أحببتك رغم الحواجز

البارت 15

بسم الله الرحمن الرحيم
  ....................................

١١:١١
سكنتَ فؤادي منذ أولِ نظرةٍ
وما زلت في لُبِّ الفؤادِ تجُوبُ!🧡

نبدي القصه بقلم 🖋📋

الكاتبه رسُــــــلَ آلَجَبّـــــوُريــهِ

أحببتك رغم الحواجز

..................

السلام عليكم ورحمة الله وبركاته

شلونكم عيني

يلا ندخل بل الاحداث ليوم البارت يجنن 🔥ناار احداثه

....................................................

علي: مات مات

امي: منو مات شبيك ولك

علي: ابو كريم مات خذو للمستشفئ

امي: ياااا عزااا

رسل: يمه هاذه جذاب ذاك ليوم گلي ابو محسن ( زوج عمتي) مات وبعدين طلع الرجال مريض وماخذي المستشفى
وهسه اكيد هم تشاقه امشي ولي منا

علي: والله لعضيم ما جاي اشاقه اسمعو الصياح بيت عمتي
( بيت عمتي يمنه بنفس المنطقه
بيناتنه بس بيت واحد)

امي: لا إله إلا الله شلون مات

علي: يمه هوه مو جان مريض والدكتور گله لازم ترتاح وصارله 10ايام گاعد بلبيت لان ابنه كريم ما يخلي يطلع للشغل

( عدهم محلات بل سوگ كريم وابو وعمتي ام مروه زوجها هم عنده محلات وابوي هم عنده محل وكلهم ماخذين قاطع كامل ويشتغلون هناك وابن عمي وابن عمتي ام امجد وابن خالتي واحمد اخو مروه يشتغلون وياكريم بل محلات يعني وياهم كلهم متجمعبن هناك )

المهم كريم مايخلي ابوه يطلع للشغل لان مريض والدكتور گله لا تتعصب علئ شي تجنب العصبيه هوه رجال كلش عصبي
فأ جايه رجال يريد يرجع ملابس مشتريهن منه هوه يبيع ملابس رجاليه فأهاذه الرجال صارله 10ايام من مشتري الملابس

وهسه جاي يريد يرجعهن
ابو كريم گايله ما ارجعهن اذا تريد بدلهن وضالين واحد يصيح ع ثاني الرجال دافع ابو كريم موگعه بل گاع وصار عنده اغماء الرجال شرد ومحد لزمه كلهم حارو ب ابو كريم نقلو المستشفى وكل شويه واحد گايللنه شكل واحد يكول مات واحد يكول تخربط وفقد الوعي او صار عنده هبوط كل شخص يحجي شكل

امي: ولج نطيني عباتي وذا تأخرت قفلي لبيت وتعاي وراي ديربالج علئ اخوج مو تعوفي(اخوي عمره سنتين)

انطيتها عباتها ولبست حجابي وباوعت وراها شفت عمتي لابسه عبايتها ولدم طالع من خدها مخرمشه وجها وبتها الجبيره اسمها سهر تركض وراها وكل شويه وعثرت بصايتها ولحجاب وگع من راسها امي رگضت عليها تساعدها حته تگومها ولبستها حجابها وراحت ورا امها امي طبت جوه للبنات يتصارخن يردن يطلعن ورا امهن