فيروز : شبيها امي ؟؟
أكرم : قبل فترة طلبتي مني امنع اخوي سعد من امج ، ومنعته بس صدمنا لبارحه طلگ مرته واعترف وگال هو رايد امج ...
فيروز : ؟؟ شنوو رايد امي؟؟ هذا مستوعب هيه أكبر منه لولاا ؟؟
أكرم : بس على كيفج
لعمر ما يعتبر شي ، وأني قبل فترة اكتشف هوه بعده يروح لامج وعنده علاقه وياها
ومنعته ، بس أني اگول لو نخليهم بالحلال احسن من هاي سوايتهم لتافهه ، شتگولين
فيروز : ؟؟ لاا مستحيل لااا ، بس امنعه وهاي هيه
مانرريد زواج ولاشي ..
أكرم : تره محد راح يوگفهم على فعل الحرام ؟
فيروز : أني امنعهم وإذا هم مامنعت اخوك هم أني امنعه
أكرم : شسوين ؟
فيروز : أني أعرف شسوي
أكرم : باعي تره احنه مانريد لموضوع يكبر وهم بينهم سوالف حرام ، خليه يصلح غلطه وياخذها على سنة الله ورسوله
فيروز : بقيت ساكته ، رجع گال
أكرم : اتمنى تفكرين بالموضوع ، وإذا ماقبلتي هم راح امنعه وراح ابقى امنعه ، بس گلت نسويها لوجه الله ولا هاي سوالفهم لتعبانه وگدام لعالم !.
فيروز : رجعت سكتت عجزت على الكلام ..
وهو سكت ، بقينه هدوء لوقت طويل أنوب گال
أكرم : راح اكلج الموضوع الثاني اتمنى ما تعصبين ويطگن فيوزاتج ، وصدكي أي شي سوء ماعندي
فيروز : باوعتله وخزرته ورجعت انتظرته يحچي
أكرم : ءاا ، فيروز أني .. معجب بيج
فيروز : فتحت عيوني على اوساعهن مصدومه
رجع گال ..
أكرم : بالحلال والله بالحلالل ، لايروح بالج
فيروز : شنو هوه إلي بالحلال ؟؟
أكرم : أعرف لموضوع محير شويه مال اطلب امج لاخوي أنوب اطلبج ، بس صدكيني أني مالي شغل بيهم ومعجب بيج من زمان واعرف مالج ذنب
بالي گاعد يصير ، ولان عرفتج حبيتج
وماعندي أشكال نزوج بالناصرية عندي بيت هناك
ونبقى بعيدين على اهلج واهلي ، نعيش سوه
فيروز : بقيت مصدومه اباوعله واحس گلبي يرجف من حجيه ، أول مره يجيني إحساس غريب
چنت معجبه بيه ، وهو هسه بادلني نفس لشي
كمزت من صفنتي لمن گال
أكرم : وين صفنتيي ؟؟؟
فيروز : بلعت ريگ ونزلت راسي
تذكرت محمد ، گتله
بس أني مخـ.....
قطعت كلامي مريم وهيه واگفه گبالنا وتضحك
مريم : هاا فيروز اشوفچ شايفتلج واحد جديد ؟؟ ماعرفتينا عليه حتى مبـ......
فيروز : قطعت كلامها بسرعه وكتلها
وليي منااا
بقت تضحك
أنت تقرأ
فيروز
Randomفيروز فتاة تكُن الفريسَة لعشاق أمها لتدفع ثمن أغلاطها وحُبها للحياة . و ماذا إذا وقع شخصاً مريض بحبها !..
