أحببتك رغم الحواجز

البارت العاشر

بسم الله الرحمن الرحيم
  ....................................

" دَع قلبُك المُتعب يسترِيح قليلًا وسلّم الأمر إلى آلِ مُحمَّد "

نبدي القصه بقلم 🖋📋

الكاتبه رسُــــــلَ آلَجَبّـــــوُريــهِ

أحببتك رغم الحواجز

..................

من بعد ما خلصنه تنضيف وختاريت شنو البس هاذه الحجي ابوي نايم

لبست كيلوت اسود وقميص ماروني اقماشه حرير وحلو مشطت شعري مروه گالت اكوي شعرج كتلها لا ميحتاج هوه شعري سرح گالت اي صدگ واني خليت طن عطر هههه مادري ليش لا ارادياًمن التوتر ماعرف شسوي اني اذا توترن انخبص

ورتبت نفسي امير گال ب 6 وربع اهلي يمكم اني التوتر صار فولل

تسريع الاحداث...

اجوو اي اجوو يمه بطني والرجفه الي لزمتني موضوع ثاني طبو امي ستقبلتهم واني وراها طبت ام رقيه وراها ام امير وخالته وبعدين اخته ...طبعاً اخته بنين مو طيبه هوه عنده 4 خوات 2مزوجات و2 طالبات وهوه وعنده اخو زغير

المهم اني وامي ستقبلناهن وگعدن رجت للمطبخ مروه تضحك عليه شلون صرت سريعه ونثولت اروح منا واجي منه ماعرف شسوي وشنو اريد

اخذت مي ورحت قدمتلهم وطلعت وضلن يسولفن ويا امي رقيه اجت وراي للمطبخ ضلينه نحجي واني احضر بل عصير

وكل شويه وسئلتهن اني حلوه اگلجن خو شعري ما مخرب خاف مو حلوه وهنه يضحكن ويسكتن بيه ضليت اگمز بل مطبخ من الفرحه رقيه تصور بيه وتضحك عليه انوب اخذت العصير واديه يرجفن كوه كامشه الصينيه بيدي وكفت باب اامطبخ خذت شهيق وحجيت،

رسل: ولجن الگلاصات شبيهن يرعصن خاف يوكعن

رقيه: لا مو لگلاصات انتي ترجفين اهدي لا تتوترين

مروه: ما راح يذبحوج جاين ياخذوج لبنهم وتضحك وتطگ اصبعتين

طبيت قدمت العصير ردت اطلع گالت خالت امير تعاي 
اگعدي خلي نشوفج رجعت گعدت مقابيلهن واني ميته خجل اوووف يالله شلون اشرد من يمهن ماكو مهرب

هنه حجن علئ موضوع الخطوبه

ويا امي وامي گلتلهن اني مابيدي شي احجي ويا ابوها وارجعلكم خبر

اني گعدت يمهن ضلن يسولفن ورقيه تباوعلي وتضحك الخبيثه تريد تضحكني اني گوه لازمه ضحكتي شويه وطلعن گالو رجعولنه خبر ننتضركم امي كلتلهن انشاءالله راحو اول ما طلعو ابوي طلع من الغرفه مبدل يريد يطلع

ابوي: منو ذني نسوان شنو يردن

امي: ذني اجن يخطبن رسل ل ابنهم