كيف احببتك وانا لا اعرف الحب ❤️✨

بارت 8

نسرع الاحداث وصلوا البيت ونزل سلطان وودع حمد وراح لبيت جدته اللي بالطابق الثاني ونجد نزلت النقاب براحه اخيرا لفت على حمد
نجد :حمودي صح الحين الكل بالمخيم ليه جايبني هنا ؟
حمد:وشنهو وش تقولين
نجد بستغراب :مو اليوم المخيم؟
حمد استوعب وجلس يضحك بشكل هستيري لدرجه الجد مفلح سمع الصوت وطلع: ياروحي عليك اكلتيها المقلب يكذبون عليك وثاني مره المهم انه الاسبوع الجاي ومن كثر الضحك كان يمسح دموع اللي طلعت
وقفت نجد بصدمة من الكلام اللي قال وشالت بخاطرها عليهم والدموع اللي امتلت عيونها لان تكره اللي يستغلوها وسمعت صوت من وراهم يرحب ويهلي فيها
وتروح تركض له وتسلم وتحضنه وجلست تبكي من الغبنة اللي بقلبها وما تحب اللي يكذب عليها
الجد مفلح اللي حس بتانيب الضمير وحاول يلطف الجو ضحك وهو يسحبها ويدخلها والله يابنيتي هاذي الطريقه الوحيده اللي نقدر نسحبه فيك والحمدلله عدت
نجد بصوت شهقه خفيف:بس جدو انا ما احب كيذا والله زعلتني عليك
الجد مفلح :افا منس يابنيتي وش بغيتي رضاوه
نجد بصوت هادي:ما تعيدون الحركه
حمد من بعيد وهو للحين يضحك : ياحبي لس نفكر بالموضوع
ولفت يمين ويسار تدور شي تضربه فيه ولفت منديل ورمته عليه
الجد مفلح وهو يعزز لها :كفو كفو عشتي
نجد:عاشت ايامك وقامت وهي تضحك عليه :جدو بغيت شي ابروح عند خالاتي
الجد مفلح:سلامتك
وهي بتطلع وناظرها حمد وفهمت انه بيقوم وتركض ويقوم يلحقها
والجد مفلح مستانس على خبالهم:الله يهديكم

...................
عند البنات والخالات والجده كلهم بالصاله جالسين يسوالفون
وجوداللي كانت تنتظر نجد:مو كانها طولت مفروض واصله من زمان
مريم اللي قلبها ماكلها عليها بس تحاول ما توترهم :اخ منها لو بس علمتني من قبل
ضحكت حنان:ماما الحين هي وانتي دريتي يوم كانت مع رعد تنتظر الرحله وعصبتي عليها وكل شوي تدقين عليها ومتوتره كيف لو قالت لك قبلها بكم يوم عز الله ما نمتي
بنص السوالف الا يسمعون صوت ضحك وركض
جودوهي تقمز وقامت :صوتتتت نجد والله
وتدخل نجد عليهم وهي تركض وراها حمد وتروح وراه جدتها
نجد:تكفين يايمه طلبتك ما يجيني
والجدة ملحه تدافع عنها :والله ما تلمسها وانا موجوده وهي جت عندي
حمد:ياخالتي ملحه تكفين
الجدة ملحه عطته نظره على كلمة خاله( ملحة من يوم كان صغير حمد هو واخوانه ما تفرق عنهم وصار يناديها يمه بدال خالتي )
وحمد ضحك:يمه يمه كله من نجد
نجد وهي تناظره وتسوي حركات بوجهها وحمد بقهر ضرب رجله بالارض لان ما يقدر يسوي شي خلاص صارت عند جدتها
والجدة ملحه تلف عليها وتضربها بخفيف على كتفها :همس تنحاشين وراء ظهري ولا سلمتي علي. وانتي جايه من القصيم
وكلهم يضحكون وميتين ضحك عليها شكلها نجد بفهاوه واستعاب ضربت يدها بجبهتها خخ نسيت والله وناظرت حمد كله منه وسلمت وباست راسها ويدينها وقامت وناظرت حالاتها وبنات خالاتها وجودكانت واقفها عشان تحضنها.
وناظرهم بنظره عتاب ليييه هاذي ثاني مره تسوونها فيني وناظرت جودما توقعت ولا واحد من الميه انك تمقلبيني وانتي اكثر وحده تعرفين ماداني الكذب لييييييششششش باجود وجلست وهي شايله بخاطره عليهم كلهم
الجدة ملحه:وانا جدتس لا تزعلين ولا تشيلين بخاطرك والله ويعلم الله سوينها بنيه مو ناضيقك بنيه نريح قلب امك اللي من اول ما مشيتي وريحتي القصيم وهي شايله همس ولا جدس اللي كل شوي يقولو حاولوا فيها وراه ما تجي وضحكت شوي وقالت ولا انا اللي ابي كل احفادي عندي ولا ابي ولا واحد بعيد عني وانا جدتس ملحه وراه تقضين الاجازه كلها هناك هو انتم يالله بالعله جيتي بعد سنوات بعد تبين تحرمينا منك وضربت على الخفيف يالعوبا
ونجد كانت متاثره ومسحت دموعها وضحكت بخفه وسلمت عليهم وبعدين راحت وحضنت امها ورفعت راسها اسفه ورجعت تحضنها وانسدحت على حضنها الكل بسوالف ويضحك وحمد يقولوهم سالفة سلطان والموقف ونجد كانت تسوالف عن ام غيم وغيم وعيونها تطلع قلوب
مريم :ماشاءالله عليها لازم نتعرف عليها
نجد بحماس :ابشري من. عيوني نجد اللي كانت بعد ما سوالفت واخذت وتعطي مع غيم حجزتها لاخوها رعد🤭
(لان غيم قالت لها عمرها وهي اكبر من عزوز يعيني لرعد😉)

عند الدور الثاني تحديدا بشقه الجده فاطمه وهم بالصاله يتقهون
طارق:ايوه عاد وش سويت غريبه ما جتك ضربة شمس
سلطان وهو ينزل الفنجال : يولد اقولك انصرع وكان قريب من ظل ورحت لظل وجلست ودقيت على اخر امل. وهو حمد وقال انه قريب من المطار ويجيني من جهه المطارات انا الصراحه استغربت انه رايح للمطار
طارق: امكن مناك في طريق اقرب
يحي:اي صح ناس كثير يروحون يختصرون
ريوف : ايوه وجاك علطول
سلطان :ساعه ونص تقريبا
طارق:يويلي وراه تاخر وهذا وهو الظهر كيف لو العصر مع طلوع الموظفين
سلطان وهو يتذكر صوت نجد :لان كان جاي ياخذ نجد بنت خالتي مريم من القطار جايه من القصيم
جدة فاطمه بصدمة : غريبه جاين بالقطار مو بالسياره
سلطان :قصدك جايه هي
فاطمه :وشنهو مو رعد معها؟
سلطان يهز راسه بانفي:لا لحالها هي
الكل انصدم
سلطان : المهم اني اصلن ما دريت الا يوم جيت ارجع اغراضي وراه اشوف احد موجود وحمد ياخذ الاغراض مني وسئلت وراه تاخر قال انه ياخذ نجد. وبس
رانيا :كيف كيذا وافقوا لحالها تجي !!
ريناد :والله وغريبه وكيف كيذا يثقون تروح لحالها
ورسيل وهي تضربهم:وجع وشعليكم منها وانتم بدال ما تسوالفون عنها حاولوا تسون شوي من اللي هي تسويه ماشاءالله
ريناد ورانيا وهم يعطونها ناظرت
وطارق ميت ضحك على اشكالهم
والكل بالاستغراب كيف كيذا عادي عندهم
ورجعوا يكملون يتقهون وسلطان يفكر فعلا كيف كيذا هي عادي تجي لحالها
.......................
نسرع الايام باحداث عاديه ونجي ليوم المخيم المنتظر الصباح الساعه ٨ عند الجد مفلح ونجد والجدة ملحة
الجد :للحين ما قاموا يويلهم مني
الجدة : والله حاولت محد صاحي غير نجد
نجد :والله حماس يايمه هو اللي قومني بدري ودي العب بالدباب وافلها ضحك الجد ولف على الجدة وهمس لها وقال :ما تردي انه في شي احسن من الدباب بنتظرها وتضحك ملحه
الجدة:ما عليك بنروح حنا بدري وباخذ بناتي الكبار ونجد والباقين متى ما قاموا يلحقونا
الجد بالنفي:لا والله ما تروحين. ادق على فاطمه واقول باقل من ساعتين. تروح هي وكل وراعين واحفادها هناك
الجدة:وخزياه يامفلح عوافي خلها حنا نروح دامنا قايمين وهي تناظر نجد بمعنى تكلمي
نجد:ايوه جدي تكفي بليز يلا بنروح حنا بدري
الجد هز راسه بقوه بمعنى لااا:مافي بتروح هي وانتم لو تروحون روحوا ولكن اليوم العزيمه هي اللي بتمسكها واذا بتروحون تساعدون حياكم
لان كم سنه ولف على ملحه وانتي تمسكينه وهي ما تبي الحين دورها
نجد بفرح انها بتروح بدري :تممم وقامت تغني وتقوموهم
الجدة ملحه :الله يهديك لا تقول عنها كيذا قدام حفيداتي عنها لو هي فعلا كيذا
الجد مفلح : والله كلهم يعرفونها ولكن ماعلينا المهم ولمي حالس (تجهزي)واللي بيروح معنا حياه الله
الجده :ابشر وطلعت
ورفع الجوال واتصل على فاطمه وكلمها

(اهلا اهلا اعتذر على التاخير كنت اليومين ذي تعبانه +الاختبارات بدت الاسبوعين ذي مظغوطه مرههه ابحاول انزل اقل شي بارتين حق المخيم💓💓)