عشقت رحيق

البارت ١٦

رحيق :مر الاسبوع الاول من العطله وأركان أحسه متغير عليه مو مثل الأول

ام اركان : رحنه اني وبتول  سلمنه على ام رحيق ورحيق 
ام اركان : عمج يكول بالعطله  الكبيره زواجكم لان طولت الخطوبه كولش وبس دور سنه مروان 
تتزوجون ناخذكم لكربلاء أو بغداد 
ما نكدر نسوي حلفه لا ن تعرفون الوضع والناس محزنه.
رحيق : الله كريم عمه
بتول  : باجر راح نطلع لزياره تعالن ويانه رونق ورحيق
رحيق : كلش فرحت كتلهم منو يروح
ام اركان احنه وبيت عمج وعماتج حمله كولنه

رحيق: ماما  خ نروح
.
ام رحيق روحي انتي واختج وي مرت عمج  اني ما اكدر اعوف البيت واروح

ماشي رحنه حظرنه ملابسنه اني ورونق لان كلش مشتاقه لقبر مروان اريد افضض يمه

اتصلت على اركان وما رد
خليته على راحته
 
اركان اني يم نور
شفت : رحيق د تتصل
عفته الموبايل ما رديت

رحيق : ما رد عليه اركان

ضجت كولش نمت وكعدنه الفجر كولنه رحنه الزياره احنه وبيت عمو ام اركان وام مروان وبتول ونور وعماتي وشهد و جراح وزوجته وشهم وعلي

وصلنه للنجف ب ٩ الصبح ازدحامات اهواي والجو بارد لان عطله نصف السنه والكل رايح

رحيق  عمه اركان ماكو من البارحه لليوم  اتصلي عليه
ام ركان : عبالي متصل عليج
رحيق لا عمه ماكو ما اتصل عليه ومارد

اركان : كعدت من النوم وشفت نور محضره الريوك كعدت دا اكل وخابرت امي
ام اركان : الو
اركان : هلا يمه شونكم
ام اركان وينك من البارحه لليوم
طلعنه واجب يمه لا تخافين ماكو شي شوكت تنزل
اركان بعد اسبوعين لان هذا الأسبوع دوامي

اركان :شخباركم وين انتم اصوات يمج

ام اركان اي يمه بالزياره عطله نصف السنه وطلعنه احنه وبيت عمك واخوانك ومريتك
اركان: رحيق وياكم
ام اركان يي يمه ويانه
اركان :منو سمح الها تروح شنو تطلع بكفيها
انطيها الموبايل احجي وياها
ام اركان : شسالفه يمه قابل لوحدها راحت اني خذتها وياي .

اركان : نطيني احجي وياها
ام اركان :تعالي اركان يريد يحجي وياج
رحيق : الو
اركان منو كلج روحي منو سمحلج ترحين ليش طلعين بدون ما تحجين
رحيق : اتصلت عليك وما ترد شسوي مثلا

اركان : هو مره وحده اتصلتي ما تعرفين دزين رساله
رحيق : ع أساس رايحه لوحدي اهلي وياي وكتلك اتصلت عليك ومارديت مشكلتك هذه مو مشكلتي

اركان: ها هجي الله كريم حسابج بعدين

اركان: 
رحيق  اني ح اروح
اركان لبسي عبايه وامشي وياه امي ممنوع طلعين لوحدج
رحيق : ماشي

وصلنه النجف زرنه الامام علي (عليه السلام)

بعدين توجهنه لمقبرة
رحنه يم قبر مروان
الكل يبجي  وحال اسوء من حال
بقيت يمه  قريت له قران
عاتبته واشكيله بگلبي من ضلم الحياه
لان هو الوحيد اليفهمني

بقينه يوم بالنجف وبعدين رحنه لكربلاء بقينه يومين
وأركان كل شويه يتصل عليه واحجي وياه
توجهنه لبغداد 
نطيته خبر بأنه احنه ببغداد
لان هو كال بس توصلون للبغداد نطوني خبر
اجي اشوفج
وفعلا وصلنه للبغداد
نطيته خبر
وخابرت خالتي فاطمه لان هي متزوجه ببغداد  بالاعظميه
اجتي سلمت علينه وكعدت وياها
أطفالها يخبلون تووم
رفل ومحمد

خالتي فاطمه: شخبارج ويه اركان
ما حبيتي
رحيق : لا خاله اني ما احبه. بس هو هلايام متغير عليه مو مثل الاول
خالتي فاطمه: طبعا بنيتي يتغير. إذ انتم صارلكم ٧ اشهر مخطوبين بوسه ما تخلينه يبوسج ولا طلعون سويه ولا تتخابرون اهواي
شون إذ الرجال ما يشرد
لج اهتمي بيه  سمعي كلام حلو
حتى يرتاح لمن يحجي وياج
تره الرجال مو بس اسم 
يريد حب اهتمام  وانتي ما شاف منج بس الزعل والتجاهل
خالتي فاطمه: يلا اتصلي عليه وكوليله تعال للكاظميه اريد اشوفك
يلا لا صيرين فاهيه ح شردين الرجال من عندج على اسلوبج هذا
رحيق : خاله إذ يحبني ما يشرد
  خالتي فاطمه: حبتج حيه
هو انتي منطيته مجال
لازمه بس الزعل

رحيق خذت نصيحه خالتي وخابرته
رحيق : الو هلا اركان
اركان : هلا حبيبتي
رحيق : شوكت تجي للكاظميه احنه باجر نطلع
اركان:  اممم يعني مشتاقتلي إذ مشتاقتلي هسه اجي
رحيق : متسويها
اركان : هه اني ما أسويها انتضريني

وفعلا بعد نص ساعه اجه اركان

اركان : من كالت رحيق ما تجي للكاظميه عرفتها مشتاقتلي بس هي تكابر ومتحجيها
استاذنت من العميد وطلعت

رحيق
اجه اركان لمحته من بعيد
نزل من السياره لابس عسكري
والمسدس مخلي بالنطاق
كلش جذبني شكله
اركان .....