كيف احببتك وانا لا اعرف الحب ❤️✨

البارت ٧

نروح عند حمد اللي تورط بالمواقف وكل ما هانت يدخل يجيه خط يطيره من جديد  وبعد معانه وصل لهم  وواقف ودق على نجد
نجد:الوو
حمد :نجودي انا عند البوابه رقم اثنين
نجد:تمام يعيوني بس ثواني واطلع لك
قامت نجد خاله وصل خالي  وسلمت عليها وسلمت على غيم وناظرتها وهي مستحيه  غيومي ممكن سنابك غيم ضحكت على شكلها والبيبي فيس حقها ابشري من عيوني كم عندي نجد ولو ما طلبتي انا اطلب بالله احد يشوف  القمر ويضيعه مع غمزه على السريع ونجد تاخذ اليوزر وتودعهم وتروح
وراحوا هم وركبوا ونجد ضيعت البوابه وقعدت سنه تدورها واخيرا بالعناء لقاتها بعد كم دمعه نزلت ( ام دميع بالاختصار )
ولقت خالها اللي يرحب فيها يهلي وبيده باقه ورد ويحضنها ويسلم عليها وتصور ويروح يفتح الباب لها وتركب
ام غيم اللي كانت سيارتهم وراء سياره خالها بالصدفه ولا راحوا ينتظرونها تصور  انها ركبت  كل شي صار قدام عيونهم :الحين يابنيتي متاكده ذا خالها مو زوجها ؟
غيم: ماما شدعوه البنت توها عمره١٩
ام غيم :عادي وانا امتس حنا كيذا  من اول
غيم :مامي يوه الحين حنا غير عنكم
وكان ساكت نايف واللي كان بين نفسه يقول. هاذي اللي مشوين ؟ ولف على امه من الرضاعه
نايف :يمه
ام غيم :سم وانا امك
نايف:سؤال يعني. انتم تعرفونها؟
ام غيم :مين
نايف :البنت اللي تتكلمون عنها
ام غيم :يوههه نسينا نقول لك وقالت له
غيم : والله تجنن وتخطف العقل ماشاءالله وخفيفة دم
نايف :يوه ماداني اللي خفيفة دم
غيم بضربه خفيفه على الكتف نايف :الله يعين زوجتك هذا اللي اقوله
نايف : قولي ياحظها فيني
وغيم وامها يضحكون وترجع غيم على جوالها. وهي تفتح السنابات وتوري امها ماما شوفي  وكان صوت نجد مو اللي دللللع ويرفع الظغط لا كان صوتها هادييي وهي تسولف وتضحك وكانت تصور وارسلت لغيم وغيم ردت علطول بضحكه:هههههههه حنا وراكم يعيوني وشفنا كل شي وامي شكت بنفسها انك متزوجه هههههه
ونجد :يمهه لا تكفين ههههههه ابنهار
غيم:والله عاد وربي كان شكلكم كيوت  وربي ليت نايف سوا كيذا كان فله
نجد : ما يستحي اخوكم الله يهديه مفروض حتى انتم تجيبون له بختصار تبادل منفعه
غيم :ما فيه الا لما يسوي لنا
نجد:هههههههه
حمد:نجدي
نجد:عيوني
حمد:اسمعي وش رايك تنقزين وراء
نجد:هو وراه؟
حمد :سلطان مبنشر وقال تمرني وقلت تم
نجد بينها وبين نفسها لا مو وقته 
نجد:ابشر ما طلبت شي
حمد ويمسك خدودها:تبشرين بالجنه  يعيوني
ونقزت وراء هي وعفشها
وقربوا ويدق حمد :وينك سلطان
سلطان :شفني عند الظل شفتك انا جاي لك انا وعفشي
وركب سلطان :سلام عليكم  ورد عليه حمد
وحس سلطان في احد وراء وكان بيرجع اغراض وراء الا اخذ منه حمد ورجعه
سلطان :حمد وراك تاخرت ونسيت اقولك وش كنت تسوي هنا ولطعتني الله يهديك
حمد :جيت اخذ نجد  من القطار والا انت تدق وبعدين بنت اختي اهم منك ويضحك
ونجد مع ابتسامه خفيفه
وسلطان اللي نغز قلبه يوم قال نجد  وقال بصوت العادي:الحمدلله على السلامه
ونجد بصوتها الهادي والناعم وهو يلامس قلب سلطان :الله يسلمك وسلطان كان في اسعد ايامه وكان مغرم بصوت وقاطع عليه ولف حمد وطق كتفه :الحمدلله على السلامه حتى انت وذي مني ومن نجد  وعطاه النظره
نجد مع نفسها فهمته وجلست تضحك بينها وبين نفسها

(اسفه حبيايبي والله هذا اللي قدرت عليه وعصرت مخي لين قلت بس بس انتظروا لي في يوم المخيم مجهزه لكم  لقطات تجنن وحماس وكل شي 💓💓)