بين الحب والظلام

الـظـلام |10

-بيِن الحـُب والظـلام

الظـلام|10

-بـقـلـم: غـديـࢪ الـ قُتيبه.

ـــــــــــــــــــــــــــــــــــــــــــــــــــــــــــــــ

لا تَترك يَدي أبداً " ضَل وَياي وُ إنچب " .

ـــــــــــــــــــــــــــــــــــــــــــــــــــــــــــــــ

كوثر: هبة شسوين هنا؟؟؟

هبة: اهااا جنت انضف وكلت انضف غرفتج وياي....

كوثر: بس انتي اتعرفين انو غرفتي بيها خصوصيات وما يصير هيج اطبين واتلعبين بغراضي

هبة: اوووي فوك ما اسوي زين

كوثر: زين انتي اتكولين انو كاعد اتنضفين شو لا بيدك المگناسة ولا شي يوحي للتنضيف

هبة: هااا خليتهم على الباب يمكن ما شفتيهم طبيت اعزل ما جان بنيتي شي شبيج كوثر

كوثر: ماشي مشكورة لا تسوين شي اني انضف من رخصتج اريد ارتاح

:-طلعت وتباوع صفح ومرتبگة سديت الباب وكعدت ادور بغرفتي شماخذة ما ماخذة او حاطة شي

الحمدلله الغرفة سليمة طبيت اغسل ولبست ملابسي ولفيت شالي واسمع سياف يصيح

سياف: خوية كوثر

كوثر: هلا خوية هلا بيك

سياف: تعالي خوية يلة انحط الفطور ما بقى غير ثلث ارباع الساعة

كوثر: يالله خوية جايتك

سياف: بشش وينها؟؟

كوثر: ما اعرف والله

سياف: احسن تعالي يلة

:-حطيت الاكل بالمطبخ وبديت افتح بيهم حطيت اللبن بالخلاط وطرگتة وسوينة زلاطة وحطيت الدجاج واللفات رتبتهم اجة ابوي

هادي: هاا يساعدهم الله يالعريس

سياف: هلا ابو سياف يساعد بختك گواك الله

هادي: يگوي حيلك يابني شتسوي

سياف: اساعد اختي بوية بيها شي؟

هادي: لا والله بالعكس هنيال مريتگ عليك

سياف: ههههههههه غسل واتوضة يابة ما بقى هواي ويصيح الله أكُبر

:-حطينة العصاير والماي واللبن والتمر والزلاطة والحلاوة وحطينة الاكل وكلها التمت بعد الأذان على الاكل وكعدنة ناكل

سياف: حسنين ارفع راسك

حسنين: وخر مني شدعي عليك خليني مدنك خلي البنات يأكلن براحتهم بعدين خلص علمود انروح نشتري بدلة الخطوبة