عشقت رحيق

البارت ٢٨

رحيق احس الندم بعيون اركان. اعرف شكد يحبني بس كرامتي ما تسمحلي ارجعله

مر هاليوم على هدوا لحد ما بالليل مرت عمتي ام اركان وبتول
حاولن يقنعن بي بس اني رافضه فكره الرجوع لأركان
يعني جان كلش مقيدني ومانعني
وبعدين هو يسكر ويتزوج عليه وفوكاها زوجته الثانيه بدون حجاب وضابطه وياه
كرهته بالزايد

اركان رجعت لدوامي
اهلي كل يوم والثاني يرحون ع رحيق بس متقبل
رحت على نور وجبت سيد وتطلكنه  بس بالاجبار
مقبلت تطلك وشكد توسلت بس اصريت عليها إلا اطلكها

وسويت كتاب نقل البصره بس مقبلوا الا بفلوس واني نص المبلغ صرفته على العرس كلت اكمل الفلوس وانتقل

ماعندي تواصل ويا رحيق فقط بتول ورونق هن الي. يجيبلي اخبارها
واعرف بيها كارهتني كلش

رحيق : اصريت عليهم إلا طلاك
وكالو بس يرجع اركان من الدوام نكعد ونفضها للسالفه
طلعن قبولات الكليه
اني نقبلت تربيه انكليزي بس ببغداد مو بالبصره وهالشي ضوجني كولش وبقيت ابجي
اني احب الإنكليزي لان خالتي من واني صغيره نروح الهم جانت ادرسني وتحفظني كلمات هي مدرسه انكليزي طبعا خوالي هم من البصره بس منفتحين مو مثل عمامي وخالتي زوجت على حب
زوجها من بغداد بس جان يدرس بالبصرة وياها تعرف عليها وتزوجها

والسبب الي طلع قبولي ببغداد من اركان قدملي يم المكتبه ببغداد عباله الولد اني من بغداد ميعرف بصره
اوف من شفت قسم ببغداد حيل تاذيت لان احنه بالبصرة وبالكوه يلا قبلو مو بعدين ببغداد
تصلنه على
شهم  ابن عمي
رحيق :ميصير انتقل البصره
شهم لا ما يصير الا سوين استضافه وهذه إذ يقبل مدير  قسمكم
اووف شون لعد
ابوي رافض اداوم بالكليه لان محد من بناتنه يداومن كليات حدهن فقط يقرن ويكتبن.  ويتركن المدرسه

بس اني وشهد كملنه لان جان مروان  واكف ويانه

شهد نجحت من السادس بس مقبلوا أهلها تقدم على الكليه

واني صح مقبلوا بس اركان بوقتها كالي عادي وقدملي

شون مشكله هذه وأبوي كلما افتح الموضوع وياه نتعارك يكول ما اخليج داومين ماعدنه بنات داوم بالكليات
امي مقبلت على كلام ابوي

ام رحيق :بناتي وبكيفي اخليهن يكملن محد سال عليهن ولا منطين من جيبكم شيء وإذ على الثقة فاني اثق بيهن أكثر من روحي

ابو رحيق : بتج مطلكه وداوم كليه منو يقبله بله ما داوم إذ ما ترجع لزوجها وهو حر بيها. بس إذ بقت على مسووليتي فما اداوم كليه مستحيل

ام رحيق : بتي ما تريد ابن اخوك النسونجي  إذ هو بعده ما صارله شهر وتتزوج عليها
بعد شكم سنه شيسوي بيها ما اريد اضلم بنتني مثل ما انت ضلمتني
لذلك راح اخذ بناتي واروح مالنه مكان هنا

ابو رحيق : مو بكيفيج تتصرفين وين تاخذينهن وانتن بس بنات

ام رحيق : راح اخذ رحيق واسجلها بالكليه وشتريد سوي سوي وهسه يلا روح يم ست الحسن تالي عمر يريد يتحكم ببناتي 
بناتي اني وتعبانه عليهن ياما وياما سهرت وياهن وركضت  وتعبت
تالي تجون انت وأهلك تتحكموم بينه

ابو رحيق: شتردين سوين سوي الضاهر ما يفيد وياج الحجي عاف امي وطلع

ام رحيق : شفت البنات محد الهن ورحيق اشافت من حياتها حتى هجي تنظلم وهي بس تبجي لذلك قررت اطلعها من الكابه والحزن و
ما اريدهن ينضلمن بعادات وتقاليد عمامهن لذلك قررت أخذهن للبغداد ونبقى فتره يم اختي
ونسجل رحيق بالكليه

ام رحيق يلا حظرن ارواحجن باجر اخذجن للبغداد نشتري ملابس للكليه ولمدرسه ونسجل رحيق

رحيق شفت امي واكفه وياي وهالشي كلش فرحني ومن قبلت اداوم بالكليه فعلا حسيت عندي سند بالحياه وما احتاج اركان

اركان: راسلت رونق علمود اخبار رحيق
وكالت قبولها طالع ببغداد وهي ضايجه لان بابا ميقبل ببغداد
كلش فرحت اني ما اريدها تدخل كليه
بس إذ كلت الهم اني اخليها اداوم بس بشرط ترجع إلي
اتصلت على عمي ابو رحيق

وبلغته
ماداوم رحيق بالكليه الا وهي على ذمتي وترجع الي وبلغها بهالشيء

ابو رحيق : بويه الابنيه متريدك وما أريد اضغط عليه خلاص هي الي بيها مكفيها عوفى خليها تعيش حياتها

اركان : عمي انت صدك تحجي شنو اداوم بالكليه وهي مطلكه احنه ما عدنه بنات تدخل للكليات بس اني قبلت لان اريدها ترجعلي 
وما داوم بالكليه الا وهي ذمتي بلغها بالشيء

ابو رحيق :تعاال لبيت والله كريم

اركان : شنو مترديني
اكتلها وما اخليها اداوم تريد تلعب بكيفها
تخيلتها اداوم كليه والناس تباوع عليه وهي حلوه حتى عقل ما بقى عندي

خابرت على رونق

وكتلها انطي الموبايل لرحيق

رونق هجي احجي
رحيق منو
رونق اركان
رحيق : اهوهو گلبي بقى يدخل سريع وجسمي رجف عرفتها سمع بموضوع الكليه

كوليله نايمه
رونق لج هاج احجي وياه.
رحيق :الو
اركان: يا هلا عاش من سمع هالصوت وين شارده مني
رحيق: ما شارده كول شرايد
اركان : سمعيني كلمه وحده وما أعيدها وإذ عاندتي وسويتها طلقه براسج وينتهي الموضوع
روحه للكليه ماكو
تحلمين شوفين الكليه إذ ما ترجعين إليه
رحيق :اولا اني مو لعبه عندك
ثانيا : اني ح اطلك منك على شنو بعد تتصدر اومر
كلامك هذا طبقى على غيري مو عليه
يلا باي اريد احظر ملابسي للكليه

اركان: لج بربوك شنو هاللساان اني الج كتلج إذ تعانديني شنو الحل ميحتاج اعيد الكلام وفصلت الموبايل
حيل نفرزتني

رحيق : ركضت على امي يمه اركان هددني يكول بس ترحين لكليه اكتلج
ام رحيق :بكيفه هذا هسه اخابر على أهله وينهون هالمهزلة
......

ام رحيق