كيف احببتك وانا لا اعرف الحب ❤️✨

البارت ٦

عند نجد بالقطار واستلمت شنطتها ومعها الخاله وبنتها
وراحوا يجلسون برا وينتظرون ونجد بملل وتحس انها طولت وورطتهم
نجد:خاله ابروح اجيب قهوه واذا اخذتها اطلع مناك لخالي عبال ما يطلع
الخاله: لا والله يابنيتي تروح معك غيم وتجيبون قهوه وترجعون
غيم تهمس. لامها:ماما مابي توي شاربه
الخاله بنفس الهمس :اقول. والله اذا ما راحتي مو ازين لك
غيم طيب
نجد مع تنهيده بسيطه :ابشري
وراحوا ونجد محتاره :امم دانكن ولا ستار بكس
غيم :بلا تفكير ستار بكس
نجد لاراديا طقت يدها بيدها :جوييي وجتها لحظة ادراك ونزلت راسها استحت اعتذر
غيم طقت كتفها يا بنت عادي يلا
وراحوا وجلست غيم
نجد:غيم وش بغيتي
غيم :على اني لي كم ساعه متقهويه بس يروحي
نجد:اما انا لو باليوم ما اشربه مليون كوب ويجيني خفقان ما ارتاح
غيم:يويلي منك انتبهي يلا روحي
نجد:تمام حبي عطتها بوسه على السريع وراحت
وراحت نجد تطلب
نجد :سلام عليكم
الموظف:وعليكم السلام
نجد :لو سمحت ابي كولد برو
موظف:حار ولا بارد؟
نجد:لا بارد
موظف: الاسم
نجد: نجد
موظف كاش ولا شبكه
نجد: شبكه
موظف :تمام يعطيك العافيه تفضلي وتنتظرين شوي وانادي
نجد :يعافيك تمام
وراحت نجد عند غيم واللي مكانها شوي بعيد وتقريبا ما طولوا الا دقت الخاله لغيم :وينكم يمه
غيم:ماما ننتظر الطلب
الخاله:اعجلوا شوي جاء ولد خالتك
غيم من هو ؟
ام غيم: نايف
غيم:اما نايف ياربي يا غباررر من وين جاء ما ارسل لي غريبه منه؟
ام غيم:يويلي نسيييييت هو بيسوي مفاجاة بس يا بنتي سوي نفسك متفاجئة
غيم: يوه ههههههههه قفطته (نايف بالاختصارر ولد خالتها ولكن اخوها من الرضاعه)ياماما قلت لك راح اخلي صحبتي ترسل لنا سواقهم
ام غيم:لا والله وخزياه الحمدلله انه وصل جاء ابقفل واخلصي تعالوا واسئلي نجد اذا بيطول خالها بناخذها معنا يلا انتظركم
غيم بعد ما امها سكرت المكالمة
غيم :ابنهار تخيلي
لفت عليها نجد:وش
غيم:اللي جاي ياخذنا ولد خالتي وبنفس الوقت اخوي وذا من سنه جدي ما شفنا تخيلي يعني يصور وكيذا ولكن ما يجي عندنا وكل اجازه يقول ابجي ولا يجي من اول ما خلص متوسط راح برا يكمل والحين ثاني سنه
نجد :ماشاءالله اي مدينه؟
غيم: الثانوي بكوريا اما الجامعه لا ببريطانيه
نجد بانعجاب ولكن ما وضحت:ماشاءالله الله يوفقه
غيم:صح قبل لا انسى امي تقول اذا خالك بيتاخر بناخذك معنا
نجد :لا والله يروحي انتي ما يحتاج جاي بالطريق قريب تعرفين الرياض يعني زحمه وكيذا
غيم:تمام يروحي بس ما راح نروح الا لما تروحين
نجد بنظرات الورطه انهم ورطتهم: شوفي والله مستحيه منكم تكفين اذا جاء روحوا
غيم : اي اي ان شاءلله اذا حجت البقره على القرونه
وضحكت نجد :تسلكين لي
عيال جنبهم ولد: اويلي هذا ضحكه ولا جبر خاطري
الولد الثاني :خلك من الضحكه العيون اللي جنبها اويلي يالبيه
بصوت شبه عالي الولد الاول وغمز لثاني وفهمه:يا ولد بالله افتح الايدروب ابرسل صوره وهو يناظرها
ونجد لفت وطاحت عينه في عينها وغمز وحرك الجوال قدامها وهي تناظر الايدروب بعينه افتحي وبكل هدوء لفت على غيم ورجعت تناظر وكان كاتبه (ياحلوه بالله تعالي سناب 😉)
وهي خافت شوي من نظراته هو وخويه
مع رجفة الصوت : غيم غيم تكفين خلينا نطلع
غيم:نجد تونا انتظري طلبك
نجد شبه رفعه صوت:ماقدر ماقدر ابكنسله
غيم ما ظغطت عليها وقالت يلا مشينا
ونجد وهي قايمه وذاك صامل يناظرها ولفت يمين في طاوله وعليها قهوه كان لبنات اخذته
البنت :هيه وش تبغين حقي؟؟
نجد :حبي خوذي دبل عندي اجرائات ابحلها (وهي خايفه الرياكشنات موجوده😭)
تمسك القهوه وتشرب شوي على الخاطر وتروح للولد والخوف ماكلها وغيم مستغربه وش السالفه
نجد:على انك كلب ولا تسوا ثلث القهوه القهوه والقهوه اغلى منك
وهوب كبته عليه هوكل ثوبه صار بني
نجد مع خوف وسعاده: ما خليتها بخاطري
وكل الناس تناظر وغيم حطت يدها على فمها ونجد تمشي وتمسك غيم ويطلعون الا يتكلم الموظف كولد برو بيكمل جملته الا ناده موظف ثاني
نجد:يعني لو ما صار ذا كان ما سمعت ابروح استلم اشتهيته وانتي انتظريني
وراحت نجد وجت تمسك ولفت الا واحد بوجهها يمسك الكوب
معليش اختي هذا لي
نجد :نعممم اخوي انا اللي جيت اول واخذته انتظر لك
نايف:اختي انا جاي قبلك
نجد:نعم معليش اخوي انتظر طلبك
ويجي صوت من وراهم وهو ياخذ الكوب من يدينهم
بنت:معليش لا انت ولا انتي حقي
ونجد تلف يدها على خصرها:نعم اختي وكيف عرفتي انه لك ليكون وتناظره جايه قبلي
البنت كل اللي صار تحت نظرها ضحكت:لا يروحي بس انا طالبه حار والشكل الكوب كيذا
ونجد تناظره وجلست تضحك :اعتذر حبي والله من اللي صار مشوين نسيت وش طالبه
البنت :لا عادي يروحي وتروح وتلف الا الولدجنبها ويناظرها
نجد :نعمم اخوي ؟؟
نايف ينزل نظره عليها ولف
الموظف كولد برو بارد كلهم راحوا عنده وجو بيمدونه يدينهم الموظف سبقهم وسحبه :تكفون لا اصبروا والا يجي المشروب الثاني والموظف برفعه الصوت :كولد برو نجد ونايف بارد
نجد :هنا
نايف :تفضل
مع بعض الموظف :بالعافيه
نجد :الله يعافيك
نايف:الله يعافيك
وكل واحد اخذ حقه وناظره الثاني وكل واحد راح طريقه

(كل عام وانتم بخير 💓💓💓اعتذر كنت مخلصه البارت ولكن عدلتتت اشياء كثير وكنت اشتغل كيذا المهم وش رايكم بالبارت+لقطه نجد ونايف ههههههه)