عشقت رحيق

البارت ٢٧

اركان' طلعت رحيق  من الشقه  وحسيت روحي طلعت وراها
ورحت على نور
دكيت الجرس حيل
فتحت الباب
هجمت عليها لج حيوانه
هجمتي بيتي ارتاحيتي هسه

نور : اي ارتاحيت
حتى تحس بنفس العذاب لمن كلتي عوفيني شوف بعينك شيسوي الفراگ

وج انتضرتها يوم يوم وهسه ح تروح مني كله بسببج ياا حيوانه
نور : اخخخ عوفني راح اموت
اركان مستمر بالضرب بيها فقدت كلش بحيث وجها ددم
من هاللحظه انتي طالك وباجر اجيب السيد يفضها للسالفه
نور : خلاص سوي الي يريحك اني هم تعبت وما أريد العيشه وياك طلعت عشيه الضيم والذل

رحيق :  وصلت ل بيت خالتي
بس ولا اجاني النوم تگلب من صفحه لصفحه
لحد ما أذن الفجر صليت ونمت كعدت ب ٩ وتوجههنه البصره

اركان : الساعه ب 12 بالليل وپگلبي النار  والف تفكير ببالي شون إذ رحيق عافتني توجهت البصره حتى ابلغ اهلي قبل لا رحيق توصل وأوضح الهم الحقيقه وصلت ب ٥ الصبح واني تعبان كلش
دخلت للبيت لكيت امي كاعده هي الي فتحتلي الباب.
ام اركان : ياا يمه شعجب جاي من الصبح مرتك ليش مو وياك
اركان : يمه مشكله صارت وياي وهسه أوضح اللكم ابوي كاعد لو نايم

ام اركان: اي كاعد  شبيك ولك وجهك ما يطمن

دخلت ولكيت ابوي هم كاعد وسلمت عليه

ابو اركان : شعجب جاي من وكت مرتك وين

اركان: وجهي اصفر وعيوني مورمه لان منايم ودايخ كلش بويه جيت احجي وياكم بموضوع بس لا تحكمون قبل لا سمعون كلامي كله

ابو اركا:ن خير بويه احجي خوفتنه

اركان:بويه اني متزوج مره ثانيه غير رحيق

ام اركان: يمه فلك طرك ولك شنو هالحجي
ابو اركان:شتحجي انت مخبل صاحي شنو هالحجي هذا
اركان : بويه والله غطله وصارت ورحيق البارحه عرفت واجت لأهلها زعلانه

ابو اركان :وليدي انت الجبير الفاهم الي مخلي أمله بي هجي تغدرنه ووتجوز على بت عمك شنو الناس تكول علينه هسه
ومصارلكم شكم يوم متزوجين  شايف حجي الناس ميرحم تريد تفضحنه 

ام اركان : ولك ورحيق وين هسه الله يساعد گلبها على هالمصيبه هذه ومنين مزوج  منو الضحكت عليك ودمرتك 

اركان: ضابطه وياي بالدوام والله ما احبه بس هي تحبني وره موت مروان اني بقيت اسكر وضايج  وهي استغلت يي

ابو اركان : كوم اطلع بره تسكر وتتزوج على بت عمك وجاي تتعرف النه ليش تزوجت رحيق إذ مزوج قبلها

اركان : تدرون كلش زين ليش زوجت رحيق
احبه واموت عليها وهي الي ملت  گلبي بحبها
اركان :  اريدكم وياي مو عليه اعرف غلط هالموضوع وشترودن عاقبوني بس رحيق ما اطلكها

ام اركان :هذه إذ قبلت ترجعلك محد يرضاها يمه مصارلكم شهر من تزوجتوا

استغفر الله ياربي

رحيق

طلعنه ب ٨ الصبح وصلنه ب ١٢ للبيت اهلي
كعدت يمي امي اني وخالتي وبقيت احجيلها كلشي وشوفته الصور واني منهاره وابجي

ام رحيق :  لا تبجين يمه هسه اخابر على ابوج وعلى عمج جلال يفضونها السالفه ويطلكج ما اله اي حق عليج
وما اريدج تعيشين نفس العشته من ابوج تزوج عليه هم شفت الويل والضيم ومحد وكف وياي
رحيق بقت امي تسولف علي قبل لمن ابوي تزوج عليها وشون نسوان عمامي يشمتن بيها ورغم جان ابوي يحبها بس زوجته الثانيه خلته ينسانه وخلفته غيرنه
ام رحيق : كافي بجي ما يفيد مادام الله كشفه الج وبدايه زواجكم الف الحمدلله نطلكج منه وكل واحد يروح بطريقه

هسه  گومي  بدلي ملابسج ونامي وبس يجي ابوج اكعدج
رحيق: ماشي يمه
رحت سبحت وصليت ونمت بدون ما امشط شعري لان مالي خلك كلش

  نمت ساعه وما حسيت الا صوات كلش عاليه كعدت مفزوعه شصاير اني لابسه تراك وشعر مكفش  وركضت فتحت الباب وشفت الكل كاعد بالاستقبال اهلي واهل اركان وعمو جلال
ابوي يكلهم الا يطلكها وامي نفس الرأي الحمدلله انهم واكفين وياي هالمره صدك فرحت حسبت واخيرا عندي سند

طلعت الهم
اركان :اجت  رحيق يمنه وهي لابسه تراك والشعر كفشه شكلها يضحك
بس عصبت كلش لان الكل كاعد وهي هج لابسه واني محذرها من الللبس
اركان : هي انتي شلابسه روحي بدلي ملابسج
رحيق : هي بعينك مالك حق تتدخل
وبعدين شسوي جاي

قراري ومعروف

اركان تحلمين اطلكج سابع المستحيلات افتهمتي
اني فهمت الكل غلطه ونمحت وراح اطلكها لنور وانتي ترجعيلي

رحيق بربك انت صدك تحجين شنو لعبه عندك اني كتلك ما اريدك واشمئز إذ شفتك

اركان :وج طولان اللسانج كمزت عليه ردت اكمشها بس عمي لزمني

ابو رحيق الابنيه بكيفيها وحقه انتم ما صارلكم شهر من تزوجتوا وتطلع متزوج عليه بالسر بويه هذا محد يرضاها

رحيق : لا وفوكاها جان يسكر ويروح يمها ويريدني تسامحه تهي يااحظي 

اركان ؛ركضت عليها لزمتها من شعرها وج تعيريني اسكر  جنت اسكر من ضيمج كل ما اجي يمج تتبجين وتصرخين ما اريدك

اي مادام هج ليش زوجتني
عوفني
وج حبيتج ومتت عليج بس انتي ثوله وما تفهمين
رحيق لا تغلط ما اسمحلك كافي عاد تجاوزت بما في الكفايه
عمو ايوب وعمو جلال وابويه سكتونه

ابوي كلهم مترجع هسه خلوها لمن تهده وعلى راحتها
عمو جلال :حقها هسه عصبيه ومنهاره ما نريد نضغط عليها
ابو اركان : بويه فكري عدل هو يحبج ومتندم على غلطته لا تخلينه يخسرج
ام رحيق : إذ يحبه ويزوج عليه هذا سمونه حب لعد إذ محبها شيسوي

اركان: طلعت من البيت واني عيوني بكصتي وصلت إهلي لبيتنه ورحت الكوفي أدخن محتار بضيمي شسوي شون مشكله هذه وما باقي ع داومي بس يوم واحد