"مالي بدجى العاشقين ملاذ"

جزء الخامس العشرون

‏جيت أفك قيود كلمة " مستحيل "
‏واعتق النسيان في اربع جهاتي !

                     

#جود
‏
_____

                     

احس الدنيا تسكرت بوجهي زفرت بهم من تذكرت حالة ابوي كيف اقول لمشعل يستعجل بزواجه خايف من ابوي يسوي شي لازم اسحب منه الولايه لازم رفع راسه على صوت خويه: فصيل وين سرحان صحصح
فيصل: معك صاحي
خويه وهو يتعدل : لازم تفتح عيونك على العشر خاصه اننا دوريتين بس والجو بدا يظلم
وقف فيصل وهو يتقدم يستند على السياره: وش فيك خايف هذي شغلتك تحرس الطريق بس ترا زين حنا على مشارف قريه ونورها ساطع يعني مافيني شي تخاف منه

                     

طالعه بنظرات وصد: انا مو قصدي خايف حشى لله انا قدها وفدا للارض بس انا ضايق صدري امي نزلتها عند خالي ومشيت وحاس انها تعبانه والله لولاا الحاجه كان قابلتها ولا توظفت

                     

فيصل بموساه: يارجال احمد ربك تشتغل وعندك راتب غيرك للحين يدور وظيفه يستر نفسه فيها ويصرف على اهله وامك مو عند غريب عند اخوها قبل لاتكون ولدها

                     

هذال : خايف يافيصل عليها اخاف يزيد تعبها وتخليني وحيد انا من طلعت هالدنيا وانا ماعرف الا امي هي اللي ربتني لحالها وتوديني على ظهرها وتجيبني تنهد بعد ماحس بالغصه داهمته

                     

فيصل وهو يتعدل وبهمس داخلي :
اللي حرَمْه الموت من شوفة آبوه :
‏يهتز صدره ... كل ما كحّت أمّه !

                     

وقف وبصوت هادي : سياره جت وقفو وهم يأشرون للرجال يوقف وقف وبدا يسألونه عن الهويه والرخصه
طلعهم واعطاهم فيصل طالعه بهدوء وهو يرجعهم : تفضل وطريق السلامه
تحركت السياره

                     

فيصل بضحكه: روق يالمنفس.. بعدين تعال اذ بتروح لامك روح انا استلم بدالك

                     

هذال: لا مو برايح بنتظر لين بكره وبعدها بكلم الضابط هو متفهم حالتي

                     

فيصل وهو يتأمل الطريق : ياخي تحس برعب وانت تسمع هالاصوات

                     

هذال بلع ريقه:ي ولد لاتذكر هالاشياء عندي

                     

فيصل: ههههههههههههه ياخواف

                     

هذال : دايم كانت استلم من خمس لين خمس المغرب انا مدري وش خلاني استلم هالوقت