أحببتك رغم الحواجز

البارت السادس

بسم الله الرحمن الرحيم
  ....................................

لآ تُكْثِر الشَّكْوَىَ فَيَأْتِيِكَ الهَّمْ ? وَلكِن ~ ” ?أَكْثِر مِنْ الحَمْدُ لِلَّه~* ? تَأْتِيِكَ السَّعَادَة

نبدي القصه بقلم 🖋📋

الكاتبه رسُــــــلَ آلَجَبّـــــوُريــهِ

أحببتك رغم الحواجز

هلبارت راح تصير بي احداث حلوه
ومو حلوه

.......

دائماً رب العالمين يرزقك بشخص ما تتخيل وجوده بحياتك بيوم من الايام ومو كل الاشخاص الي ربك يزقك بيهم يكونون خير عليك بس اني ربي رزقني بهل شخص وهوه كل الخير بي الحمدالله علئ هل شخص الف مره احمدك واشكرك ربي انطيتني أمير وصار هوه روحي وسعادتي والأمان الي وهوه ونستي واهسي وعافيتي وگلبي
وكلشي بحياتي ...

(ياخي فجأه وترزق بانسان مو
علبال گادر يغير عالمك كله) 

مرت الايام عاديه بدون احداث ونفس الروتين  وقبل ما تجي الامتحانات مال اخير السنه قررو الاداره ياخذونه سفره مدرسيه

وجانت احله خبريه كلش فرحنه اني وصديقاتي وبدينه نخضر للسفره وحده راحت شترت ملابس وحده مادري شسوت يعني تحضيرات وترتيبات حلوه

اني عندي قميص اخضر ستوني مشتريته واسع واني ضعيفه فأ حلو عليه ورحت اني وامي للسوگ شتريت ويا القميص الي عندي  بنطرون اسود وحذاء (تكرمون) وامي شترت كم شغله للبيت اومواعين للمطبخ وشترت الها كم شغله وشتريت عطورات واشياء من الكوزمتك

ورجعنه للبيت اني رجعت تعبانه غيرت ملابسي وغسلت وكعدت فتحت نت شفت أمير مراسلني والبنات هم مراسلاتني فأ رديت السلام علئ أمير ورديت علئ صديقاتي وجنه دنحجي علئ السفره كتلهن رحت شتريت نقوصات عندي.......

قسمنه الاكل علئ بعض
اني جبت فطائر وخلية النحل وفواكه وزلاطه وترتيبات

وزينب جابت  معكرونه
ورغد جابت كبه وصمون وكيكه
ورقيه هيه ورؤئ جابن ببسي وسڤن
ونوتيلاا وهاهيه

وملاك گالت اني مسويه قاصه وراح افتحها عليه الفلوس وجابت وياها 150الف احنه ما جبنه فلوس لان هيه گالت لا تجيبن فلوس جيبن بس الاكل

فأ احنه اعتمدنه عليها خلصنه محادثه وتعشيت ونمت هاذه الحجي جان بيوم الجمعه واحنه سفرتنه الاحد الساعه ب 8 واجه يوم السبت واتحضيرات مستمره ونفس الروتين تنضيف وترتيب وكذا وخلصت كلشي وصارت ب 8 بليل سوينه الفطائر وخلية النحل ورتبت كلشي وحضرت كلشي