بين الحب والظلام

الـظلام|27

-بين الحب والظلام

الـظـلام|27

-خـيـال.

ـــــــــــــــــــــــــــــــــــــــــــــــــــــــــــــــــ

‏عندما لا تستطيع إخراج أحد من قلبك فمن المؤكد أنه في مكانه الصحيح .

- محمود درويش.

ـــــــــــــــــــــــــــــــــــــــــــــــــــــــــــــــــ

سياف: عوفها وشتريد يجرالگ

وائل: موتها على ايدي...

سياف: وائل وائل اتريد الحرية كلشي ينسحب لعيونك

وائل: ماكو شي ينسحب انه مطلوب للدولة تاجر مخدرات وانكشفت وكلة من وراكم انتو اكتلك واكتلها اخلص...

ريف: عموو اصحة.... سياف

-رييف....

-يمك ابوي يمك اسم الله حلم حلم كابوس اتعوذ من الشيطان

:-اول مرة اشوف سياف هيج حالة جان يرعش ويلهث اتكول جان يركض اسنين وما منطينة مجال يوكف يجر نفس حاط ايدة على كلبة.....
احجي ويا ما يجاوب بس يلهث ركضت جبت الة كلاص مي شرب منة شوي وغسلت وجهة بمي بارد واسمي علي...

ريف: انتَ بخير؟؟

سياف: ايي ايي

ريف: شنو من حلم شفت وهيج ترجف؟؟

سياف: كابوس وراح ما عليج منة العفو فززتج من نومج....

ريف: متأكد؟؟

سياف: ايي تعالي نامي...

:-ما جان كابوس عادي خلة كلبي بكزازة ورجلي على هاوية هيج من الخوف ارجف بهل هاوية....
اخاف اطيح ويطيح وياي كلبي...

-ريف...؟؟

-اهممم؟؟

-شتسوين؟ 

-اقرة عليك المعوذات ودعاء حتى تكدر ترجع اتنام....

-عادي اطلب طلب؟؟؟

-تأمر عمو

-تكدرين تحضنيني الصدرج ولا تكليلي عمو حبابة...

-تعال سياف...

:-اجة علية وحط راسة على صدري حاوط بيدة خصري ضليت امسح على شعرة بس ما نام ضل صاحي وهدوئة جان مخوفني اخرها ذب حسرة وشد على حضني وغفة....

ــــــــــــــــــــــــــــــــــــــــــــــــــــــــــــــــ

غزال: حسين هاي ملابسك كاملة وسويت الك اكل كامل تاخذة وياك وكلة حاضر محتاج شي ضلعي؟؟