عشقت رحيق

البارت ٩

مروان : بوقت الخطوبه سافرت لبغداد لولد صديقي وياي بالكليه
عماد: من لبغداد بقيت يمه واني اشرب جكاير وحده وره لخ سىلني شبيك مهموم وعيونك تعبانه
حجيتلي قصتي وي رحيق لحد ما كتله ضحكت عليه
وخانتني وي ابن عمي  نست الحب والسنين والعشره الي بينه

عماد:  وانت ليش صير ضعيف رد عليها مثل ما ضحكت عليك اضحك عليها

مروان : شون

انت مو كلت خطوبتهم الليله
 
مروان اي

انت قوي علاقتك بيها بفتره الخطوبه وشبعها كلام رومانسي وحاول تنسيها خطيبها خليها تهمله كلش
مروان : ليش
عماد : وبعدين أخطب انت وفاجىها بدون متكلها
حتى ترد الصاع صاعين عليها وحاول تقهرها مثل ما قهرتك لا صير ضعيف  وطفي النار الي بكلبك

مروان : بديت افكر اي خوش حل حتى اريح كلبي ولطفي النار المشتغله بيه

عماد : اتصل عليها وكولها مشتاقلج ومن هالكلام

مروان : ما اكدر الوضع اختلف صارت على ذمه شخص ثاني

عماد :لك لا صير جبان مو هذا اركان خذاها بيوم وليله وانت باقي تاكل بأصابعك يلا كوم خابر

رحيق الكل راح بقيت بس اني وامي ورونق نزعت بدلتي ولبست تراك اسود وبي دب وردي وفتحت شعري كله سبري دا امسح بالمكياج وتصل عليه مروان

بقيت متفاجه معقوله اركان تصل عليه وبهالوقت

رحيق :الو
مروان: ها يالعروسه عالخير
رحيق : شتريد مروان

مروان افا بعدج ما زوجتي وكلبتي عليه

رحيق:  هه اني لاكلبت ولا شي بس كلامك أمس عليه كلش غيرت نظرتي اتجاهك اني تتهمني بدون شرف اني تكول عني ساقطه ليش شسويت كتلك جبروني عليه ما اريده

مروان :
ليش شسوالج حتى قبلتي بي شنو باك شرفج مثلا
رحيق: لا
مروان: لعد ليش قبلتي
هو اركان  يكلهم احبه واريدها نعجبت بيها وتحرشت بيها
مروان : يعني تحرش بيج
رحيق : اي
مروان اخخخ اني اله الكلب
كملتو العقد مو
رحيق:  اي
مروان مادام هجي اريد اشبع منج قبل لا تتزوجين اريد نكضي وقتنه سويه
رحيق : بس اني مخطوبه وخاف يلزمني اركان
مروان : لا ما يلزمج انتي كلش حذفي قبل لا يجي منا الزواج والله كريم
رحيق : تمام
مروان: اي عفيه بنيتي
مروان :   اموت عليج
رحيق: اممم جذاب
مروان :نجبي لج شنو جذاب  سكتي لا اجيج هسه
رحيق وين انت
مروان : ببغداد
رحيق  شسوي

يم صديقي
المهم بقيت احجي وياها لحد ما صارت الساعه ب ١ الصبح
رحيق:  نعست ح انام
مروان ما اشبع من صوتج ابقي وياي ع الاتصال لحد ما تنامين
رحيق:  تمام
وبقيت لحد ما نمت ويا ع الاتصال اريد انسى الصار وياي اليوم ما اريد افكر بأركان احس بنفسي ضايعه ماعرف شسوي اوووف