انت النور لو كانت دروبي ظلام

Part 9

الشارع قدام بيت الليث

الليث من الوهقه اللي انحط فيها ابتسم وهنا امجد تنرفز وشد على يد الليث اللي تأوه بالم جالس يوجعه بمسكته

الليث برجا: فكني امجد بشرح لك انا

امجد رفع صوته وغيرته على اخته طغت عليه وقال: ليه يا الليث ليه مو انا جايك مو انا وانت خططنا ليه تروح لها مو انا قلتلك لا تقرب لها لا تحاكيها مال امك دخل فيها ايش اخذك لهااا 

الليث وهو متوجع من مسكه امجد قال بوجع: الحين انت تحب صح ما ودك تشوفها وتروي شوقك

امجد انجن من كلامه: ودي بس ماني بماخذ طريق الحرام من اتصالح مع ابوي بخطبها وبعرس عليها

الليث صرخ: وانا ايش سويت انا جيت لكم وطلبتها واهلك ايش سو هااه زوجوني لها؟ لا اجمعوني بها بالحلال ؟ لا ما لعيني شوفه الا بالحرام وبعدين تحسب اني شفت وجهها لا كانت تتغطى ويدي هي اللي كسرتها ورمتني بشحاطة اول مرة وثالثه كانت بتعتذر على كسر يدي بس اختك زيك احرقتني بس مو بقهوة بكلامها 

امجد هدأ من كلامه صح هو دق الباب من البداية بس هم اللي رفضوه واخته عارفه له بشغله ترك يده ورفع سبابته في وجه الليث وقال: اخر مرة والله يا الليث ان  عرفت انك شايفها ثاني لا احرقك انت وياها سامع

الليث: ابشر فضحتنا انت امش

امجد رجع: لا ماني بجاي بروح اتعذر من جدي وابوي روح انت

اللليث عصب ومسك يد امجد وجره معه: قلت لك تعال لا تذل نفسك ما غلطت انت قلت الصدق 

امجد بصوت عالي: بس ماني بمساعدك واللي خططنا له امسحه دام هاذي فعايلك باقي نواف احسن منك لا ناظر لها ناظر قدام الكل مو بدس والخش 

الليث فقد الامل بانه يجتمع بهيام وترك يد امجد اللي جاب الكلام وفتح به جروح في قلبه ومشى بدون لا يلتفت له وهو ضايق(ن) صدره مشى وكان على ظهره جبال مشى بتثاقل كاره عيشته مشى ووجهه محمر كاتم في صدره غبنة من اقرب اناس يأس باجتماعه في محبوبته حقد على واحد ما يستاهل غصة مخليته يبي يصرخ باعلى صوت ارحموني مستحيل يتركها لنواف مستحييل غمض عينه وسند نفسه على جدار بيته اخذ نفسه وهو يفكر فيها وفي شكلها امجد كان يراقبه هو قال كلامه في لحظة غضب ما يقصد بس كسر قلب الليث بكلامه والليث اكيد ما استسلم لاحزانه ووقف على رجوله شامخ ويمشي بسرعه باتجاه بيت مالك وامجد على اعصابه حسبه رايح لهيام بس وقف يفكر بصدمة من حركه الليث,,,, ليه دق الليث الباب؟

.........................................

بيت مالك

الكل جالس في المجلس يسامروا الليل بسواليفهم وقاطعهم صوت دق الباب

العم قصي: ياا نواف قوم شوف مين 

نواف قام وهو يتحلطم ويدعي على اللي جاي وهم يضحكوا عليه فتح الباب وقلب عيونه من شاف الليث قدامه

نواف بقرف: هاه ايش تبي

الليث انقرف من دلعه الماصخ ودفه بقوة على الارض ودخل البيت وامجد ركض داخل من استوعب انه بس واقف ويناظر واول ما دخل شاف نواف طايح قومه وهو وده يرقص من حركه الليث بنواف ودخل وهو عرف انه جاب العيد من كلماته اللي طلعت وهو معصب ومو قاصدها

الليث وهو باي لحظة بتخونه دموعه وبتنزل: يا عم باعطيك الوظيفه اللي تبي تبي اعطيه محلاتي اعطيه ليه واقف في طريقي

الجد ابتسم لان اللي يبيه يصير قدام عينه: ما عندنا بنت للزواج

الليث خانته دمعه من دموعه وتسلللت لخده: يا عم والله اسوي لك اللي تبيه بس لا توققف في طريقي ولا تقطع نصيب البنت

الجد لف بوجهه: الاقربون اولى بالمعروف والبنت لولد عمها ما نعطيها للغريب

الليث ناظر لمالك بترجي: عمي مالك انت تدري فيني تحسبني من حساب امجد ورا ما تتكلم

مالك وهو قلبه متقطع على الليث اول مرة يشوفه بهالضعف: كلمتي من كلمة ابوي

الليث مشى لمالك ونزل لرجله يمسكها بترجي: ابوس رجلك ياعم لا تحط ذنبي في رقبتك وهي بنتك وانت ادرى بمصلحتها

مالك سحب رجله من يد الليث انصدم منه ماتوقع انهم كسروه لهدرجه وقال: افكر ياولدي افكر انت قوم بس لا تسوي في نفسك كذا وينه الليث اللي ما تهزه ريح 

الجد باعتراض: هيام لعبدالرحمن وعبدالرحمن لهيام

لحظة صمت مرت :

امجد ابتسم في داخله ان مو نواف اللي بياخذها ماعاد يحتاج الليث وهنا غدره في ظهر الليث🗡️

نواف انصدم وهو اللي كان يبيها ودوم يحكي مع جده عنها كيف الحين يعطيها عبدالرحمن وهنا جرح جديد في نواف 

مالك ارتاح ان هيام بتاخذ واحد كفو بس كاسره كسر الليث ابد ما هان عليه ولاهو قادر يكسر كلمه ابوه وهنا بان عجز مالك 

الليث اللي فقد الامل باجتماعه بها وكل احلامه تنمحي قدامه حقد على عبدالرحمن وهنا الليث بدأ يحط نقطة نهاية قصة عشقه 

عبدالرحمن مثل الاطرش في الزفة مو فاهم شي  وضايع معهم وفجأة الكل ناظره نظره مختلفه هنا عبدالرحمن ابتسم بتوتر 🤣

الجد فخور بكسره ل الليث وهنا الجد الحقير ارضى ضميره 

.........................

توقعاتكم؟

اعذروني على الاخطاء

بارت قصير يعنيي تصبيره؟ 😉

عادي عادي ادري بكم تحبوني وتعزوني ولا احد بيزعل 😂💕💕

(" ويحسبون ان كسر الروح هين وهو عند الله عظيم ")

يا شعور الكسر اللي يحس بوه الليث ما اكسروا روحوه بس الا اكسرو فؤادوه وقلبوه وخافقوه وكل ما بوه انكسر يأس والله يمهل لكن لا يهمل 

اهرج كثير ما عليكم 😂😂

يلا تحية لي ولاهل حائل كلهم هالمرة وحده من ابطالنا حائلية اكييد عرفتوهااا؟؟؟😉😉💙