فيروز

11

ㅤㅤㅤㅤㅤㅤㅤㅤ

- أي روحي ، حتى لو ترحين ليوم

عبير : فيروز عدنه ، أنوب حتى زوجها بايت هنا

- ياا لعد ليش ما بقاها لوحدها

عبير : ما يقبل عود يخاف مدري يغار حظي

- شماله ..گبر

عبير : أنتِ شوكت تجين ؟

- باجر لأن زهراء تروح لبيت عمها ويه ابوها لديالى ونبقى بس أني ولصغار واجيج

عبير : خوش خيه . انتظرج

- أن شاء الله خيه

............

فيروز : نصدمت من لسمعته يعني هيه حامل ؟
وفوگاهاا كاتلها ؟

بقى جسمي يرجف ، أريد استوعب
حامل ؟؟؟ صخاام بعينج يا فيروزز

رحت على المكالمة الثانية ، صوت رجال

........

عبير : الوو

- شتردين شكوو ؟

عبير : شنو أنتَ راح تبقى هيج ؟

- أي

عبير : شوكت تصدك كلامي

- مااصدكه ولا تذبين هذا براسي
تره أني ما واصلج ، شوفي منو ابوه

عبير : سعد ليش ما تصدگني تره هذا ابنك
وعيب عليك تتهمني هيج ، أصلا أني راح اجهضه

- شسوين سويي يطبكم مرض معليه

عبير : أنتَ شنو من بشرر؟ خلصت عمري وياك وهسه جاي تنكرني ؟

- معليه ولا تخابرينن بعدد

عبير : الوو ؟

..........

فيروز : گعدت بالگاع من لصدمه
حاولت استوعب وماا انصدم...

لأن هاي بالنهاية نتيجة متوقعة
گمت على حيلي ، رحت لغرفتها
رجعت لموبايل وطلعت ...

طفيت الطباخ وصعدت
لحظه هيه حامل وهيه تگول سعد ابوه
وسعد نااكر ؟ بس هيه ما ثابته على شخص ؟

شلون ياربيي شلونن ؟؟ شسوي هسه شسويي ؟
يعني روح بريئة تورطت وياهم ؟؟
يردون يموتنهاا ؟؟ ساعدني ياربي
واستوعبت وبچيت ...

وعرفت شگد اني عايشه ويه إم مققرفه
بقيت على وضعيتي متمدده وابچي

گمزت من دگ موبايلي
باوعت "امي"

جاوبتها..

عبير : ها يمه شنو نايمه ؟

فيروز : گاعده

عبير : وين غداج ؟

فيروز : هسه .

سديته بوجهه ونزلت لأن هيه ماتگدر تصعد الدرج
من رجلها ، سويت غده وكملت