فيروز

5

فيروز : أعصابي تلفت وما تحملت شمرت العلبه واني أصيح ونفتح الباب ودخلت خالتي ..؟ شفتها ورحت گعدت وخليت أديه على عيوني

أحلام : خير شصايرر ؟

عبير : هه ؟ هلا هلا أحلام فوتي ...

أحلام : شبيكم صياحكم واصل للشاارع

عبير : ماكو شي هه بس متعاركه ويه خطيبها وخلگها رايح ..

أحلام : هاي شنو فيروز ؟ بعدكم مامعرسين واصارت عركات ؟

فيروز : عفتها وطلعت للحمام ، غسلت وجهي وگعدت ، شسوي اگول لخالتي ؟؟
هاي ماتتفاهم ؟ شسوي !

غلست ونزلت جوه لگيت خالي زوج أحلام
وبنتهم زهراء ... سلمت عليهم وقدمتلهم مي
وصعدت .. لگيتهن يسولفن

گامتلي خالتي وهيه تگول ..

أحلام : فيروز حبيبتي لاتضوجين ، كل اثنين هيج تصيرلهم مشاكل ، وأني متأكدة گاعد تدلعين عليه
هاچ شوفي موبايلج نخبص على گد مايدگ عليج

فيروز : هه أي خاله ...

أحلام : يله حبيبتي تعالي انظف وجهج وارتب حواجبج ، وجسمج يله ..

فيروز : أن شاء الله خاله ..
گعدتلها ، نظفت وجهي وعدلت حواجبي
بعدها رادت تسوي جسمي بس استحيت
وگتلها خلي امي ..

طلعت وبقت امي نظفت جسمي ..
وكملت ونزلت ، رحت سبحت
وطلعت نزلت يمهم بقوا يسولفون
ويسئلون عليه ..

خالتي أحلام بيتهم بغير منطقه وبعيد
فَ تجي مره كل شهرين هيج ..
وطبعها شويه حاد وأي شي يصير لازم تحجي للزلم حتى يتصرفون .

غير عن خالتي وسن إلي أحسها ماتهتم وتجي هم مره بالشهر ، رغم بيتها قريب  ...

فرشتلهم وخالي نام
وصعدت ارتاح بالغرفه أنوب لحگني ..

أحلام : ها خاله ماحچيتي وياه ؟ تراضيتوا لا ؟

فيروز : أي هه تصالحنا ...

أحلام : حبيبتي ، زين عندج صورته شو ماشايفينه؟

فيروز : لا والله مـ.. ماعندي

زهراء : شعجب ماعندج ؟

عبير : ليش مو عندج حسابه ؟ هو بيه لصور

فيروز : خزرتها ، وطلعت حسابه وشوفتهن صورته

أحلام : حلو ومرتب .. الله يسعدكم يارب

فيروز : شكراً خاله ..

زهراء : بله هاي صورته ؟ .. هاي وين !

عبير : أي هو مسافر وفار الدنيا ، هاي بتركيا يمكن

زهراء : حلو إذا هيچ ..

أحلام : أي خاله بلكت وره ماتزوجون تطفرون منا وياخذج يعيشج بتركيا لهاي لدول الحلوه ..