بعد الاحداث المؤلمه لقلب حبيبتنا نوران صحت من نومها واول ذكرى مرت براسها كان كلام عبدالله بدايه زواجهم ابتسمت ببرود لنفسها وهي تتحسر على نفسها و قلبها و ليتها ماحبت شخص ماحبها كانت تعض يدها عشان لايسمع عبدالاله صوتها وهي تبكي بس لحظها الي سمعتها ملك و اول ماشافت نوران تعض يدها صارحت عليها و هي توخر يدها و تحضنها
ملك : ياغبيه لاتعضين يدك كذا !!! جسمك امانه عندك لاتتعبين نفسك اكثر من كذا
نوران : بس انا تعبت يا ملك تعبت هل لو حبيت عبدالإله ماحسيت بذا الالم؟ هل لو عطيته فرصه مابيجرحني كذا !!
ملك : والله ما يجرحك و هو ولد ابوه اخوي و اعرف قديش يحبك لو بيحسسك بالم ما حبك و كتم حبه و جرح تفسه عشان سعادتك يابعد هالدنيا ماكان خاف عليك و استقبلك برحب صدر مابكى على حبك لشخص موب هو كان يحسد عبدالله و يتمناه يتمنى يكون بمكانه ينام بحضنك و يصحى على وجهك يلقاك مسويه فطور لكم و تلعبون و تطلعون و تسافرون و تلبسون زي بعض و تشربون قهوات بعض و تشبكون يدينكم يانوران انتي ماتعرفين قديش يحبك عبدالاله والله لايغنيك عن العالم كله وان اخته و اعرفه لو جرحك كنت قتلته يابعد طوايفي انتي
نوران : ياملك انا مقدر مابي اضلمه معي انا احب عبدالله و قلبي له مابي اخون عبدالإله لا بتفكيري ولا ب عيوني ليه اتعبه اكثر معي اجل ليه اخلي قلبه يحب وحده قلبها موب معها ياملك مابي اتعبه ياملك انا مابي اضلمه معي مابي اتعبه اكثر ياملك انا اعتبره اخوي و كلشي يهمني والله و الي رفع سبع و نزل سبع ليه اتعبه اكثر ليهه
ملك حضنت نوران بقوه و نوران ماتحملت اكثر انهارت اكثر و اكثر ماكانت قادره تصدق انه نهايه حب 15 سنه بينتهي كذا ؟
بوسط صياحها دخل عبدالاله يبي يتطمن بس شاف مالكه قلبه تبكي بحض اخته و ماتحمل و ملك اول ماشافته طلعت و خلته معها بينما هو حضنها و هو يحاول يهديها
عبدالاله : نوراني ياحبيبي انتي اهدي تكفين لاتتعبين قلبي ببكائك اكثر تبين عيونك الحلوه تتعب ؟ ياحبيبي اهدي انتي تكفين ترا قلبي يشوفك و يتعب عبدالله معليك منه هو مجرد شخص كلب مايهتم الا ل متعته الشخصيه مايهمه شي ف ليه انتي زعلانه وهو مبسوط ؟ ليه ؟ اهدي يابعد دنيتي انتي و امسحي دموعك خل ننزل نتابع فلم و نشرب قهوه و عاد ملك بتروح بيت صحبتها تنام و حنى نتابع فلم و اذا ماتبين تطلعين نطلب اكل و نتكي هنا نسوي فعاليات و عشان لادفع بترول اكثر
نوران بضحك : كنت ماشي صح لين وصلت لادفع بترول اكثر شفيك صرت قصيمي ؟؟
مسحت دموعها و هي تضحك بينما عبدالاله ماتحمل قدر يخليها تضحك!! ضحك معها و نزلو شغلت فلم و شربو قهوتهم و اكلو و بنص سعادتهم دق لها سلطان اخوها و كانت الساعه 1:29 ردت و هي خايفه ولاول مره تخاف منه هي خايفه يكون عرف ب الي صار من النت و يتهاوش مع عبدالله هي تعرف جنون اخوها او بشكل عام اخوانها كلهم عندهم جانب جنوني ردت وكلها خوف
نوران : هلا سلطاني
سلطان: نوراني وينك يبعدي ؟
نوران : ا انا عند عبود
سلطان: دقيت على عبدالله و قالي انك موب عنده؟
نوران بغصه : ماقصده هو اقصد عبود عبدالاله بقعد عنده فتره
سلطان : فيك شي مخبيته عني ؟ صوتك فيه غصه
نوران : لايقلبي مافيني شي تعبانه بس المهم يقلبي بقفل و بنام
سلطان : تمام يروحي تصبحين على خير و عاد الله الله بنجي ناخذك بكره
نوران : ليه ؟؟
سلطان : اسمعي يروحي احنى دارين ب الي صار و كلنا مغليينننن قهر بس ساكتين عشانك ف عشان لانتعبك و لا نتعب يابعدي بكره بناخذك نكلم بن نافل ينهي عقدك مع الهلال و بنفهمه اننك بتقبلين ب الريال و حنى انا و سلطان بننقل شركاتنا الي ب السعوديه اسبانيا و تحديدا مدريد و سعود بينقل معك الريال يابعد دنيتنا انتي و عبدالله و الله و الي رفع سبع و نزل سبع ان حاول يلمسك ولا يقرب لك و ماسامحتيه يانوري ان يندفن حي اما عن عبدالاله ف بنرجعك عنده بكره الين شهر كامل و نمشي وقتها الحين خلك عنده هالفتره ريحي نفسك فيها و حنى معليك مننا لانه انا بنشغل ف الشركه و المثل ل محمد و سعود
نوران كان ردها طبيعي الا وهو موافقه
قفلت الخط و حضنت عبود حضن قويي و هي تبكي وهو ماتحمل و بكاء معها لانه مايبيها تروح بعيد عنه !! هو ف الرياض وهي ف اسبانيا مدريد بكاء و هو مقهورر انها ماكانت له من البدايه حضنها ب اقوى ماعنده وهو يبكي على حالهم هي تحب شخص مايحبها و اخذها تسليه و الحين يرميها و هو يحب وحده تحب غيره و قلبها مع غيره موب معه
عبدالاله : نوران لو اقولك ماتروحين و تتركيني ماتروحي ؟
نوران ساكته و تبكي تبكي ماتدري شتقول للحينها متضايقه للحين فكره تنه عبدالله تركها ب اسوء الطرق انهارت بحضنه لين اغمى عليها و فز عبدالاله من خفه جسمها و توقف بكائها فجاءه شاف وجهها المسالم الي كان تعبان بشكل ماعمره تمنى يشوفه شالها و حطها بحضنه بعد ماعرف انها في حاله اغماء و الافضل يخليها الين تصحى بس خاف بنفس الوقت ف رش عليها مويا الين صحت شافها صحت و حضنها بقوه و هو يهمس لها بخفوت
عبدالاله بخفوت : نامي يقلبي الوقت متاخر الحين ٢ الليل نامي و لاتتعبين اكثر
ماتحملت حنانه و نبره الخوف عليها الي بصوته و غفت لاشعوريا اما هو ف ابتسم انها بحضنه وصورها بحضنه و حفظها عنده و حطها بحساب
البرايفت الي محد فيه الا اصحابه و اهله طبعا الكل انصدم لانهم عارفين انه هي ماتحبه و تحب عبدالله و متزوجه و الحين هي بحضنه و هو حاضنها مابينكرون انبسطو له بس في اشخاص مانبسطو زي لاعبين الهلال
وهو يرد عليهم و الابتسامه من الاذن للاذن لفت نضره رساله من حساب عبدالله استغرب و حس بانتصار عبدالله شافها!!! شاف كلامه و انقلب وجهه لغضب
رد عبدالله :
اي هي رخيصه لدرجه انها ترمي نفسها ف احضان الرايح و الجاي بعذر انها زعلانه و متضايق هههههه اشك انك مالمستها
رد عبدالاله :
والله ما الرخيص الا انت ترمي بنت الناس الي حطتك بعيونها؟ والادهى انها زوجتك يالكلب
عبدالا فارررررر دمه و كبجر كلامه و ارسله ل الاخوان و هو يقولهم حلال فيه القتل الحين بس للاسف محد كان ف السعوديه غير سلطان و سعود و محمد رايح اسبانيا يتمم صفقه الريال شافو الكلام و كلهم فارو و هم متوعدين فيه بس يتذكرون اختهم و زعلها يكنسلون
رمى جواله وهو معصب و دمه يحرقهه نام و هو يحضن حبيبه قلبه و روحه
اما عند عبدالله
بعد ماشاف رد عبدالاله قفل جواله و هو يحس ب اشياء غريبه فيه ؟ هو ليه يشمئز منها و هو كان يحبها حب جنوني ؟ قعد يهوجس وهو يسوي قهوته ثواني و دخلت له سما و الابتسامه تشق وجهها راميه نفسها بحضنه وهو ابتسم تارك قهوته يبادلها الحضن
سما : حبيبيي تخيل ايش صار اليوم؟
عبدالله : عيون حبيبك ايوه ايش صار اليوم ؟
سما : تخيل انو جوني بنات يقولو لي انو يبغون غلطه حبك لي و كيف يتزوجون لاعب - ضحكه تصنع - قلت لهم ماحتحصلو عبودي نادرر وقامو يضحكو
عبدالله بابتسامه : انا ماني لاحد غيرك يقلبي
سما بدلع : حبيبيييي انت - قربت من خده - ابوس خدودك حبيبييي.
عبدالله : يلبى حبيبي انتي
سما : وين نوران غريبه مارجعت للحين
عبدالله بعصبيه : لاتجيبين طاريها الرخيصه ذا المكان موب مكانها
سما : ويي شفيك حبيبي - تتصنع الحزن - تراها بنت خالي حرام عليك
عبدالله : ليتها حنونه زيك يقلبي
سما : محد حنون كثري يابيبي
عبدالله : اكيد يقلبي ويله تعالي ننام يقلبي
سما : بنام بحضنك تكفى
عبدالله : ابشري
اخذها و راحو الغرفه نامو و ماصحو الا الساعه 2:00 الظهر
عبدالله : صباحو يروحي
سما : هممم
عبدالله : قومي صحصحي يروحي
سما بابتسامه : بودي بروح مع صحباتي المول
عبدالله بغضب : لاتناديني بودي كم مره وصيتك ماتناديني كذا !!
سما بحزن : بس انا ... خلاص اسف بطلع
و عطته ظهرها و قامت و هي تبتسم بخبث لانه كان يحب اسم بودي و الحين يكرهه بس قاطع تفكيرها همس عبدالله
عبدالله بهمس : احساس كلمه بودي موب زي اول ليه اكرهه اسمي اذا صار دلعه كذا ؟ انا ليه اكره الي عطتني الاسم ؟
سما بدلع : بيبي ناقصني فلوس عادي تعطيني ؟
عبدالله : انا كلي لك يقلبي
عطاها وحده من كروته وفيها مبلغ مايتجاوز ال 200الف خذتها بدون شكر و طلعت ل السواق يوصلها ل صحباتها اما عن عبدالله ف تجهز و راح النادي و الساعه 3:44 و وصل 4:20 و ةان باقي على التدريب 40دقيقه و كان مستغرب هو ليه جاء من وقت ؟ بس لحظه حصل عاملين و الطاقم الطبي و دياز و ايميليانو يخططون ل افضل تشكيله ل مباراه اليوم الهلال و الخليج و لاكن الغريب انه عبدالله سمع اسمه وهو دكه؟ انصدم هو ليه دكه؟ هل ادائه ما جاز لهم ؟ قرر يدخل و يسلم عليهم و بلفعل دخل و كان على وقت خروج دياز ل بن نافل يتكلم معه عن كم موضوع و يشيك على كلشي
الكلام بالعربي-
عبدالله : مرحبًا
ايمليانو باستغراب : مرحبا كيف حالك
عبدالله : جيد و انت
ايمليانو: جيده وانا كذالك
عبدالله : لا اعلم حتى انا مصدوم - تنهيده - المهم سمعتكم بالصدفه مع دياز بحبر خروجي من التشكيله الاساسية هل ادائي سيئ هل يوجد شي ماعجبكم لذي الدرجه؟
- بيكون عامي لانه مابعرف اكتب اكثر🥹-
ايمليانو: مو عن ادائ ياعبدالله انت اخوي قبل لاتكون صديق لاكن ياعبدالله شفت مواقع التواصل كيف قالبه عليك؟ كيف كارهينك على حركاتك؟ انت تدري شصار؟ فقدنا الثنائي الاسطوري وذا اكيد تتوقع نوران بتبقى؟ و انت تدري سعود ينصاع لاخته بكلشي حتى بالكوره مايمشي على كلامنا كثر اخته دياز قالي قبل ساعه بضبط الاخوان مابيبقون هنا وهو متاكد و يعرف نوران اذا كرهت شخص بتكره كلشي هو يسويه و نوران رغم حبها ل الهلال الكبيرر الي محد يعرفه الا انها بتكره لعبها فيه و فكره الرجعه ياعبدالله
عبدالله : بتوقفوني عشان وحده رخيصه!!! لا انتو اليوم كلكم منهبلين شفيها اذا احب سما و ما احبها ؟؟؟ شفيها اذا اهديت زوجتي و حبيبتي هدفي ؟ طول عمري اسوي كذا وقفت على الحين تكره النادي و تسوي دراما عشان اتوقف عن اللعب و اصير دكه!!!! انجنيوتو كلكم والل..
قاطع كلامه دخول سلطان و اللعيبه ر سلطان اول ماشاف عبدالله انهبل وجاء بوده يقتله بس نوران وراه
سلطان متخطي عبدالله : ايمييي
ايمليانو : سلطانة وينك مختفي
سلطان : ما اختفيت ولاشي بس منشغل تعرف انا الكبير و لازم اهتم باخواني و الشركات و العيله
ايمليانو : اشك انه محمد موب هو الي يهتم ف اخوانكم و الشركات
نوران بهدوء : سلطان كل ماسالته وينك قال ف الشركه ويوم اروح له احصله مركب كميرات يراقب الوضع و صوري اكثر من اوراق الشركه
سلطان بخجل : خ خلاص موب مهم
ايمليانو ضحك وهو يطقطق على سلطان و كنو استلمه طقطقه
كنو : اجل تقولنا مشغول و شركات و حركات بركات و انت تتامل نوراني ؟ هههههههههههه
كلهم ضحكو و اخذوه طقطقه لين نطق العويس بشي خلاهم متحمسين
العويس : نوري اليوم احرقي مرمى الخليج حرققق
سلمان : اي تكفين مابي اتعور اليوم بعد توني هجيت من العياده
ايمليانو: ومن قالك بتلعب ؟ مانبيك تنصاب ورانا مباراه مع النصر هد
نوران ببتسامه خافته : مابلعب معكم اسف
سالم : وشو الي مابتلعبين معنا؟
نوران ببتسامه اعين مغلقه : معليكم عندي اجازه طويله لاني بساعد سلطان و المثل ل سعود لانه بيمسك شركه من شركات سلطان
مصعب : اما عاد تكفين خليك و سلطان يالكلب ياخي ليه تخليها تساعدك وظف ناس ياخييي
سلطان ببرود : مابي ابيها هي وسعود يساعدوني و تقرر
استغربو ليه سلطان نبرته تغيرت ؟ توه طبيعي ؟ ليه يوم المعيوف تحرك باتجاه نوران تغيرت نبرته
سلطان وهو ساحب نوران لحظنه و شايلها : لاتقرب
عبدالله بسخريه : تراها للحين على ذمتي ولو اروح المحكه لا انت و لا ميه شخص نفسك يقدر يوقفني سمعت ؟
سلطان ماتحمل نزل نوران و حطها عند ايلمليانو و قاله لاتفكها رفع اكمام القميص و فصخ نظارته و بحركه سريعه منه وجه ضربه قويه فبطن عبدالله وهو يصارخ عليه
سلطان بصراخ : عطيتك اختي وانا متيقن انك بتحميها و تحطها بعيونك بس كسرتني انا و ثقتي قبل لاتكسر قلب اختي يالحقير عطيتك اياها وانا اقول للكل اني حطيت اختي بايدي امينه بشخص بيخاف الله فيها بشخص هي تحبه بشخص بيكون سندها من بعد الله ثم حنى بس وش ؟ قولي وش !! انت رميتها ببعدنا و كسرتها و كسرت قلبها قبل ايشي خليتها تكره اليوم الي عرفتك فيه ياعبدالله والله و الي رفع سبع و نزل سبع - رص اسنانه بقوه وهو يترك عبدالله - ان شفتك تقرب منها بعد ماتوقع على ورقه الطلاق ان تنذبح مننا و يمكن من تركي و غيث - سخريه - انت تعرف حقيقتهم اصلا بس تدري انك مابتقدر تتكلم لانك بكل الحالات مابتقدر تفتح فمك قدامهم و انت تعرفنا قبل لاتعرفهم و تعرف انا و سعود وش ورانا و وش علينا
نوران تسمع كلام اخوها و الشخص الي فيوم كان اسر قلبها وخرت عن ايمليانو بسهوله تامه و توجهت ب اتجاهم مسكها سالم وهو يترجاها ماتسوي شي تندم عليه لاكن استوقفته ابتسامتها الجميله بشكل يوجع القلب و اردفت له بنبره كلها حزن
نوران : سويلم معليك مابسوي شي اندم عليه بس باخذ سلطان و نروح نقابل بن نافل و نسوي الوداعيه و امشي
بتستغربون ليه محد تحرك و وقف سلطان ؟ كلهم يعزون نوران و مايتخيلون تدريب طلعه كلام حش بدونها كانت اختهم الصغيره و اكثر حبوها بشكل لدرجه لو تغلط عليها قدامهم بيهبدونك و فكره انه عبدالله غدر بنوران فجاءه بعد الحب الكبيررر بينهم كانو مصدومين من الاخبار الي تصدرت الترند الاول ف العالم موب السعوديه لكون نوران مشهوره ف العالم باسره و المعيوف معروف برضو ف محد ركز كثير و تمنو لو عبدالله ينضرب اكثر
نوران بهدوء : سلطاني يله عشان نقابل بن نافل و برضو - لفت للعيال و عيونها مليانه حزن - اسف اني كذبت عليكم بسالفه الاجازه بس انا مابرجع و المباراه ذي بشترك فيها لاني اعرف دياز و بن نافل ببترجاني و انا مابي ذا الشي فذي مباراه الوداع بيننا و بعدها نلتقي بكاس العالم للانديه بس موب ك اصحاب نادي بل خصوم - ابتسمت بخفه -
محد تكلم و كلهم ناضرو الارض لانهم مايبون يبكون اما هي ف مسكت يد سلطان و عدلت شكله و عطت المعيوف نضره بارده مافيها مشاعر ابد و مشت وهي مشابكه يدها بيد اخوها الي يتذمر ليه ماخلته يقتله وهي بس تتنهد دخلت ل بن نافل و شافت دياز الي علطول حضنها و بدا يتكلم معها
( كلام دياز بيكون بلعربي مافيني حيل اخليه بلغته و اتعلمها و اتاكد من صحه اللغه الي عندي )
دياز : نوران هل حقًا عقدتي الامر
نوران : نعم وانا اسف مره اخرى تمنيت لو اننا نستمر سويا ولاكن للاسف
بن نافل : يانوران يا بنتي تدرين انه الباب مفتوح باي وقت بترجعين فيه لو بعد عشر سنوات حياك الله
نوران بكل هداوه حضنت بن نافل الي كان بمثابه اب لها وهو يشوفها بنته و كانت علاقتهم جميلهه و الكل يشوفهم ك اب و بنته
دياز : على اي حال نوران هل تقرر الامر بشأن ذهابك انتي و سعود ل الريال مدريد؟
نوران : نعم محمد قد ذهب لحسم الامر و ساتبعه بعد اسبوع رفقه سعود و سلطان لذالك لست خائفه من فقدانهم
دياز : اذا الوجهه ل الريال مدريد فقد اكتسبو كنز لايفوت
بن نافل : لقد كنت على وشك معارضه مع حاسم الصفقات الخاص بهم و عارضت خروجها ولاكن هاذه رغبتها ولا املم اي حق للمعارضه بتاكيد لاريد منها كرهي
سلطان : اللعنه نسيتموني
دياز : اوه هل كنت هنا من الاصل؟
بن نافل : يالله لم اعتقد حتى انه هنا
ضحكو كلهم و اتفقو انه مباراه الهلال و الخليج وداعيه نوران و سعود ( صنفت المباراه من كيس جدي )
مر ألوقت و جت المباراه الساعه 7:00 ابتدت و الشوط الاول سجلو الثنائي الاسطوري نوران و سعود و كان حاصل هدفين من نوران اسيست سعود و هدفين من سعود باسيست من نوران بس للاسف الثاني الغوه و كانت النتيجه. 3-1 و كان عندهم بريك مابين الشوطين
نوران : بشتاق لكم!!
العويس : خلنا من ذا كله لو دخلت شاهيي و الفصفص يبوي ماجاني الا هدف واحد و من بعدها ولاجاني احد
سلمان : ياحيوان احمد ربك
سالم : نوري غطت علي والله
مصعب : ليه هي وش كانت كاشفه عليك؟
كنو : ابو محمدي في واحد بياخذ الكبيتانو منك و الذبات مني
مصعب : تخيل اصير نفسك
كنو : اوح توجع
مصعب : تستاهل
سعود وهو يمسح عرقه بالمنشفه : يالله زين مابشوف الوجيه القشرى على الاقل بشوف مودريتش و كورتوا بدال وجه الفلس العويس ولا بعد البنز و اسينسيو و فالفيردي و فيني بدال وجيهكم اامفلسه
نوران : عيب والله لاقولهم يكرشونك
سعود : يليلل نسيت انهم يحبونك و يبونك اكثر مني
سالم : تخيلو مدافع الخليج متوعد يكسر نوران
علي : يخسى بحشر ساقي بساقه
نوران : انفداك لاتكسر ساقه لا اكسر ساقك
عبدالله ساكتت و كان ملاحظ انه الشباب موب مهتمين له و كل سواليفهم مع نوران حتى دياز الين انتبه له سالم و اتجه له
سالم بهمس : بكلمك بعد المباراه و الوداعيه
عبدالله : طيب طيب
انتهت الاستراحه و بدا الشوط الثاني و بلفعل نوران محاصره من. المدافعين بس هيهات يخسون يوقفونها و سعود و علي معها و الي محد يعرفه الا بن نافل انه لاعبين الريال و المدرب موجودين فغرفه خاصه مع بن نافل يراقبون اللعب و كلهم متحمسين للاخوين نرجع
مررت نوران ل علي و علطول سعود جذبهم له باستقباله ل تمريره من علي مما جذب له المدافعين و انطلاقه نوران المعروفه بقوته الحاده و سرعتها الي تتجاوز اي لاعب قدامها و بثواني معدوده صراخ الجماهير يملى الملعب و هتافهم ب نوران و سعود و علي الثلاثي ف الملعب. المتزامن بشكل مخيف بمجرد ماصارخ الجمهور لانطلاقه نوران سعود مررها تمريره عاليه و سريعه و مقوسه الى مرمى الخصم و الكل توقعها تمريره تهديف بس مايدرون انها التمريره الحاسمه ف الدقيقه 65 شافو نوران ناطه تستقبل الكوره بصدرها و هبوطها بشكل جيد و تسديدها هدف اسطوري كسر ثقه الخليج بشكل تام و صارت النتيجه 4-1وبعدها بشوي تسديده من سعود و بعدها سالم و علي و انتهت بنتيجه 7-1 و الكل مصدوم بقوه نوران و سعود و علي و كيف الهلال باني حيله على ذي المباراه بمجرد انتهاء المباراه نطق المعلق بكلام خلاهم يستغربون
المعلق : اطلب من جماهير الهلال عدم الخروج و جماهير الخليج بالاسراع بلخروج عشان تمتلي المقاعد الفاضيه ب الجماهير الهلالي لانه في اعلان وداعيه الثنائي الاسطوري
و بلفعل ذا الي صار و الكل يطالبهم بعدم خروجهم. وبثواني صار فوسط الملعب ستيج و اضائات و كانه مجهز من زمان طلع بن نافل وهو يتكلم
بن نافل :
اولا السلام عليكم و رحمه الله و بسم الله الرحمن الرحيم
ادري كلكم معارضين خروج نوران و سعود و بتهاجمون الاداره بس ذا قرار منهم و احنى ماكان لنا اينيه نتخلى عنهم و بذات اني اشوفهم بحسبه عيالي و احبهم جدا و هم حاصدين معنا بطولات كثيرهه و دياز بنفسه طلبني ما اتركهم ولاكن ف النهايه مابيدي شي و ذا قرارهم الشخصي بفكره انتقالهم للريال و مابلومهم هم انتقلو لنادي عظيم ماراحو نادي بيخليني اشيل همهم و اكيد لو راحو لاي نادي مستواه هابط كنت بعارضهم بس اصرارهم و اصرار الريال فيهم خلاني اتخذ هاذي الخطوه و كلنا نعرف من طاقم طبي و اداره و جمهور و مدرب و مساعد انه هاذول الاخوان حققو اشياء الهلال ماتوقع يحققها !! المفروض نفرح لهم و مانبين حزننا لفراقهم فهذول الاخوان لو بيدهم حطو الهلال بقلوبهم و انا سعيد جداا اني قدرت اعرفهم و اصيربمثابه اب لهم و فخور جدا بذا الشي و كانو احد اهم الاشخاص فحياتي و ف النادي ولاكن ربي يوفقهم بدنياهم وين ماراحو و رجعو و الباب مفتوح لهم دايم متى مابغو يرجعون الباب مفتوح
انهى كلامه مع خروج المؤثرات الناريه الي تحاوط الستيج معلنه عن خروج سعود الي الابتسامه معتليه وجهه رغم حزنه الا انه سعيد جدا تقدم تحت هتاف الجماهير و استقبله بن نافل و دياز و الطاقم الاداري و الاعبين الي كانو فخورين فيه بشده صافحهم بحب باستثناء عبدالله الي صافحه بدون نفس و ترك كلام اثر بلجمهور و الاعبين بشده و الحين دور نوران الي طلعت بعد دقيقه وهي بطلته الاخيره ل الهلال بطقم الهلال الازرق الي زاد من جماله بصاحبته دخلت وهي مبتسمه ابتسامه فخر خطواتها الواثقه النيران الي من حولها او الالعاب الناريه الي تتطاير من فوقهم ب الازرق و الابيض زينت سماء الرياض و زادت جمال النجوم و القمر تقدمت و علطول انحنت الابتسامه و امتلت عيونها دموع و جتها لحظه ادراك رمت نفسها بحضن بن نافل وهي تبكي و هو يضحك ماسك دموعه و كلهم حاوطو سعود و نوران بحضن دافي و الجمهور الي يصارخ بسعاده على الرغم من انهم حزينين جدا بيفارقون اساطير الهلال ولاكن مابيدهم شي الا انهم يدعمون لاعبينهم انتهت ذيك الليله الي كلها حزن و ضحك و سعاده و كانت مخلوطه بكل شي
يتبع ...
اطول بارت كتبته بس كتعويض لكم عشاني سافرت و سحبت بس كتبته بلخلط و اخذ مني ثلاث ايام !!! بس تستاهلونها
باقي بارت واحد الا وهو الاخير
عدد الكلمات 3250
