بين الحب والظلام

الـظـلام |6

-بـيـن الحُب والـظلام

بارت|6

-بـقـلـم: غـديـࢪ الـ قُتيبه.

ـــــــــــــــــــــــــــــــــــــــــــــــــــــــــــــــ

سياف: شتخطب بوية

هادي: والله ناوي اخطبها الك

سياف: ههههههههه ان شاء الله بوية عود احجيلك ويا

هادي: ماخذها بصلة شقة ادري بيك بس انشوف

سياف: بوية حل عن دماغي بعد بعد ما اتزوج هسة

هادي: ايي احجيلك ويا

سياف: الله كريم

:-بعد الحديث العقيم وية ابوي صعدت الغرفتي اريد ارتاح انطرحت شوي

واتذكرت انو اليوم ما خاتم جزء من القرأن الكريم

كمت اتوضيت ورجعت فتحت الضوة ولبست مناضر

وكعدت اختم اخذني الواهس بالتلاوة فا ختمت اربع اجزاء

صدقت وكمت ذبيت تيشيرت وكل عادة فتحت الشباب وجان ارفع راسي واشوف نفس المنظر

نفس البنية كاعدة على الشباك بس اليوم بيدها كتاب مو كامرة حاطة راسها على الحايط ومندمجة بالكتاب

بكلبي احجي اكول معقول هل البنية بشر حالها حالنة شو جمالها غريب جانت ما لابسة شال

شعرها طوويل الحد مو عادي وجان لونة بني غامق ضاربة علي الاضاءة وجانت عيونها صدك نرجسية بشكل غريب

لون العسل ومصبوب بعيونها ارموشها طوال وعيونها ناعسة ابتسمت وطمست غمازتها بخدها

طلعت من عالم خيالي وصحت عليها

سياف: يبنية.... يبنية.... يااا رييف

:- اسم صوت يصيح بس ما حسبالي علي الحد ما سمعت اسمي صرت التلفت وسكنت عيوني علي وهوة خازرني مادري عليش.....

ريف:... اهااا هاا عموو

سياف: انتي ليش اتكعدين هنا متكولين عيب ترة الناس بس ترفع راسها اتشوفج

ريف: ااا اسفة بس دومي انا اكعد هنا

سياف: اولا البسي شال ولا تخلين شعرج هيج مفتوح بعد

:-انتبهت انو انا ما لابسة شال شهكت وركضت ادور على شال ما لكيت اجت يم عيني غترتي كبل حطيتها على راسي ورجعت وكفت يم الشباك حجيت بارتباك

ريف: اسفة اسفة والله عمو ما انتبهت بعد ما اعيدها

:- ما اتحملت ابتسمت على منضر الغترة شلون حطتها على راسها