أحببتك رغم الحواجز

البارت الرابع

  

بسم الله الرحمن الرحيم
  ....................................

ولـٍـًيـٍتـَنًـآٍ نًـمٌلـٍـًكـٍ حًـق آٍلـٍـًتـَكـٍرٍآٍرٍ لـٍـً آٍيـٍآٍمٌنًـآٍ آٍلـٍـًجـِمٌيـٍلـٍـًـٍة ..

نبدي القصه بقلم 🖋📋

الكاتبه رسُــــــلَ آلَجَبّـــــوُريــهِ

أحببتك رغم الحواجز

..................

ومنا يبلش كلشي من المعانات والحرمان والبعد والعشق والحب والحسرات
.................

ـ يومـيهہ آصـبح علئ آلنذورهہ آلمـآ تجيبك

مـرت الايام ومـرت الاشهر ودخلنه شهر 4 بسنة 2023 وكل هاي الايام المرت واني ما حجيت شي ل أمير وماعترفتله بمشاعري هواي حاربت نفسي  اخاف من اهلي واخاف منه خاف يكسر خاطري ويگلي ماحبج او ماريدج وخاف يبعد عني نهائياً وحته صداقه ماكو اموت اذا بعد كل هاي الميانه والسوالف نرجع غربه والله ماتحمل
هيج ينكسر خاطري

والف تفكير اجه براسي وترددت كلش حجيت ويا صديقاتي حته بلكت يلگلي حل گالن يمعوده عترفي انتي وخلصينه گتلهن شلون ماعندي جرئه وضلن يقنعن بيه فتره مر تقريباً سبوع او سبوعين اني بس افكر

فأ بعدين قررت اشجع نفسي واجازف وشيصير خلي يصير اني متأكده من امير يحبني ويريدني اذا مايحبني ولا يريدني شكو لسه يحجي وياي ويخاف عليه واهتمامه وكلشي بدر منه يخليني اتأكد انو هوه يحبني قررت اني ابادر لان اخاف اخسره بس كلت لازم انتضر الوقت المناسب وجنت منتضره عيد ميلاد أمير ...

(بشهر 5 يوم 25)فأ گلت بما انو يوم مميز بحياته خلي اني هم اسوي حلو واسويله مفاجئه اعترفله وشيصير خيصير ما يهمني المهم حبي ما يضيع واضل اتحسر

حتلو گلي ماحبج ومستحيل نرتبط عادي اعوفه وابتعد لمهم اريح ضميري واسوي الي عليه ولباقي علئ الله فأ بديت احضر حجي وشلون اعترفله حضرتله معايده يعني اني كتبتها اله وعترفتله بحبي بمسج وكلت بيوم عيد ميلاده ادزهن اله ولي قاسمه الله يصير واني عايشه بقلق نفسي وحرب بتفكيري

طبعاً اني إيماني برب العالمين كلش چبير وحبي الربي اكبر مستحيل اترك صلاتي مرات اذا تئخرت وما صليت اذا صار عندي ضرف او شي اضل اكل بروحي احس نقص بيه ،

الصلاة نعمه فضيله علئ المؤمن
الانسان ميسوه شي اذا ما يعبد ربه ويصلي ويصوم الله غفور رحيم لو شنو ما چان الذنب الي مسوي لمن تصلي وتستغفر ربك حيغفرلك الذنب رب العالمين هواي منطينه نعم من خيراته انطانه الصحه والعافيه والستر والناس الي تحبنه ونطانه نعمة الاهل والأصدقاء وهواي نعم رب العالمين لو شكد ما احمدك ياربي ما اوفيك الف الحمدالله علئ كلشي يارب....

تقريباً مر 20يوم واحنه بشهر 4 فه يو من الايام العاديه راسلت أمير

رسل: هلو شلونك

أمير: هلوات بخير اذا انتي بخير

رسل: دومك

أمير: يديمج الي، انتي شلونج

رسل: امين، الحمدالله

أمير: انشالله دوم يارب

رسل: اگلك مودي عندي وياك حجي بس مو هسه احجي الك

أمير: خير كولي احجيلي هسه

رسل: لا مو هسه بعدين بعيد ميلادك احجيلك

أمير: اااا ليش اله بعيد ميلادي شكو

رسل: شعليك اني احجيلك بعدين بس خاف انسه انته ذكرني

جذب وين انسه هوه لموضوع صار سنتين ما طلع من بالي لحضه بس ما عرفت شنو ارد عليه

أمير: تمام بس راح تقلقيني وتخليني اضل افكر

رسل: ههههه لا ماكو شي مهم لا تفكر

لمهم تسريع الاحداث .....

مر اسبوع وطلعت روحي يله مر هل سبوع صار يوم 28بشهر 4

گلت لا هاهيه بعد مابيها مجال لازم اعترف واخلص من هل حمل لي موتني تفكير وقلق حرفياً كلشي ماكدر اسوي ماعندي تركيز فاقده التركيز لا بدراستي ولا بحياتي ولا بايشي ثاني عندي تركيز هوه ماخذ كل تفكيري عايشه بقلق
وما مرتاحه التفكير الزايد موتني
صار عندي تساقط بشعري وفقر دم وحرفياً انتهيت صرت
جني عود بخور من القهر 

واخيراً تشجعت وقررت اعترفله

دنتراسل اني وأمير جان يم جماعته طالع ورجع اساعه ب 10:40 راسلني سلم عليه واني رديت عليه فأ كتله......

يتبع ...