فيروز
جدول المحتويات

    أنت تقرأ

    فيروز

    Random

    فيروز فتاة تكُن الفريسَة لعشاق أمها لتدفع ثمن أغلاطها وحُبها للحياة . و ماذا إذا وقع شخصاً مريض بحبها !..

    #الام #الحُب #الخيبة #فيروز

    1

    32 5 2 
                                        
    
                                              
    - اليوم قبطت أول شهر إلي بالجامعة 
    الجامعة إلي خلصت طول عمري احلم بيها
    وسعيت هواي بس حتى أمر بهاي المرحله
    چنت اشوفها النور إلي من بعد ظلمه الدراسة
    بس الواقع ..
    ماشفت شي منها ولا اكو اختلاف 
    غير مرحله بيها ولد ونلبس بكيفنه
    مرحلتي الوحيده البائسة... 
    ٩:١٠ الصبح 
    طلعت من المحاضره ويه الجو البارد
    الضبابي إلي عوزه بس حالوب وتكمل 
    دورت مصطبه وگعدتت 
    بقيت كتبي بحضني وگعدت افرك بأديه 
    واردد "يمه البردد يمه"
    سمعت صوت ضحك وراي ألتفت
    شفت بنات بيهن خمسه هيچ ملتمات ويضحكن
    رجعت وجهي وجريت حسره ..
    هذني والله الهن خلگ يضحكن من الصبح
    وأني عيني گوه ارمشها 
    استغفرُالله شعليه هسه 
    اخذت كتبي ورحت للكافتريا 
    اشتريت چاي ورجعت باوعت لمكاني
    گاعدين بيه ولد 
    أنوب تعاجزت اگعد 
    اتجهت حتى أروح للقسم 
    أنوب وگفت اخذت مجعه چاي 
    وكملت دربي وصلت القسم وگعدت شربته 
    بدت المحاضرة الثانية والثالثة 
    رادوا يكملون الرابعة وطلعت
    جزعت عقل لو حافظه هوه ؟ 
    وأني طالعه خابرت مريم ..
    جاوبتها وأني اطلع بفلوسي وامشي ..
    الوو 
    مريم : هلو فيروز شلونج ؟
    فيروز : بخير وانتِ 
    مريم : الحمدلله اكلج حبيبي ماتجين هسه ؟
    فيروز : ليش مو على أساس بليل ؟
    مريم : مو صارت هسه ..ماادري بعد
    فيروز : وين بيا مكان ؟
    مريم : بالمطعم إلي شوفته الچ هذاك اليوم
    فيروز : خوش اشوف وين انتِ ؟
    مريم : أني هسه بالطريق متجهه إله .. تلحكيني ؟
    فيروز : يااا لعد اروح لوحدي شلون تعوفيني ؟
    مريم : أستعجلت والله تعالي هسه تلحگين 
    فيروز : لا إذا هيج مااكدر اجي
    مريم : لا بداعتي فيروزه حبيبتي بداعتي تعالي
    فيروز : چا اروح لوحدي أنتِ أصلا شلون ترحين لوحدج ؟ 
    مريم : شبيج هسه طلعت .. يله تلحگين هسه هم بعدهم هم بالطريق
    فيروز : اوكي .. جايه 
    مريم : فدوه لوجهج .. باي 
    فيروز : باي .. سديته منها وأشرت لتكسي وانطيته العنوان .. ومشينه ..
    بقيت صافنه أخاف إلي اسوي غلط ؟
    لا شلقصة اصلا صداقه مابيها شي وأني گاعد
    اردلها الدين .. أخاف اصير نفس امي ؟
    فيروز حيث تعيش القصص. اكتشف الآن