فيصل:حاضر
اما عمر قاعد في نوم عميق في احضان داريا مايندرو عاشي
لين خبط الباب بقوة خلعهم
عمر:شن فيه 😡
الشغاله:بابا صاحب انت يقول في مشكل ويبيك توا توا
عمر:مني
الشغاله:فيصل
عمر:خير ان شالله
فتح الباب ونزل
فيصل يدور في الجنان:اركب هي
عمر:خيرك شن فيه
فيصل:مافيش وقت نشرحلك خوك حاصل في حوش النمس ياتلحق ياماتلحقش
عمر:عمران
فيصل:تي اي عندك خو ثاني
عمر:تلفت رجع للحوش ركب يجري للدار
داريا:خيرك
فتح الدولاب وجبده عاجنب طلع وراه مكان معبي سلاح
داريا شهقت:هيي شن هذا
خدي كلاشنات وطلع يجري
فيصل:اركب نمشو بسيارتي
ركب معاه وطلعو
عمر يركب في الرصاص:شن رفع امه غادي ولا خطفوه تي وربي نهو عمرهم بايديهم
فيصل:ماخطفه حد هوا ماشي برجليه ومانعرفش السبب
عمر:امتا كلمك
فيصل:توا متع ربع ساعه فاتت
عمر:شن رفعه الكلب
فيصل:ونزيدك بايت غادي من امس
عمر:انا بنقتله اهوا ونرتاح من خرااه
فيصل:اصبر ماتتكلمش لين نسمعو منه ليش مشا
عمر:بهي بهي غير استعجل وكلم سعود
فيصل:كلمته يستنا فينا ورا الفيلا
داريا دور في دارها مشغوله وصلها مسج" انا حصلت عند سهى وكلمت بلاك جايني حاولي تتصرفي قبل يقتلني"
خشت سوزان:شن فيه
داريا:مانعرفش
سوزان:كيف ماتعرفيش راجلك طالع من جنبك وسيبتيه هكي
داريا:قلتيها بروحك راجلي انا يعني ماليكش علاقه فيه
سوزان:يخصني لانه ويهمني ونخاف عليه
داريا:هه ووين كنتي السنين هدي كلها بخوفك 🙂
استفزتها طلعت بدون ماترد عليها
داريا:يارب جيب العواقب سليمه
وصل للمكان اللي موجوين فيه الحرس
سعود:معلم
عمر:اتصل بيه
فيصل طلبه وعطاه الهاتف
عمران:هاوين انت
عمر:وين مكانك من الشارع
عمران:بلاك
عمر:تكلم
عمران:مقابل المول
تنهد عمر ومسج عاوجهه: لما تجي رصاصه في الشباك انزل واركب السياره اللي بتخش
عمران:تمام
عمر:مانبيش رصاص يوقف لحظة سعود اركب السوده وخش طلعلي خوي
سعود:صار
فيصل:عارف شن وراه هذا ولا
عمر:خوي هذا خوي تبيني نسيبه داخل يفرموه لو لزم الامر تقوم حرب عاخاطره
فيصل:طلعه وماليكش علاقه بيه
عمر:ماشي
ركبو سياراتهم ولفو عالفيلا بدو يضربو في الرصاص من كل مكان وصابو اغلب الحرس
اما سعود خش بسرعه في بوابه الفيلا كسرها
عمر ضرب طلقه في الشباك
عمران:انا بنمشي
سهى:رد بالك عاروحك
عمران:ان شالله
نزل يجري حاول مايشوفه حد وطلع من باب المطبخ ركب السياره وطلعو
عمر اشرلهم وانسحبو في دقايق
نمس يعيط:انت بديت يابلاك واعلنت الحرب علينا فتحت قبرك بيديك خدي هاتفه واتصل بولد خوه
شخص:نعم ياعمي
نمس:تعالى توا
شخص:شن فيه صبح
نمس:بلاك هد علينا وضرب كل الحرس
شخص:شنووو امتا وليش شن دايرله انت
نمس: اختفو توا
شخص:دقايق ونكون عندك
بعد مسافه درسو السيارات
سعود:انزل مع المعلم يستنا فيك
عمران:برا ياراجل من قالك نبي نركب معاه
سعود:اوامر تفضل
نزل عمران وركب مع فيصل:خير
عمر:اطلع لحوشنا
عمران:اسمعوني قبل بهي
فيصل:سكره عليا الفم هذا لين نوصلو مكانا وبعدها توا نسمعك عالمزبوط
عمران:ماتتلاقوش عليا تقتلوني
فيصل:اي اي ليا وقت عالدم انا
عمران:بلاك!
عمر: يشوف قدام ماقالش حرف
بعت عمران مسج ثاني لداريا وسكت يستنا في مصيره
"بصراحه سخفني رغم عملته 😅"
وصل قدام الحوش
نزل عمر:كثف الحراسه عالمكتب والحوش تجهزو الكل النمس مش رح يسكت وبيرد في اقرب وقت مانبيش حد يطيح فاهمين
سعود:تم الكلام
فيصل فتح باب عمران شده من لبسه ودخله للحوش
عمران:غير اسمعوني بالله عليكم وراس نساوينكم
فيصل دفه بقوه طاح عاظهره
عمران:ااه قول كلمه بلاك
عمر قعمز عاول كرسي وولع دخانه:نسمعو فيك هي
عمران:انا نحب بنته
فيصل:بنت منو!
عمران:النمس
عمر وقف:شنو
عمران:ولينا سنين مرتبطين وديما نخشلها بنفس الطريقه ولانه ماعندهمش حراسات كان الموضوع ساهل
فيصل مفنص عيونه:مش اول مره تخش يعني
عمران:لا
عمر:كمل كمل
عمران:جان عاطي فيها كلمه وبوها قرر انه يزوجهم انا وربي كنت بنحكيلك نبيك تساعدني نحبها
فيصل:طز فيها وفي قلبك 😡😡 ماتنحبش عدونا لا
عمران:نحبها ومستحيل نسيبها
عمر:انجنيت انت دماغك بعته ضاقت الدنيا تمو البنات ماشي تحب في فرخه النمس😡
عمران:شن بندير بهي الله غالب
فيصل حاط ايديه عاراسه:قاعد يتعذر ويقول الله غالب حييي عليك بتودرنا انت يافرخ
عمران:بهي نبيها ساعدوني نتزوجها
عمر:تتزوجها تيي امك تعرفها! تنساها من دماغك مرة وحده ديرله سفتوير
عمران:مستحيل
عمر:والله
عمران:ايه
فيصل شده من شعره:فرخ ماتعصبنيش بنقتلك رهو
عمران:نحبها نبيها افهمو حسو بيا
ضربه برجله عابطنه:تنساها تمسحها من دماغك
عيط عمران بقوة سمعوه الكل وطلعو يجرو
عمر:خوي عنده بطأ فهم ياصقري
قامه فيصل وبدي يضرب فيه بوكسات
عمران:ياكلاب وربي مامسامحكم
فيصل:بسببك فتحنا عاروحنا حرب ياكلب 😡 تعرف شن درت اليوم حطيت خوك وكل عيلتك في الخطر
عمران:ماكنتش نعرف
فيصل:حمار انت تخش لوكره برجليك طلعت امها برا
عمران:ااه خلاص بتقتلني
داريا:عمر حرام عليكم سيبوه 😨😥
حسنيه تعيط:ياحليلي بيقتلو ولدي الله لاتربحك ياكلب انت وياه
فتحي واقف بعدي يشوفلهم وساكت
داريا تشد في عمر:قوله يسيبه بيقتل خوك
عمر:شن طلعك انتي
داريا:تسمعش فيه يعيط
عمر:خلي يعيط لين ينقطع صوته باش يتربا امه ماعرفتش تربيه مطلعاته خيخه
حسنيه:حسبي الله ونعم الوكيل فيك
عمران وجهه دم:عمر خلااص
فيصل:بتنساها 😡😡😡😡تسمع فيا ولا
عمران:خيركم انتم متزوجين وانت تاخد وتعاود
عمر:لانه بوها معاي ياحمار انت اشر عااي فرخه تتبعنا وناخدهالك غصب عن اهلها
عمران:مانبيش حد انا نحبها بنت النمس هيا والموت
فيصل:كويس اخترت اقصر طريق
طلع سلاح وحطه عاراسه
عيطت داريا:لااااا لا بالله عليك ماتقتلاش عمر عمر خوك بيقتل خوك عمر شوفه شن ديرو انتم هدا خوك امه تتفرج عليه لاا
شدها عمر:اسكتي
ادخل فتحي:خلاص صقر خليه الباقي عندي
حسنيه مقعمزه تبكي
وداريا طاحت اغمى عليها
قامها عمر دخلها
فتحي:نوض اركب لدارك
عمران:مش قادر نتحرك
فتحي:ازحف لين توصلها ومزال الحساب معاي 😒 تفضل ياولدي
فيصل:سامحينا حاجه
حسنيه:حسبي الله ونعم الوكيل فيكم
حاول عمران يوقف سنداته امه ودخلاته
عمر حاول يفيق داريا مافاقتش طلب دكتوره
فتحي:مايعطلش ويجي هوا وولد خوه
فيصل:ايه ربي يهديه ولدك
فتحي:عاشن ناويين
فيصل:بنوقفولهم وخلاص شن بنقولو يعني انت ادعي ربي مايكونش مركب كاميرات
فتحي:يستر الله
فيصل:سامحني ياعمي ضربته قدامك
فتحي:مفروض كسرتله رجليه اللي رفعوه عندهم بدون مايفكر شن عواقب تصرفاته انا ماصدقت عمر رجع للبلاد، بسبب الفرخ هدا ممكن نطلعو كلنا
فيصل:لالا نحلوها سلميه ان شالله
فتحي:خلي تفوت عاخير وانتم ردو بالكم بعدها انا نحكي معاه النمس
فيصل:ان شالله نستاذنك بنشوف الشباب برا مايطلعش حد توا حتا للجنان
فتحي:بهي ياولدي
عمر:شن فيه خيرها!
د:صايرلها انهيار عصبي قوي خلاها تفقد الوعي عطيتها ابرة مهدئ ووصفتلها كم دوا ياريت تبعدوها عااي سترس او توتر الفتره هدي
عمر:ان شالله شكرا
د:العفو
عمر:طلعو الدكتورة من الخلف ووصلوها وين تبي
رجع للدار شافها ونادى الشغالة:مزال فيه منوم
شغاله:يس بابا فيه
عمر:اعطيني وحده بسرعه تحركي
ضربلها يبرة منوم غطاها وطلع
فيصل:تعد ولا نعد
عمر:لبست!
فيصل:ايه والاعمار بيد الله
عمر:معاك ياصاحبي
فيصل:شنو خونا
عمر:فوته بكل
فيصل:ومرتك
عمر:ان شالله خير شورها بتهبل بكل
فيصل:يستر الله
سمعو صوت سيارات برا
عمر:مانبيش واحد يطيح
سعود:امرك
فيصل:وربي لا مستاحش الدم وجونا بروحهم
عمر:فكنا مانبيش تكبر
فيصل:هيا هيا
وفي لحظات بدي الرصاص بينهم
جان مقعمز في سيارته بعيد:نهايته عاايدي الكلب هدا
النمس:ماتبيش تخش!
جان:انا وانت عارفين الدخله لبلاك تساوي الموت ضربو عليك رصاص اهو رديناها وقتي بس داخل لا ومردودة ماتفكرش حقك نجيبهولك كامل
النمس:بهي بهي
فتحي:شفت اخرت مصايبك
عمران يتوجع من الضرب:يابوي اللي فيا سادني
فتحي:لامزال اللي جاك من فيصل رحمه على خوك وانت عارف
عمران:علاش مانقدرش نعيش حياة طبيعيه زي باقي الناس علاش محكوم عليا نتبعكم ونغرق معاكم في نفس المستنقع
فتحي:مافيش حد خش بمزاجه كلنا انجبرنا
عمران:انا مش رح تجبروني
بعد ساعه وقف الرصاص وانسحب جان
فيصل:تعبنا الكلب
عمر:الحمد لله عاسلامة الكل
فيصل:جعان
عمر:جرحك انفتح
فيصل:مادوراش حشاك رصاصه غدر 😂
عمر:ارحم روحك خير ماتجيك الثانية
فيصل:مروح اقعد فيها
عمر:خليك مش امان برا
فيصل:لاياسرني بنمشي للراحه
عمر:ربي يهني 🙂
فيصل:عينك مع خوك لايجيبها لحوشكم
عمر:تم تم خود معاك حرس
طلع فتحي:شن الاوضاع والرجاله برا
عمر:مافيش شي كلنا كويسين غدوة نجيبو عمال يصلحو الرواشن ومكان الرصاص
فتحي:خلي يهدا هاليومين وبعدها ليا كلام معاه النمس
عمر:فوته يابوي زايده الدوة معاه
فتحي:لازم نتكلمو باش يشد ولد خوه مش وقت نفتحو معاه حرب
عمر:براحتك وانا مش راضي على مشيتك ليه
فتحي:مايصير شي باذن الله
سمعو عياط ركب عمر يجري لداره لقاها تبكي
داريا:قتلتوه ولا قتلت خوك 😭😭😭
عمر:اشش اهدي ماقلتلتاش
داريا:كذاب قتلته شفته انا شاد السلاح عليه شفته انت ماتحسش ماعندكش قلب تقتل دمك
عمر:والله ماقتلته ورحمه امي اسكتي خلاص
داريا:به وينه هي
عمر:في داره راقد
داريا:نمشو نشوفوه توا
عمر:قلنا راقد
داريا:معناها تكذب عليا ولا
عمر:الصبر ياربي تعالي هي
رفعها لدار عمران شافاته راقد وجنبه امه
داريا:هوا كويس
حسنيه:حسبي الله ونعم الوكيل فيهم كسروه تكسير
عمر:كان مربياته كويس ره ماصارش هذا كله شدي لسانك خيرلك 😒
داريا:خلااص انت غالط وتناقش
عمر:اطلعي قدامي هي
قعمزت عالسرير:تعبت انا 😢
عمر:من شنو
داريا:منك
عمر:به
داريا:طلقني عمر بالله عليك ارحمني
عمر:كل يوم براي
داريا:انت مجرم ابصر قداش قاتل واحد
عمر:مجرم وقاتل نص البلاد واسوء مني مافيش طلاق لا
داريا:بهي اقتلني هي توا بدل خوك
عمر:لا
داريا:شن تبي مني
عمر:مايخصكش
داريا:مالا يخص منو يخص هاديكا الحقيره بنت عمتك. جايه تقولي يكمل انتقامه منك
تلفت يدور في الدار جرحه يوجع فيه:عااساس تضحكي عليا امس وتلحسي عقلي بجو نبدا معاك ونبيك ومعاش يهمني الماضي تي يافرخه اللي تفكري فيه انا ماسحه من زمان
داريا:معاش تقولي فرخه
عمر:بهي ياكبيرة قعمزي واهدي على روحك صحتك مش حمل العار اللي دايرتيه
داريا:انت بتجنني بتقتلني بديت نخاف منك
عمر:كويس خافي وشن نبيلك انا غير الخوف
داريا:طلقني
عمر:بهي قعمزي ولا ارقدي دكتورة قالت ابعدي عالتوتر
داريا:طلقني توا ولا نقتل روحي
عمر عيط:خلاااص ياسر اسكتي ماتفهميش قلنا اسكتي 😡 في بالك انا المرتاح ولا عاجبني تي مافيش حد حاس بدين امي كل واحد يجبد من جيهه حتا انا بنادم ونحس
داريا:انت تأذي في روحك والكل
عمر:ماحد رحمني باش نحس بيه توا ونرحمه
داريا:انا شن ذنبي تعاقبني بغلطات غيري شن دايره في حياتي جيت هديكا اللحظة الله يلعنه يوم اللي فكرت نرجع للبلاد
عمر:اسكتي
داريا:مش ساكته طلقني
قام الطاوله حدفها تكسرت والتحف والمرايات ماخلا حاجه سليمه في الدار
داريا:جرحك ينزف
عمر:طلاق لا
طلع وسيبها كالعادة ومن هاذيكا الليله معاد تشوف فيه وهيا نفسيتها ادمرت حابسه روحها في الدار بس
اسبوع اسبوعين ومر شهر كامل عانفس الحال
سمعت تخبيط عالباب:تفضل
هاني:صباح الخير ماما
داريا:صباح الفل حبيب ماما
هاني:ترفعيني للمدرسه!
داريا:حاضر اصلا ليا فتره مامشيت سألت عليك فطرت!
هاني:ايه
داريا:صحتين ياقلبي استناني شويه نغير ونجيك
هاني:حاضر
غيرت لبسها ونزلت:صباح الخير
ردو الكل
داريا:عمي انا بنوصل هاني للمدرسه وبنشوف المدرسات
فتحي: في حفظ الله يابنتي
لحقها عمران:داريا
تلفتت:نعم
عمران:اسف
داريا:عاشنو تتأسف
عمران:كل شي فسد بسببي
داريا:لا هوا من البدايه مش موجود والقصه اللي صارت اكدتلي وبس انسا ماضايق روحك، صار معاك شي انت
عمران:معاد شفته عمر زيك وفيصل مانعني نطلع من الحوش
داريا:يخافو عليك هلبا
عمران:وانا نحبها
داريا:خليها عالنصيب ولو ليك اكيد تجيك
عمران:ان شالله
هاني من السيارة:هيا ياماما تأخرنا
داريا:جاية سلام توا
ميسون:هيا عاد مش قلت عندك خدمة
فيصل:فوتيني بنرقد
ميسون:اي باش يجي بلاك يهد الحوش فوق راسنا
فيصل:مادوريشي
ميسون:بهي نوض اشرب معاي القهوة هيااا بيبي
فتح عيونه:وحده ثانيه ترا
ميسون:بيبي 😘😘
فيصل:ااخ وحق الله نتعب معاك
ميسون:بهي نوض
فيصل:حاضر اعطيني حضن قبل
ميسون:نحبك
فيصل:ماقلتيش من امتا لكن
ميسون:لازم
فيصل:هيا وراس حبيبي احكيلي خلاص ماعندك علاش دسي الحب وحبينا وطحنا طيحه شينه
ميسون:تذكر زمان لما انحبس خوي وكلماتك ماما
flash back
عالسان ميسون
بعد انحبس خويا جتنا امك وقالت نكلمو فيصل اكيد يقدر يطلعه وجيت لحوشنا يومها كنت نضم في المربوعه شفتك ومن اول نظره حسيتك خديت قلبي كيف متعصب وتكشخ حواجبك مقرونات وسلاحك في جنبك حبيتك هلبا
بعدها قعدت نهدرز مع خالتي ونسأل فيها عليك واصلا هيا تحبني هلبا، مرة بعد مرة سألتني تبيه قلتلها ايه واتفقنا تزوجني ليك 😊
end back
كنت ديما نراقب فيك ونتبع في اخبارك في كل مكان، ولحد يوم الخطوبه كنت معاهدة نفسي نخليك تحبني، بس بعد تزوجنا ومن تصرفاتك معاي فقدت الامل بكل وقلت مستحيل يجي يوم ويحبني
فيصل:ويين مانحبكش انا من اول ليله لفتي انتباهي للنم، كنت نتهرب منك ومانبيش نحب ونتعلق بيك حياتي مش مضمونه في اي لحظة نموت مانبيش نخليك وراي لكن معاد قدرت نحبك ❤️ ونبيك مستحيل نسيبك الا بموتي
حضناته:بعيد الشر عليك ياروحي بعد عمر طويل ربي يحميك ويخليك ليا
فيصل:ان شالله
ميسون:بيبي
فيصل:عيونه
ميسون:غدوة بنعزم مرت بلاك
فيصل:بهي براحتك شوفي شن ناقصك وقوليلي باش يجيبوه الولاد
ميسون:شن رايك نمشو انا وياك نقضو يعرفوش هما ياخدولي حاجتي
فيصل:لا والله ماحلاه صقر خاش لسوق يشري في الخضرة واللحم قعمزي حبي قعمزي صوريلي اللي تبيه ويخلقوه هما من تحت الارض تم
ميسون:افف
فيصل:تم
ميسون:تم 🙄
باسها وخش للحمام يدوش
عند داريا في المدرسه
أبلة:زي مااتفقنا
درايا:ان شالله تسلمي
رن هاتفها برقم ماردتش عاود مرتين:الو
ميسون:السلام عليكم
داريا:وعليكم تفضلي
ميسون:ماعرفتيني انا مرت فيصل
داريا:اهلين
ميسون:كيفك
داريا:الحمد لله بخير
ميسون:باش تتفضلي غدوة عالعشا
داريا:ان شالله كان حصلت من يجيبني
ميسون:لا بتجي اكيد حتا كان نجيك مع فيصل نجيبك لازم نتعرفو ونهدرزو بنديرك صاحبتي
داريا:ان شالله نتلاقو
ميسون:حبيبي
فيصل يلبس:عيونه
ميسون:صاحبك وين
فيصل:في البلاد خيرك
ميسون:مرته ماعندهاش من يجييها
فيصل:توا نكلمه ونعزمه معاها تمام هكي راضيه
ميسون:يس شكرا ياقلبي 😘
فيصل:العفو لكن نبي منك حاجه
ميسون:مادير شي بلا مقابل انت 😒
فيصل:شي بسيط نبيك بس تحاولي معاها تهدي شويه مع عمر. وتحن عليه
ميسون:اممم
فيصل:تفهمي فيا
ميسون:لما نسمع منها قبل
فيصل:نعرفه تسكير راسك انا
ميسون:مهو مرات يكون ظالمها ونازل عليها بلاك يحكو عليه صعب هلبا مش زيك
فيصل:هوا صح لكن يحبها متأكد
ميسون:قاللها
فيصل:هيا قالتله وهوا مايبيش مش مقتنع
ميسون:ساهل غير تجي ونفهم منها نلعبلهم لعبتهم ماتفكرش
فيصل:سلمها اللي تعرف تلعب
ميسون:بهي ياسخيف تعالا افطر
فيصل:لا عطلت اعطيني قهوتي بس
ميسون:رد بالك عاروحك
فيصل:بوستي ياحبي
ميسون:لا مافطرتش مافيش 😶
فيصل:ماشي بعدين نتفاهمو سلام
ميسون:سلام ياروحي
عمران:نبي نطلع
فتحي:اسأل خوك
عمران:شن حبس هوا مش صغير انا
فتحي:ومن حابسك تفضل اهو الباب قدامك
عمران:بيخلوني
فتحي:الباب
ركب بسرعه غير ونزل فتح البوابه وبيطلع
وقفه الامن:ارجع لوسمحت
عمران:بنطلع شن ارجع متعك هدي
الامن:استاذ انا واخد اوامر لو شفتك طالع نضربك برصاص ومانبيش توصل لهكي لوسمحت ارجع للحوش
عمران:نعم ومن عاطيك الاوامر هدي
الامن:صقر وبلاك قال نفذ
عمران:الصبر يارب
رجع للحوش واتصل:الو
عمر:نعم
عمران:بنطلع ياراجل معقوله موصيين يضربوني برصاص
عمر:شفناه طلوعك وين وصلنا
عمران:وربي ماني ماشيلها بنشوف جماعتي ليك شهر حابسني
عمر:تفاهم مع صقر
عمران:بهي ليش معاد جيت للحوش
عمر:شن علاقتك
عمران:عندك حق هي تشاو
فيصل مقعمز قدامه:شن يبي الفرخ
عمر:يطلع
فيصل:ساده شهرخلي يمشي يغير جو ومعاه حراسه
عمر:بهي
فيصل:غدوة عازمتكم المدام عالعشا
عمر:مدام من وعازمة منو
فيصل:مرتي وعازماتك انت ومرتك
عمر:المناسبه
فيصل:ليها فتره تبي تتعرف عليها
عمر:وانا شن علاقتي
فيصل:جيبها
عمر:اللي في دماغك غير صحيح ره
فيصل:صحيح وراس اميمتي لما يصير معاش طول اصلا
عمر:خرف
فيصل:اعترف احنا بشر وحقنا نحبو وننحبو وفي النهاية مش غاصبينهم علينا انا مرتي تبيني من سنين وطلعت متفقه هيا وامي عليا وانت البنت قالتهالك تبيك وتبي تبدا معاك من جديد شن خاسر
عمر:داريا كل يوم براي والطلاق ثابت في دماغها اكثر
فيصل:لانك بالنسبه ليها علامه استفهام تبي تفهم حياتك وماضيك وقصصك الغريبه متأكد لو تصارحها رح توقف معاك وتتقبلك زي ماانت
عمر:فوته موضوعها
فيصل:بهي جاوبني
عمر:شنو
فيصل:قادر تعيش من غيرها لو في اللحظة هدي تختفي من حياتك
قعد عمر لحظات يشوف قدامه تنهد وفتح ملف:مش وقتها المواضيع الفاضيه هدي ورانا شغل
فيصل ضحك:تمام هي وريني
عمر:ضمه فمك مانبيش نشوف سنونك
داريا مقعمزه مع امها:كيف يعني مختفي،ومن امتا
امنه:ليه اسبوع ماروحش كل مانسأل بوك يقولي راجل يدبر راسه
داريا:اعوذ بالله منهم هوا وولده وين بيكون راح
امنه:والله مانعلم يابنيتي ومشغوله عليه
داريا:اففف توا بنضطر نكلم بلاك
امنه:شن دايره انتي مع راجلك
داريا:شي ياامي ليا شهر مش شايفه وجهه حتى
انفتحت البوابه وخش بسيارته
امنه:اهو جي شن تقولي شهر وين بيمشي الراجل ماليه الا حوشه ومرته
نزل من السيارة مبتسم:اهلا وسهلا انستينا
امنه:الله يأنسك وليدي كيف حالك
عمر:الحمد لله شن امورك انتي
امنه:بخير
عمر:مساء الخير دودو
داريا مصدومة:ها
عمر:مساء الخير قلنا
داريا:مسائك
امنه:هي نستاذنكم
عمر:وين خليك بتتغدي معانا
امنه:لا صحيت وليدي في الفرح
عمر:ماتردينيش عاد
امنه:بهي حاضر
شد يدها وقربها منه:مستاحشك
داريا:كذاب
عمر:فيه مرا محترمة تقول لراجلها كذاب
داريا:انت وين كنت
عمر:موجود واخد فتره نقاهه منك
تجمعو الدموع في عيونها:انت مستحيل تتقبلني في حياتك
قطعت عليهم للشغاله:غذا جاهز بابا
عمر:امسحي دموعك بعدين نحكو
داريا:ارجع لحضنها اللي كنت عندها
سحبلها الكرسي:تفضلي
تجمعو العيله عالغدا
فتحي:كيف حالك ياولد
عمر:كويس يابوي شن امورك حاجه 🙂
حسنيه:من ربي بخير
عمران:انستنا
حضنه عمر:شن الجو يافرخ
عمران:ليك وحشه
عمر:اهو جيناكم
عمران اشرله عاداريا
وقف وراها وهمسلها:زعلانه مني!
داريا بدون ماتتلفت:يهمك هلبا
عمر:جدا
خشت سوزان:نور الحوش
عمر استمر عانفس الوضع:انتي اللي اجبرتيني نمشي
داريا:مش وقته توا الكلام هذا
عمر:ندوي امتا نبي انا مش بالوقت
داريا:بهي قعمز تغدا
عمر:ماعنديش نيه
داريا:عاخاطري ضاعف هلبا 🥺
عمر:حاضر
عمران شاف لبوه وغمزله
عمر:معاك
عمران:امتا بتعفو عليا
عمر:جاك العفو طلوع بالحراسه
عمران:لا
عمر:مافيش غيره
عمران:استغفر الله
سوزان:بلاك نبي نحكي معاك ضروري
عمر ياكل:ماعندكش معاي دوه
سوزان:بس صايرلي موضوع ونبي مساعده
عمر:اهو خالك وولده
سوزان:انا ما
عمر:ماتصدعينيش
فتحي:خلاص يابنتي احكيلي انا ونديرلك اللي تبيه
سوزان:تمام
امنه:دايمة ان شالله
عمر:صحتين
امنه:سلمك وليدي بنتعبك نبي نروح
عمر:خليك هدرزي
امنه:لا ياسر تأخرت على فهمي
عمر:تمام تفضلي هي
طلعت معاهم داريا:ردي بالك عاروحك ماما
امنه:حاضر غير شوفيلي الموضوع اللي قتلك عليه
داريا:ان شالله
ركبت سياره ومشت
عمر:خيرها امك
داريا:شي
عمر:سؤالي مانبيش نعاوده وانتي عارفه ايدي لما تنمد
داريا:نكرهك
عمر:هذا المطلوب هيا نستنا
داريا:باسم مختفي وتبيك تشوفه
عمر:هذا خوك
داريا:ايه
عمر:معادش نذكر حتا شكله انا بس نجيبوه من تحت الارض عاخاطر عمتي
داريا:من امتا الحب هذا
عمر:جديد
داريا:به
عمر:تبي تمشي لمرت صقر
داريا:ايه عالاقل ندير صاحبه بدل القعده بروحي قريب يجيني توحد
عمر:جهزي روحك مالا توا نرفعك
داريا:اوك
عمر:خيره جفاف هكي
داريا:لامت بنقعد نجيك انا ونطيحلك تعبت منك بجد صح حبيتك بدون مانحس بس فقدت فيه الامل حبي وندعي كل يوم ربي يمسحه من قلبي ويطلعك من حياتي 😢
عمر:علاش تبكي
داريا:لاني انظلمت هلبا وبذنب ناس ثانيه امتا بنرتاح ونفرح
عمر: ربي كريم
داريا💔💔.........يتبع
شن بيصير في داريا ياترا بتكسب حبها ولا مش نصيبها وبينكسر قلبها ثاني
عمران فقد الامل في قصته مع سهى ولا مزال بيحاول من جديد
تفاعلات 🙂 الحلقه طويلة كيف ماطلبتو
