part12
#شروقي_المظلم
فتحي:شنووو شن تقول انت
سعود:زي ماسمعت يامعلم وبلاك هاتفه مقفل
فتحي طلع يجري:اخلقو عمر من تحت الارض ماحد يقدر يوقفهم غيره
سعود:حاضر
ركبو سياراتهم وطلعو بكل سرعتهم ورا بعض
فيصل:طلع سلاحنا كله اليوم تقوم قيامته فرخ الحرام جاد 😡
ميسون خايفه:شن فيه خيرك
فيصل:بري البسي بنحطك عند امي
ميسون:قولي شن صار معاكم
عيط عليها:تي بسرعه مش وقت اسئلتك
كانو الكل في حالة استنفار لانه الليله نقطه في قيامه الحرب بين بلاك وجاد
بعيدا عن هذا كله عمر كان عايش اسعد اوقاته مع محبوبة قلبه اللي اخيرا قدر يعترفلها بحبه
فتحت عيونها تشوف لسقف الدار يارب شن هالحلم البشع كان اقرب للحقيقه اوووف شن بيصبرني بس لو
قطع عليها تفكيرها صوت باب انفتح
ناضت قعمزت وفتحت عيونها بصدمة لما طلع من الحمام لابس سروال وفوطه على رقبته
.....:نقولو صباح الخير ولا مساء مرتي الجميلة 😉 وشدد عااخر كلمة
داريا حست دماغها يدور وثقيل رجعت رقدت وغطت وجها
قعمز جنبها وحول الغطا:خيرك مفزوعه
داريا وخرت:شن تبي مني
عمر:خيرنا 🤨
داريا:توا بتقتلني ولا بتلوحني خلاص خديت مني اللي تبيه 😥😭
قرب منها ومسحلها دموعها:اول شي بطلي بكا ثانيا ليش بنلوحك ماصدقت وصلت لهنا وطلع اللي حاصل ليه فتره
داريا:شن معناها
عمر:يعني ماكنتش نكذب يوم قتلك نبي نبدو من جديد
داريا:تحبني بجد!
عمر:نحبك ومعاد مستعد نبعدك عليا حتا لحظه
ضحكت:قول والله
عمر:والله ياهبله
نقزت في رقبته:اخيييييرا عمر تحبني بجديات ههههه تحبني زي مانحبك وتبيني معاك بنقعدو مع بعض ديما مش حاطلقني ولا تضربني 🥺
شدلها وجها:اسف عالماضي الحقير اللي عشتيه معاي نوعدك نعوضك والطلاق مستحيل يصير بينا
داريا:نحبك
عمر:نتعب معاك ياشرسه 😘😘
داريا:عمررر
ضمها في حضنه:اممم قوليلي ليش خايفه
داريا:توقعتك بتسيبني بعد 💔
عمر:بس قبل قلتلك اني نحبك شن حدفتيه المقطع هذا، مالا احنا شن وصلنا لهنا
داريا:انت صايع ره
عمر:ههههه
داريا:ليش ماتضحكش ديما
عمر:ماكان عندي سبب يسعدني بس توا انتي في حياتي وبنفرحو
داريا:الله مش مصدقه بلاك بجلالة قدره يقولي في كلام حب
عمر:مزال ياما تسمعي بس نبيك ليا بروحي داريا حبي كله ليك ومافيش غيرك وانتي كوني ليا
سمعو صوت تخبيط قوي وحد ينادي بصوت عالي:يامعلم الحق خوك
طلع يجري فتح الباب:شن فيه
ايهم:عمران خش لحوش النمس بيخطف بنته وجاد شده
"عالسان داريا"
كنت واقفه في الدار وسمعت اللي قاله الحارس، في ثواني عمر تغير عروق رقبته انرسمو ووجهه احمر شفت انسان ثاني غير اللي كان معاي خفت هلبا وتفكرت كل كلامهم لما قالو ماعنداش رحمه وقتها تأكدت انه نار بلاك اللي يحكو عليها ولعت لانه روحه في خوه
عمر:استنا هنا جايك
خش للدار:البسي واطلعي يردوك للحوش
داريا:وانت
عمر:ماشي لخوي بسرعه هياا
داريا:انا خايفه
عمر:مش مرت بلاك اللي تخاف الخوف احنا نخلقوه في قلوبهم
داريا:رد بالك عاروحك ارجوك
عمر:ان شالله الاعمار بيد الله
داريا:بس انا قعدا نبيك ونبي ترجعلي
عمر:حاضر هيا حبيبي استعجلي
طلعو مع بعض
عمر:رجعها للحوش وكثفو الحراسه غادي ماتخليش حد الكل يجمع
ايهم:امرك
داريا:عمر 😢
حضنها بقوة:راجعلك هيا اركبي
طلعت سياره الحرس قبله وهوا دار مكالمه وطلع
اما في حوش النمس
جاد:امممم برايك كيف تكون طريقه القتل ذبح ولا تعذيب ولا تقطيع ولا رصاصه رحمه في الدماغ
عمران مربوط في كرسي وكان في عالم ثاني من الصدمة
جاد يضحك:من كل عقلك ياعيل صدقت اللعبه بنت عمي عاطي فيها كلمه وبنخليها لين يجي واحد زيك يحبها ههههه عبيط بلاك ماعطاك من نباهته شي
سهى مقعمزة عاجنب وتشوفله بندم
نمس:والله وطحت في ايدينا يابلاك الليله خوك يبوس رجلينا عاخاطرك
جاد:ومش رح نرحموك 😂😂😂 حقي نقتلك خاش لحوشي ومتهجم على مرتي
نمس:شنو بلعت لسانك هدرز عاد سلينا شويه لحد مايوصلو عيلتك
عمران مركز بس عليها كيف قدرت تضحك عليه وتخدعه كل هالوقت كيف ضرب بكلام عيلته عرض الحايط ورجع لوكر العدو من جديد، لو الندم يقتل كان عمران مات من اول لحظة اكتشف انه سهى وحبها طلعو مجرد سراب
خش احمد:فتحي برا ويبي يخش من غير سلاح
جاد:هاهاها شفت الدنيا بدت تضحكلنا ياعمي وهذا الكبير وصل الاول
نمس:دخله وفتشوه
لحظات وخش فتحي:السلام عليكم
نمس:يااهلا وسهلا انست انست والله زمان ياراجل
عمران واطى راسه وكان مقهور عامنظر بوه
فتحي:ارخي ولدي يانمس
جاد:ولدك تهجم على حوشي وحاول يخطف مرتي
فتحي:حابكها كويس وعرفت تشدنا من الايد اللي توجعنا شن تبي ياجني
جان:هههه لا من ناحية نبي نبو هلباا ياكبير
فتحي:اطلق الولد والكلام معاي
نمس:وخيره مايتحملش نتيجه فعايله ولا قاعد صغير ماتعباش عليه
جان:يطيح قبل لضربه ههههههه
فتحي:شن تبي
جان:اولهم ولدك الكبير بلاك
وعاجملته ولعت الحرب برا بين رجالته ورجالة بلاك كان الرصاص اشبه بالمطر ماوقفش ابدا
عمر:نبي نخش
فيصل:استنا ياراجل نار
عمر:نعفس فيها النار ونخش لخوي 😡
فيصل:اصبر وراس وخي انا ندخلك
عمر:مانبيش نطلعه ميت 💔
فيصل:مايصيرله شي
جي سعود يجري:الاغلبيه طاحو والساحه فضت شويه
فيصل:هيا
سحب عمر سلاحه وخشو
جان:يامرحب بالاحباب 🙂
عمر:شنو خدينا عطله بدو الفيران يلعبو يحسابونا استقلنا
جان:هه بعد شويه تعرف منو الفيران اللي بتبوس الايد هي تفضلو مش برانيه انتم شوف خوك وحتا الحاج مأنس
تفاجئ عمر:بوي
فيصل:بوك مش رح يقربه حد ماتخافش عليه المهم عمران توا
خشو لدار كبيرة اول ماشافها عمر ركز عليها هلبا:جايك عقابك
نمس:الدوة مش مع النسون يابلاك
عمر:من يوم دفيت بنتك في الوسخ ودرتها طعم بدت الدوه مع النسون ياوسخ منك ليه
نمس:الزم حد راك في بساطي
عمر:شن تبي
جان:تبوس الايادي وتلم كل نفر يخصك وتطلع من البلاد وانسا شي اسمه سلاح
ضحك بصوت عالي:رهو رقبتك بتنكسر من الشبح فوق هلبا، وفرضا انا طلعت من البلاد منو بيشد مكاني السلاح انت ياخيخه ولا عمك هذا اللي رجل في القبر ورجل في الدنيا
جان حط السلاح عاراس عمران:بعد نقتله قدام عيونكم تعرف منو بيشد مكانك
عنر:تمام اطلقه يطلع هوا وبوي واحنا نتفاهمو
جان:نعرفك عند كلمتك
عمر:اطلقه قلت 😡
فك عمران ودفه:نوض ارجع لحوشكم وقول لامك تربيك من جديد
عمر:طلعهم وروحو
عمران:لا بنقعد معاك
شافله عمر وكان الشر يطاير من عيونه:قلت روح هذا موضوعه معاي وعرف يوصلني
عمران:اسف
جان:هههه معليشي مضطر نقطع فيلمكم الرومانسي بعدين كملوه لو تلاقيتو في الدنيا
فيصل:انت عارف اللي تطلب فيه مش رح يصير ورجالتك برا كلهم طاحو ريح روحك واسحب
جان:لا يصير ولا برقبة بوك وخوك
شاف ضو قناصه يدور عاصدره
فيصل:هاشنو انت ولا عمك الاول 🙂
جان:ديما خاين
عمر:هههههه وديما نقولك ماتخليش تفكيرك محدود ولحظي
جان:والله مامسيبك يابلاك انا وياك
عمر:تم تم نستنا فيك
فيصل:اعتبرها قرصه باش تتربا
رصاصتين بس كل وحده استقرت في مكانها بالضبط في جسم جان ونمس
تلفت لسهى اللي كانت تبكي في نهاية الدار وخايفه:مزال نصيبك استنيه عانار باااارده اللي درتيه في قلب خوي رح نخليك تتمني الموت بسببه ومش رح توصليه
فيصل:هيا
عمر:اطلعو شن تستنو
جان يتوجع:في حلمك نسيبكم
قام سلاحه وضرب رصاصتين على عمران ......
داريا دور في الصاله:يارب سلمهم
حسنيه:كل منه عمر اعوذ بالله منه
داريا:قولي بسبب ولدك ماشي يحب ويتمعشق في بنت عدوهم
حسنيه:شنو بديتي دافعي عليه
داريا:ندافعش عاحد بس الحق احنا في هذا بسبب عمران كم مرة قالوله ابعد فوتها ويرجع ويمشي للموت برجليه يورط في الكل تخيلي يقتلو عمي شن بيكون رده فعلك تقولي بسبب عمر
هاني:ماما
داريا:نعم
هاني:تعالي معاي عرفتش نكتب واجبي
داريا:هيا
حاتم عالهاتف:احلف
احمد:تي قتلك تعيش انت ضربتين جيهة القلب
حاتم:الله يبشرك بالخير وجان شن صار فيه
احمد:الضربه ماكانت خطيرة بس حتا يطيح
حاتم:معناها نجي للبلاد ولا مزال
احمد:بجوك هي تشاو
بعد رقد هاني طلعت داريا تحاول تتصل بعمر مافيش رد الوقت فات نص الليل بهلبا
حسنيه:مافيش حد منهم يرد
داريا:خير يارب 🤲
حسنيه:عندي رقم سعود زعما نكلمه
داريا:اكيد شن تستني
طلباته رد بعد عدة مكالمات:نعم ياحاجه
حسنيه:وينكم ياولد ماحد روح شن صار
سعود:مافيش شي مشكله تنحل ويرجعو الكل
حسنيه:ولدي كويس
سعود:كويس المعلم هوا اللي انصاب لازم نسكر توا الحوش مأمن كله ماتخافوش سلام
داريا:هاشن قال
حسنيه:اا يابنتي
داريا:شن فيه احكي
حسنيه:عمر انصاب هذا اللي قاله وسكر
داريا:شنو عمر لالاياربي مستحيل كنت حاسه والله اتصلي اتصلي بيه يجي يرفعني ليه
حسنيه:مش رح يخلونا نطلعو
داريا:نبي نمشي توا انا مايهمني حد
طلعت برا وقفوها الحرس
ايهم:وين يامدام المعلم عاطي اوامر مايطلعش حد منكم
داريا:معلمك انصاب ونبي نمشي توا
ايهم:كييف تمام ارجعي لوسمحتي ندير اتصالاتي ونرد عليك
رجعت للحوش وهيا بتموت من خوفها:ياارب
حسنيه:اهدي اللي كاتبه ربي بيصير
داريا:لانه هذا اللي تبيه امنيتك وعاوشك تتحقق ديما تتمنيله في الموت وتكرهيه ليش بس
حسنيه:لا نتمناله الموت لا سو ربي يحفظه ويخليه لعيلته
داريا:كله بسبب ولدك 💔
وعالحال هذا فات كل الليل على داريا تستنا في حد يطمن قلبها على حبيبه ولاحد اتصل ولا رد عليها والحراسه منعوها تطلع
صباحا خبط الباب
طلعت تجري فتحت:عمر
قابلها فيصل عيونه حمر:خير
داريا:وين عمر قولي انه ماماتش بالله عليك 😢
فيصل:لا بس حالته خطيرة الضربه جاياته جيهة القلب جيت نرفعكم
داريا:هيا
سلطانه مقعمزة تبكي:اااه ياوليدي صغير عالموت
خوله:ياامي هوا ماماتش علاش تفاولي عليه ادعيله
سلطانه:ياااارب اشبح فيه يارب ماتكسر وليدي في خوه يارب 💔
اما ميسون كانت في عالم ثاني خايفه مرعوبه من فكرة انه فيصل يموت في يوم من الايام ويسيبها
في عيادة بعيد عالمنطقه كلها مطوقه بالحراسه ومافيش حد يخش غير عيله بلاك وبس
خشت داريا ودموعها ماوقفوش:وينه
فيصل:في العنايه مايخلوكش تخشي شوفيه من برا
وقفت عالشباك انهارت لما شافت منظره:عمر 💔😭 حبيبي ارجعلي ماتخلينيش بروحي ماصدقت وصلت بيك لوين مانبي ارجعلي ياربي ماتحرمني منه
دكتورة:انتي مرته
داريا:ايه شن وضعه
دكتورة:حالته حرجه جدا مع الاسف بس جسمه قوي وقاعد يقاوم هلبا
داريا:يارب 🤲
دكتورة:ربي يشفيه ادعيله توا مايفيده شي غير الدعاء
داريا:ان شالله
دكتورة:استاذ عمر من اطيب الناس اللي عرفتهم
داريا استغربت:من وين تعرفيه
دكتورة:العيادة هدي كلها هوا بناها مع فيصل تستقبل بس في المحتاجين والفقراء يعالج فيهم عاحسابه واللي يحتاج يسفره برا
داريا:اول مره نسمع بيها الحجات هدي
دكتورة:راجلك انسان طيب ونظيف انتي محظوظه بيه ربي يخليكم لبعض نستاذنك
مسحت دموعها وارتاحت بعد سمعت كلام الدكتورة تأكدت انه دعاء الناس اللي ساعدها رح يحميه طلعت للدار اللي موجودين فيها العيله
قابلها عمران:داريا
قامت ايدها وضرباته الكف اللي كان مفروض ياخده من زمان حتا يفيق من اللي غرق فيه
اريا:مرتاح توا عاجبك الحال اللي احنا فيه عاجبك وضع خوك اللي وصله بسببك، قداش نبهك مره وحذرك وحبسك حتا
عمران:يعني انا اخترت هذا كله بمزاجي ماكنتش نعرف انها تضحك عليا
داريا:ليش ماسمعت من بوك وخوك شن كارهينك سكرت راسك ورجعت ثاني لنفس الحوش، انت حطيتهم في النار متعمد
عمران:حبيتها💔 ارحموني ياسر تلوموني عاشي مش في ايدي ليش ماتحسو بيا علاش انا اللي لازم نضحي عاخاطر الكل
داريا:خليني نعطيك معلومة خوك اهوا اللي راقد داخل خطفني قبل العرس بيوم وهددني لو مانوافق عالزواج بيقتل امي وهاني قدام عيوني، ضحيت بحياتي وخدمتي وراحتي وحتا صحتي مقابل حياة امي وولد اختي ومستعده نضحي بروحي ويعيشو هما، انت تشوف في تخليك عابنت عدو عيلتك تضحية هه طلعت شفاف هلبا
عمران:اسف 💔
داريا:اسفك مامنه فايدة ادعي لخوك ينجا وادعي لربي يرحمك
حضنتها ميسون:اهدي باذن الله يتحسن وبنوض بسلامه
قعمزو بعيد عليهم
داريا:مالحقتش نفرح بيه ماشبعتش منه
ميسون:شن صار
داريا:طلع يحبني ويبيني اعترفلي قالي انه كل شي سيء تم ورح نعيشو من اليوم مع بعض ديما 😭 خايفه يموت نبي نكمل عمري معاه يارب ماتحرمني منه
ميسون:ان شالله ادعيله حبيبتي
في مدينه ثانيه بعيد عاطرابلس
سهى تبكي:شن درنا في روحنا كيف رضيت وطاوعته في شي زي هدا
امها:دماغك حيط مايفهمش كم مرة نبهتك وقتلك مادخليش روحك بينهم هما رجاله قد روحهم انتي بنت لو حصلتي رح تنتهي حياتك
سهى:خايفه ياماما هلبا بلاك حطني في راسه ومستحيل يفوتني
امها:سافري برا وريحيني من مشاكلك جان هدا كان راجل مايدخلش مرته في مشاكله
سهى:شن قال الدكتور عليهم
امها:راجلك كويس ضربته مش خطيرة بس بوك تعبان لانه ضغطه مرتفع مانزل
سهى:ان شالله خير
سرحت تتفكر في نظرات عمر وتهديداته تملكها خوف فضيع وندم عاكل اللي داراته
داريا:فيصل ممكن نحكو شوي
طلع معاها برا العيادة:ان شالله خير
داريا:شن صار مع سوزان قولي انها عايشه
فيصل:ايه قعدا
داريا:الحمد لله طلعها
فيصل:مانقدرش بلاك قال ماحدش يدخل
داريا:شن بيديرلك يعني انت صاحبه
ضحك وحط ايده عاجرحه القديم:ههه عندك حق مش ضايقه الرصاص منه
داريا:للدرجه هدي
فيصل:واكثر
طلعت ميسون:راجلك فاق ياحلوة ويبي يشوفك
داريا:الله 😍
فيصل:بعد تعطيه علم انا نمشي نطلعها
داريا:تمام وخشت
دكتورة:الحمد لله عاسلامته
داريا:شن وضعه
دكتورة:تجاوز مرحله الخطر بس بنخلوه الليله في العنايه احتياط وبكرة يطلع لغرفه عاديه
داريا:الحمد لله نقدر نشوفه
دكتورة:اكيد تفضلي يعقموك وخشي
خشت شافاته كان يادوب فايق من البنج مش قادر يحكي ولا يتحرك
باساته عاخده:الحمد لله عالسلامه حبيبي هيا شد صحتك وارجعلي
شد ايدها ورجع رقد من اثر البنج والدوا
طلعت داريا:الحمد لله
فتحي:شن وضعه يابنتي
داريا:الدكتورة قالت قاعد يقاوم
فتحي:ربي معاه
داريا:روح للحوش عمي ارتاح ليك يومين هنا
فيصل:ايه هيا الحراسه برا يروحو بيكم ارتاحو وارجعو غدوة
فتجي:بهي وانت شنو
فيصل:حوشكم والعيادة هنا بس لحد يفيق بلاك وهوا يعرف يتصرف معاك
عمران بدون اي نقاش:تمام
بعد اسبوعين ✨
هاني: ترفعيني معاك
داريا:ياربي صبرني حبيبي قلنا انا بنمشي توا
هاني:به ارفعيني ماما
داريا:بعدين ساهل هي انزل وقت عالمدرسه
هاني:باي ماما
داريا:باي
كملت داريا تجهز في روحها حتا تمشي للعيادة حست بحد سكر الباب:سونام تعالي نزلي الشنطه هدي للسياره وطلعي الحافظات حتا هما
لف ايديه عليها وضمها لحضنه:مستاحشك موووت
تلفتت وهيا مصدومة:انت 😨
عمر:ايي
داريا:شنو ما امتا
عمر:ياسر منها رقده العياده النومة في حضنك تشفيني اسرع
داريا:بجدياتك طلعت
عمر:ايه اهو قدامك
داريا:ليش وامتا وكيف ماتكلمنيش تقولي
عمر:مانبيش نتعبك جيت لعندك
حضناته بهدوء:اخيرا رجعت عمر الحمد لله حبيبي ربي مايحرمني منك
عمر:ان شالله
داريا:من جابك
عمر:صقر
داريا:اممم كان هاني مصدعني يبي نرفعه معاي يشوفك
عمر ببرود:اممم استحشتك انا
داريا:مش اكثر مني
عمر:تعالي وريني
داريا:لا انت مريض
عمر:وينه المرض تشوفي فيا صحيح قدامك تعالي تعالي
عمران يدور في الجنان:شن ديرو هنا
سعود:جبنا المعلم
عمران:عمر طلع من العياده
سعود:ايه قبل شوي وصل
عمران توتر عارف اللي جاي مش في صالحه:امم ان شالله خير
جاد راقد في سرير مستشفى:مافيش خبر على بلاك
سهى:لا اخباره مقطوعه عالكل مش معروف مات ولا عايش
جاد:يارب يكون مات وارتحنا منه
سهى:انا خايفه نبي نسافر برا
جاد:مايقدر حد يقربك حبيبي
سهى:لوسمحت
جاد:تمام حاضر نشد صحتي شويه نسافر انا وياك
سهى:بهي
"جاد صح دخل مرته في العابه الوسخه واستخدمها حتا يوصل عمر بس كان يحبها هلبا ومتعلق بيها لانه صديقته لوحيده من الطفولة وكان يخاف عليها هلبا ممكن تكون هدي الورقه اللي تكسره وتنهيه 🤷🏼♀️!"
داريا:حبيبي فيه هلبا حجات نبو نحكو فيها
عمر:من قالك نبي انا
داريا:لازم نحكو
عمر: اعطيني رؤوس عناوين
داريا:بنت عمتك بطلعها، وخوك،وعلاقتك بولدك،وال
عمر:الماضي الاحرف اللي يتبع فيا
داريا:نبي نبدو عاصح ارجوك
عمر:تمام سوزان توا نطلعها ياسر ماجاها وعمران موضوعه منتهي، هاني مانبيش نتناقش فيه بكل والماضي يعلم الله قداش كبيره نرجع نفتحه وندوي فيه لكن نحكيلك ونريحك اصبري عليا بس
داريا:ليش ماتبيش تتناقش عاهاني هدا و
قص عليها عمر:هاني مش ولدي
داريا:كيف تقول هكي
عمر:حبيبتي نحكيلك في الواقع هاني مش ولدي والله ولا يربطني بيه شي انا نشوف فيه سبب دمار حياتي وكسرتي قبل سنين مستحيل يجي يوم نحبه ونتقبله مانقدرش مش من لحمي ودمي
داريا تبكي:كيييف هكي مالا ولد منو
عمر:ولد اختك من حاتم
داريا 😨:تبصر اكيد شن تقول انت مستحيل هدا
عمر:عارفك مصدومة وصعب عليك الخبر بس هذا الحق اللي كنتي تبي تعرفيه من بدايه زواجنا ومزال
داريا:شن قصدك بهي ليش تزوجتها انت وكيف سجلته عااسمك
عمر:العيله هدي كلها قبل سنين كانت السبب اني نتحول لشخص حقير ماعنداش ذرة رحمه كسروني مالقيتش حد سندني ووقف معاي غير صقر مافيش حد صدقني وسمع مني
حست بيه اضايق وجرحه وجعه:بهي خلاص فوته الموضوع توا ارتاح
عمر:انا نحبك يشهد الله عليا وزواجي منك ابدا ماكان بسبب انتقام ولا اي شي خديتك لاني نبيك
داريا:بهي
عمر:كنا عانفس الطياره في وفاه اختك ونزلنا مع بعض وقت درتي العركه مع الراجل في المطار انا برا شفتك ولفتيني بقوة في نفس اللحظة خليت الحرس يجيبولي كل المعلومات عليك ماوصلتش للحوش الا وكل شي عندي، وقتها قررت اني بناخدك لو كان اخر يوم في عمري شفتك قويه وقفتي في وجهي وكان عندك استعداد ديري اي شي حتا ماتتزوجي مالقيتش حل غير امك وولد اختك لما عرفت علاقتك ببوك وخوك مش تمام تأكدت انك ضحي عاخاطرهم
داريا:بجديات 😶
عمر:ايه
داريا:ياجبروتك
عمر:اهو حطمتيه كله انتي وجبتيني راكع تحت رجليك
داريا:مش قتلك تقدرك بنت امها
عمر:نحبك
داريا:وانا حبيبي نموت فيك ومستحيل نخليك ابدا
عمر:هي طلعيلي لبس نغير وننزلو للعيله ماشفت حد عندنا حكي
داريا:شن ناوي
عمر:ندوش وننزلو
داريا:اففف كيف تقلب هكي فجأه معاش نعرفك
عمر من الحمام:تحركي
بعد وقت اجتمعو الكل عاطاوله الغدا
فتحي:الحمد لله عاسلامتك اسدي نورت الحوش
عمر:بوجودك يابوي ربي يخليك لينا
عمران:الحمد لله عاسلامه
ماردش عليه شاف لكرسي هاني فاضي:وين هاني
داريا:ماباش ينزل قال شبعان ورقد
عمر:اللي صار اخر فتره فتح حرب جديده لازم نكونو ايد وحده فيها حتا مانخسرو حد، في الجديد كله بينتبه على خطواته وكلامه الطلوع بدون حرس ممنوع اللي يبي يشوف حد يجيبه هنا الطلعات عند الضروره بس، اي حد غريب ماتحكوش معاه ولا تعطوه فرصه يقرب منكم لين ينحط حد للموضوع هدا فهمتوني ولا مانبيش نعاود الكلام مليون مره وفي الاخير طيحو امنا في مشكله
فتحي:ان شالله خير
عمر:سعووود
خش يجري:معلم
عمر:خود من عمران جواز سفره وورقه ديرله تأشيرة لبريطانيا ونظمله وضعه
سعود:تم
عمران:مانبيش نسافر
عمر بدون مايشوفله:اللي درته سادك وزياده تبي حياة طبيعيه زي الناس بتسافر برا وخلينا احنا في الوسخ اللي غرقنا فيه
عمران:بس
خبط عالطاولة:تم الكلام ومعاد يتعاود
خبط الباب مرتين وانفتح
شهقت داريا لما شافت سوزان كيف متشوهة ويادوب قادره تمشي:ياربي 😨
فتحي:شن درت فيها انت كيف تتصرف هكي هدي بنت عمتك لحمك ودمك 😡
عمر:عندك يومين بس تحجزي وتقلبي وجهك تسافري اسمك معاش نبي نسمع بيه حتا صدفه والافضل انك تنسينا
سوزان:حاضر
فتحي:ياولدي اللي دير فيه غلط وماينفعكش
عمر:من امتا ندير في الصح انا راكب بنرتاح مانبيش دوشه
داريا مصدومة:شن درتو فيه وصله للوضع هدا
فتحي:انا السبب في هذا كله
عمران:لوسمحتي
داريا:مستحيل ولا تفكر اني نساعدك ونكلم عمر سافر وابدا حياتك من جديد ممكن بعد وقت يسامحك
ميسون:مش عيشه هدي والله
فيصل:خيرك اليوم قعمزي واهدي فكيني من المشاكل
ميسون:فديت انا
فيصل:المعنى!
ميسون:ارفعني لحوش اهلي وعيش انت لصاحبك اللي واهبله حياتك
فيصل:قده انتي كلامك هذا
ميسون:ايه شن لزمتي في حياتك طول اليوم طالع ولما تجي عقلك مش معاي بكل لا سافرنا لا طلعنا زي الناس
فيصل:هدي حياتي ماكنتش واعدك بعالم وردي
ميسون:عندك حق انا اللي رسمت لروحي عالم مش موجود
فيصل:شن قصدك
ميسون:انسا انا بنركب نلم لبسي وارفعني
فيصل:تطلعتي من هنا مش رح ترجعي ولو ناويه تسكري راسك لمي كل شي يخصك
ميسون:ماسهل عليكم البيعه
فيصل:مش انا اللي بعت وكم مره قتلك اصبري
ميسون:لامتا الحال هذا من اول زواجنا ماارتحتش معاك يومين عابعضهم
فيصل:به اخرته النقاش هدا
ميسون:رجعني لاهلي وعيش حياتك براحتك بدون ماحد يعقدك وينكد عليك
هز راسه وهوا متعصب:تم تم بري هي وتي روحك
نزل عمر:داريا داريا
طلعت من المطبخ مع هاني:نعم
عمر:هيا طالعين
داريا:وين
عمر:توا تعرفي بعد نوصلو
هاني:نمشي معاكم
عمر:لا نستنا فيك في السياره
داريا:تزعلش حبيبي اكيد مش مكان صغار
هاني:بهي تعطليش ماما
داريا:حاضر ياقلبي هي برا كول بعدين ارسم بهي
هاني:اوك
غيرت وطلعت:ممكن تتعامل معاه كويس عالاقل ماتسببله عقده نفسيه
عمر طلع بالسياره ووراه الحرس:هه كلنا راكبتنا العقده ياخد نصيبه حتا هوا مش مشكله
داريا:الولد صغير وماليشي اي ذنب في اللي صار
عمر:انفرض عليا انجبرت بيه مانقدرش نتقبله افهمي
داريا:حبيبي
عمر:نظرتك ليه غير عليا ولد اختك وديما رح تشوفيله بعين كويسه ودمك يحن عليه انا لا مايربطني بيه شي ومانحسله في شي ماعنداش حق عليا اكثر من اني نأمنله مستقبل كويس وبس
داريا:بوه يعرف بيه
عمر:بوه راسم اللعبه هدي كلها ونراهنك بعد فتره يجي ويقول نبي ولدي
داريا:ولو صارت انت بتعطيه هاني
عمر خبط عالدومان:تي نعطيه امه مش هاني يحلم يمس شعره منه الفرخ اهوا امانه عندي لحد مانموت
ابتسمت وتلفتت للشباك
سلطانه:تعالي افتحي يابنت
خوله فتحت:مرحبتين
فيصل:خير
سلطانه:مرحب بولدي الغالي
رقد عالصالون:ديريلي قهوة ساده وجيبيلي مسكن راسي بيتفجر
سلطانه:خيرك ووين مرتك جاي بروحك
فيصل:في حوش عيالها بتطلق
شهقت سلطانه وخبطت عارجليها:شنووو خيركم
فيصل:اقلبي وجهك شن واقفه تتفرجي عليا 😡
خوله مشت تجري خشت للمطبخ
سلطانه:هدي روحك سلم ولدي احكيلي خيرك انت ومرتك كانت اموركم تمام
فيصل:بدت تنق زي الهم ليل نهار تعبتني مش عاجبها شي تقول كنت معاها حد ثاني ولا واعدها بالعكس تي هدا شكلي وهدي حياتي بترضا بهي ماتبيش سلامتها، قلتلها تطلعي من الحوش معاش ترجعي وسكرت راسها مشت
سلطانه:شن سبب خلافكم
فيصل:مش عاجبها وضعنا قالت طول الوقت في الخدمة ولما نرجع يانحكي مع عمر يانفكر فيه ومشغول بيه ديما كانه عايش معانا وانا قايلها قبل بنسافرو لكن تشوفي في الضروف اللي صارت مانقدرش نسيبه بروحه
سلطانه:بس ياولدي انت توا متزوج وهلبا حجات بتتغير في حياتك اولهم اهتمامك بحوشك ومرتك وانك تعطيها وقتها
فيصل:وشن انا مقصر
سلطانه:المرا ماشكت الا حست بالتقصير
فيصل:كان ماتصبرش معاي وقت الازمة ليش واخدها
سلطانه:وانا ماشفتها تخلت عليك في ازماتك ولدي فكر بس في انها رضت تاخدك رغم خدمتك ومافيش يوم اعترضت، فرق كبير بين الضروف والوقت العادي
فيصل:به شن ياامي
سلطانه:مرتك تردها
فيصل:خليها تتربا عند امها
سلطانه:ميسون مربيه وبنت اصل مانسمحلك تغلط في ربايتها انا ماخديتهالك الا وعارفتها وعارفه انك غلطت فيها لين وصلت حدها لكن اقعد بروحك وارجع لحياه العزابي بعدين نشوفو من اللي بيتربا
فيصل:توا انتي معاي ولا مع كنتك
سلطانه:مع الحق وعارفه ولدي غالط
فيصل:بهي يما بري انتي رديها
سلطانه:توا كنت تبيها تتربا
فيصل:اففف نحبها الزح الخرا اهيا لاعبتلي في قلبي
سلطانه:لانمشي معاك لانتبعك اللي مانرضاشي لبناتي مانرضاه لبنت الناس لو ماتبيش تغير من وضعك خليها عند اهلها وطلقها
فيصل:يما
سلطانه:تم الموضوع ومعاد نبي نتناقش 😏
خبط الطاولة وطلع
نزلو من السيارة في بوابه المزرعه
عمر:توكلو ارجعو للحوش
سعود:مانقدرش نخليك بروحك يامعلم
عمر:برا عاحالك مانبيش حرس
سعود:يقعد حتا واحد بس عالبوابه
عمر:الكل يرجع
شد يدها وتمشو لنهايه المزرعه
داريا:ليش جينا
عمر:خايفه!
داريا:لا
عمر:قعمزي
داريا:شنو
عمر:انا نحبك ونبي نكمل حياتي معاك بعد اللي بنحكيهولك انتي قرري بتكملي معاي او لا
داريا:ولو قلت مانبيش نكمل بطلقني
ابتسم وباسها:لا بتعيشي معاي غصب
داريا:بهي احكيلي
"عالسان عمر"
لما وصل عمري 20بوي دخلني لخدمته بديت شويه شويه نفهم فيها ونتعامل معاهم انا وحاتم نفس السن حتا هوا كان معاي بس مش مهتم ابدا ومستهتر في كل شي وطبعا بسبب المقارنات بينا كرهني وديما كانت امنيته يفشلني مرت سنين وانا استلمت كل شغل السلاح بعد بوي طلع وعمي توفا، في يوم جي حاتم وطلب ياخد مني صفقه سلاح ويبي يبيعها عامزاجه رفضت وتعاركنا واضاربنا حلفلي بيرجع ويدمرني مادرتاش في بالي بكل
وقتها كنت مرتبط بسوزان اللي نحبها موت وعلاقتي بيها من المدرسه
بعد شهور انهدت حياتي عاراسي ودمرتني
flash back
كان الباب يخبط بقوة في وقت متأخر
عمران فتح:تفضلي اختي
دنيا تبكي:نبي فتحي ال ...
عمران مستغرب:شن فيه ومن حضرتك
طلع بوي:تفضلي يابنتي
دنيا:نبي نحكي معاك في موضوع ضروري
كنت مروح من المخزن وماعجبنيش شكلها:من هدي
بوي:مش عارف
انا:لزوها ومعاش دخلو حد ماتعرفوشي
دنيا:بتنكر فيا توا بعد درت عملتك
انا:نعم شن تفضلتي حضرتك
دنيا:انا حامل
بوي:شن تقولي انتي
دنيا:زي ماسمعت ومن ولدك هذا اللي معاش يعرفني
بدون اي اثبات بوي صدقها يومها مد ايده عليا اول مره وضربني كف مستحيل ننساه طول عمري 💔
سوزان سيبتني وصدقت اني خاين فسخت خطبتنا وسافرت
جبرني نتزوجها في ظرف شهر واحد كل الناس صدقوها ومافيش حد وقف معاي،8شهور بوي مايكلمش فيا ومقاطعني بذنب مادخليش فيه قسا عليا بطريقة غريبه كان يخلي فيا نخدم بروحي ومانع العيله كلها تحكي معاي بعد جابت دنيا درت تحليل وطلع مش ولدي برضو جبرني نكتبه عااسمي لانه مانعرفوش بوه وقتها خلاص كان كل شي حلو فيا مات وتحولت بلاك بجد مافياش شي ابيض اسمي كبر في تجاره السلاح وبدت عندي سمعه سافرت لبريطانيا واستقريت خليت تواصلي مع الكل عند الضروره بس حاول بوي يعتذر ويصلح لكن فات الاوان.
دنيا رديت فيها القديم والجديد ضرب اهانات تعذيب وحرمان من الاكل السنين اللي عاشتهم معاي فاتو كره وانتقام وكرهت من وراها كل جنس حواء مافيش يوم سمحت لمرا تخش حياتي
end back
بعد سجلت هاني عااسمي جاني حاتم وحكالي كل شي عرفت انه دنيا حبيبته وبالاتفاق معاها دارو هكي وبعد تزوجتني قطع علاقته بيها
داريا:حقراء هادو مش بشر
عمر:مش بايدي ولا اختياري نكون هكي انا الحياة هدي انجبرت عليها،مالقيتش شخص طيب يستاهل نرجع عمر القديم عاخاطره انتي غيرتيني مسحتي السواد فيا اسف حبيبتي عاكل يوم وجعتك فيك اسف
داريا حضناته:نحبك
عمر بضعف:ماتخلينيش
داريا:مستحيل
عمر:ارتحتي توا هدا الماضي الحقير اللي كنتي تبي تعرفيه من البدايه، اختك احقر انسانه شافتها عيني
داريا:ماسلمتش منها حتا انا ربي يرحمها وخلاص
عمر:ان شالله
داريا:يعني موقفك من هاني مايتغيرش
عمر:وياريت معاد تحاولي فيه
داريا:بس مانبيش تحرمني منه ولد اختي نبي نربيه ويقعد معاي ديما
عمر:وانا مانرخيشي ولا نطلعه من حياتي بنقعد سانده ديما بس اكثر من هكي لا
داريا:براحتك
حاتم:رصاصاتك خابو
جاد:عايش
حاتم: متواجد وبقوة
جاد:استغفر الله
حاتم:خطتي الاولى خربت بس الجديده متأكد تنجح 100%وانت عليك التنفيذ
جاد:سمعني
حاتم:بلاك ...............
جاد صحك بصوت عالي:ممتاز كنت مستني نتأكد بس ياويلك يابلاك نهايتك قربت .......يتبع
نعتذر من كل متابعيني الرواية بنوقفها فتره، لاني معاد قدرت نكتب شي افكاري توقفت 💔 ان شالله لينا عودة قريبه
