كيف احببتك وانا لا اعرف الحب ❤️✨

5

ونروح عند بطلتنا شوي
كانت طول الطريق وهي في هواجيسها
وفجاءه تذكرت سلطان وموقفها معه وهي كل ما تتذكره  تتفشل واول ما وصلت صورت ونزلت
وتدخل عليها صحبتها
غاده:نجد جيتي ؟
نجد:ايوه يعيوني
غاده:اخيرا يلا لا تقولين لا تعالي عندي انتظرك عبال ما توصلين
نجد: ههههههههههه ابشري بس خليني اقول ابوي خبر واجيك
غاده:تم انتظرك يلا
نجد:من عنيا كم عندي غاده
ونجد تترك الجوال وتناظر رعد.
رعد:اكيد عندس شي
نجد بضحكه :ايي
رعد:قولي يلا اسمعس
نجد:ابي انزل عند صحبتي عزمتني
رعد:مسرع لو خليتها بكره امكن الحين انتس تعبانها
نجد:لا لا ما عليك مافيني تعب بس ابتونس شوي  بس قلت لك عشان اكلم ابوي
رعد:ما عليس انا اكلمه وابنزلس عندها
نجد بفرح وتبوس راسه :يعطيك العافيه

ووصلوا ورعد نزل نجد عن صحبتها وراح دوامه
نزلت غاده وهي تستقبل نجد بحراره
غاده:هلا والله اللي لقى احبابه نسى اصحابه
نجد : ههههههه لا وين وتعطيها بوسه رضاوه
غاده:رضيت رضيت يلا ادخلي
ودخلوا ويجلسون يسولفون ونجد حكت لها عن كل شي صار
غاده: اوف اوف كل ذا صار وانا مادريت
نجد:ما في اقول لس بس انا للحين منحرجه
غاده:طيب كيف هو حلو؟
نجد:ياليل الحين اقول لس عن اللي صار وتقولين هو حلو او لا اقول اسكتي وقفلي الموضوع
غاده:يوم تصورين لي كشختك ذي وانا خاقه عليك وربي كنتي تموتين
وهو شافك بعد اكيد انه خاق
نجد:تهقين؟
غاده ههههههه:اكيد
نجد استحت:والله هو يجي منه حليو 
وجتها لحظة ادراك  :خلاص خلاص قفلي الموضوع لا اروح
غاده وتطقها مع كتفها:خلاص ياحلو ما عاد نعيدها
وجلسوا طول الليل سهر وضحك وسوالف ونامت عندها

ومررر اسبوع......

نجي بالرياض عند الجد مفلح
مفلح:هاه ما ودها تجي
مريم :والله يبه حاولت حاولت فيها بس تقول اشوف
مفلح:لا اله الا الله
صوت من بعيد:جد
لف مفلح ومريم
مفلح هلا والله ب حبيبة جدها
جود: ابشر باللي يجيب لك نجد هنا بس(تحرك يدها بحركه معنها فلوس)
مفلح ومريم :عهههههههههههههههههه
مفلح:تاخذين ممن جدس ياقليلة الخاتمه
جود وهي تلف شعرها ورا:يعني طبعنا هذا راح يكلف علي ولازم مقابل
مفلح باستسلام:تم وابشري بس قولي
جود:نطلع مخيم كلنا دام الاجواء تجنن وتعزم الكل (وقالت بدون نفس )واللي فوق فاطمه وبناتها وكلهم وغير كيذا تعرف يعني حنا فارسات اذا تقدر تجيب خيولنا وتخيله مفاجاة اذا جت
مفلح مع نفسه :والود ودي ما عزمها بس وش يقلون الناس
مفلح:بس وانا جدس خايفه تطيحون
جود:افا حنا نطيح عيب عليك ياجدو  وتاشر على نفسها حنا فارسات
حمد:مين الفارسات ياأستاذه جود
جود وهي واثقه :طبعا انا ونجد
حمد:على سيره نجد وينها ؟
مريم:والله بالقصيم
حمد:يوه للحين ما راح تجي لان سمعت رعد تبدا اجازته بعد يومين
مريم:ايوه بس شكلها ما راح تجي
حمد:الله يعين يلا يبه
جد مفلح:وش فيه
حمد:جلستك علاجيه طبيعيه اليوم
جد مفلح:يوههه يلا يلا سرينا(مشينا)
وقام الجد ولف على مريم:لا تكلمينها انا ابكلمها
مريم:ابشر يبه
جد مفلح:تبشرين بالجنه وانا ابوس
وبالسياره الجد مفلح قال لحمد بنروح مخيم ونحجز
حمد:يبه المخيمات الاسبوع ذا كله فللل وانت تبي مخيم ذاك الكبير عشان ياخذنا
جد مفلح :ما عليه وراه العجله(استعجال) نصبر اسبوع بس خليني اقولهم من الحين
ويدق على فاطمه
جد مفلح:سلام عليكم
فاطمه:هلا وعليكم السلام
جد مفلح:اسمعي ترا الاسبوع الجاي ان شاءالله على خير بنطلع مخيم كل عيالس واحفادس موجودين؟
فاطمه تاشر على ريوف:وينه ولدك
ريوف  بصوت خفيف:بالخرج
جد مفلح:الو
فاطمه:معك معك بس سلطان مو موجود والباقي هنا
جد مفلح :ناديه ابيه اليوم موجود
وفقل الخط
وراح يدق على نجد
جد مفلح :هلا هلا والله بنتي اخبارس
نجد بصوت تعبانه توها قايمه من النوم:مين معي؟
جد مفلح :افا وانا جدس نسيتني ما هقيتها منس جدس مفلح
وهي تقمز: هلا والله بجدي اخبارك والله اعذرني كنت نايمه
جد مفلح بابتسامه :معذوره ابيس بكلمه واتمنى ما تدرين
نجد:اخسي اردك تفضل
جد مفلح: والله وانا جدس عزمتكم كلكم بالمخيم والمخيم بكره وابيس تجون كلكم
نجد وهي تحك براسها وتفكر وبالاستسلام:ابشر ما طلبت شي ابجهز اغراضي وياليوم بكره وانا عندك
جد مفلح بفرح الدنيا :صادقه يابنتي
نجد:اي والله صادقه وان شاءالله اليوم اذا لقيت حجز
جد مفلح : واذا ما لقيتي يجيس  حمد
نجد: هههههههههه لا وين يتعب خالي ما عليك باجي لو على رجولي
جد مفلح :يلا يلا انتظرك فمان لله
نجد :مع السلامه
وبعد ما قفلت المكالمه شكلي استعجلت اففففف ما ودي انا طيب 😔 بس كله عشان جدي يلا ما نقدر نرده وراحت تشوف حجز قطار عشان تجي لان رعد عنده دوام وجدها قال لها اليوم او بكره