انا الفصليه البارده

part.., 3

صوتو لتكمله

ــــــــــــــــــــــــــــــــــــــــــــــــــــــــ
ابراهيم... شنو هاي المهزله
هيلين.. عفوا مفهمت
ابراهيم.. شنو هاي الكح**ابيه
هيلين... شتقصد مدا افهم
ابراهيم... اشلون تطلبين من اخوي واني رجلج بل حياه وموجود
هيلين... حرام واني مدري
ابراهيم.. نعال وانتي متدرين وحده كلبه نفسج شنو تتقعون منها
هيلين... اذا انتهيت من الكلام مع السلامه راسي ياذين ومالي خلك
ابراهيم.... انعل والديج زين لو لا
هيلين.. والديه شلهن غرض لتسبهم مالهم ذنب
ابراهيم.. كواو**يد اشلون ماسبهم
هيلين.. انت شنو لعد ااذ تسبهم فانته نفسهم
ما حسيت الى على اذني تون من الراشدي لزمني عصرني حيل من ايدي وايدي صارت اتاذيني عيوني غوركت من الوجع كتله عوفني يله شتريد
ابراهيم... احترمي نفسج بكد القندره بعدج وهيج لسانج طويل يا كح***به
هيلين... ديله اطلع بره
ابراهيم.. لسانج بنت الزفر
هيلين.. انت الزفر
ضربني راشدي ثاني وحتى من قوته خشمي ذب دم
عافني وطلع رحت للحمام بسرعه غسلت وجهي وجهي وخدي ياذيني حيل واني ابجي من الوجع اجتي اخته فرح
فرح.. اكلج هليو عندج... سكتت وكالت هاي شنو ولج شو تبجين
هيلين.. ما بيه شي عوفني اريد انام
فرح.. بس كويلي من وياج
هيلين.. يعني منو غير اخوج
فرح. ابراهيم عزاا شمسوي بيج
خدج صاير ازرك
هيلين.. بداعت امج عوفيني اريد انام تعبانه
فرح.. براحتج اني هم اروح انام
هيلين.. الله وياج روحي
......
نمت وفزيت الفجر على صوت بلغرفه كعدت شفته يبدل
ابراهيم.. شكعدج؟
هيلين.. شجابك.؟
ابراهيم.. غرفتي وبيتي وادور بكيفي محد الى دخل
هيلين... سكتت لان مالي خلك المشاكل بدايه الصبح
باوعلي وحجه
ابراهيم.. من تحتاجين شي كويلي اني مو تكولين لخواني عيب
هيلين.. وهسه كدرت تحجي بهدوء
ابراهيم... اريد كلامج وياي بادب
هيلين.. من تبطل تسب اهلي راح تشوف الادب منيي ولا غير هاي اصيرلك مو خوش وغير هلحجي ما عندي
ابراهيم.. لو لو مرتي تخلف جان بنتي تزوجت وبنتها بكدج
هيلين.. ليش مرتك عقيم
ابراهيم.. لا مو عقيم بس ربي ما كاتب الها
هيلين.. خوش ارجع انام وان شاءلله تنرزق بطفل حلو
ابتسم وراح
كعدت.. على صوت عياط
نضال.... يبوو بنت الكح**اب نايمه للضهاري كومي وتضرب بلباب قوي
كمت غسلت ولبست شال وفتحت الباب و نزلت للطبخ كعدت اكل ويه عمه سناء ونبا
نضال... اي عيني نامي للضهاري كومي يله نضفي غرفتي فضيني
هيلين... على كيفيج خاله لو يصعد الضغط
عمه سناء.. خدامت الخلفج تنضفلج امشي يله مكسره لو مكرمه متكدرين تنفضيين روحي انتي نضفي غرفتج
نبا... والله يالله شون حاطه كوعها ويه هيلين خطيه
نضال... عمه العماج داحجي وياج خيرين
هيلين.. خاله شنو انتي ماشوفين اكل والله حرام انطيج ربع وتروحين وصرنا نضحك
نضال.. خلخله عضامج كون شنو تضحكون علي
نبا.. لا عيني شجابج بلطاري
نضال.. انجي انتي بنت العار
يوسف... هاي علمين نضال
نضال... على مرتك العاره
يوسف... عليمننن تسبينن مرتي وعمي كدامممممييي خرب بيومج خلي يجي رجلج واني اعلمج
نضال.. اوي شتضوجون صعدت فوك
نزلو علي ابن سعد
علي.. شنو هاي الهوسه عمي
يوسف.. بعد عمك ماكو شي امشي تريك والحكني رايح للشغل
علي.. صار عمي
بعدين كمت نظفت البيت ورتبته وردت اغسل الملابس بس عمتي مقبلت صاحت نضال
سناء... نضالل نضالل بنت مجيد
نضال.. ها عمه خيرج
سناء.. مرض يبطج كون امي اغسلي الملابس
نضال... تعبانه عمه خلي الفصيله
سناءء.. شنو فصيله اسمها هيلين
نضال.. فصيله كح..... به
سناءء. اكص لسانجج امشي نزلي يله
نضال. صار عمه نزلت
هيلين... جتت واكفه بلمطبخ اغسل ماعين
محسيت الى واحد جرني من شعري شفتها نضال صارت تجر بشعري وتحجي
نضال.. امشي لج امشي اغسلي لو تريدين اني اغسل وانتي كاعد امشيي
هيلين... اني ضليت اجر بروحي بس هيه ضخمه كلش وسمينه ودمها مكروه كلششش واني ضعيفه وناعمه وكصيره وهيه العكس واني اكول الها والله اغسلهن بس عوفيني وماكو بلاخير نزل سعد على العياط وخرها عني وكاللها
سعد.. اتادبي نضال سوالف الضارير خليها علة صفحه بعدهي صغيره وانتي تعرفين ابو نسر(؛ ابراهيم ينادونيه ابو نسر لان بس يجي وليد راح يسميه نسر) شيسوي اذا سمع وشكلج نسيتي البارحه شحجه ويانا صح لو غلط
نضال.. يا عيني خطيه فديتك يلحنين مالك دخل ابو علي روح سوالف نسوان لتدخل
سعد... سوالف النسوان الزلم تحلها لان المره نفسج مستتاهل احترام يصير خير نضال وانتي هيلين روحي لغرفت امي ولتطلعين ومن يجي ابو نسر على الغده نتفاهم واني اعرف شحجي
نضال.. شبيكن كلكم التميتو علي ترى اني الجنه الجبيره مو هيه
كالت عمتي
سناء.. عيني هيه مو مسمومه نفسج
سعد.. يله بويه روحي ويه امي
هيلين... دخلت ويه عمه سناء للغرفه وكالتلي تعاي نصلي وصليت واياها وشغلت التلفزيون وكعدت يمها من سمعت صوت ابراهيم طلعت عمتي وطلعت وياها صعد فوك سبح ونزل اجه علي كالي
علي... عمي ابراهيم يكول رراح نصلي ونجي نريد الغده جاهز
خديجه.... صار يمه جيبلنا وياك لبن
علي.. صار يمه
راحو صلو وجمي وصبينا غده وكعدنا ناكل
ابراهيم... الله بلخير
الكل رد.. الله بلخير.
ابراهيم... شبيج يمه وجهج اصفرّ
سناء... يمه فدوه اروحلك مرتك تخلي الواحد يعيش براحه
ابراهيم... شبيهها يمه وباعي علي
اني اشرتله على نضال بعيوني وفهم
جان حول انضاره لنضال
عمتي... عيني تاذي هيلين كلش والبنيه مصارلها سبوع من جتي ماكو هيج ضلم
يوسف... قليله ادب تغلط على عمي وتكول علي عار
سعد... مرتك ما منها جاره عوجه عوجه فد مره
عمتي... يمه منريدك تسوليها شي بس كولها تنصي صوتها وتعوف البنيه بحالها لان اليوم لو ما االله ثم ابو علي جان جان راح شعرها
ابراهيم... ولج نضال شسوي بيج بس كويلي اكسر سنونج اكول خطيه اضربج اكول ميصير جبيره وعيب اطلكج زحمه سوي بيج بعد كملي وحسابج يمي ايدي والضرب مو بشر انتي وتحترمين نفسج
نضال.. والله يا عيني ما سويت همه مخليها وياي لازم حتى ما اتتفس
ابراهيم.. وليش انتي مو دنون الجناين ولا مره سمعت صوت مرت سعد ولا مرت يوسف نسوان ونعم النسوان بس انتي لا والله تخزين الواحد حسافه اجي يوم ما الكه مسويتلج سالفه
هيلين.. سكتو بعد محد حجه وخلصنا اكل وصبينا جاي ورحت لغرفت عمتي كعدت على التلفزيون جان
ابراهيم.... هيلين
هيلين.. هاا
ابراهيم.. وجعا تعاي
هيلين... رحت ركض شكله معصب
دخلت جان واكف واكو علبه على السرير
ابراهيم... هذا تلفون الج ورقمي بيه ولتنزلين برامج ابدد
هيلين... الييي انيي
ابراهيم... لا عروك اذاني طبعا الج وجع
هيلين.. زين انزل بيه لعبات عادي
ابراهيم.. اي عادي بس لعبات غيرها لا لا انستا و لا فيس ولا تلي ولا سناب ولا ماسنجر ولا تويتر ولا اي شي بس يوتيوب والعاب واتساب بيه رقمي اني بسس فهمتي
هيلين... تمام فهمت
ابراهيم.. شحنته اخذيه
هيلين... شكرا
ردت انزل كال
ابراهيم.. وين
هيلين.. يم عمه سناء
ابراهيم.. لا امي هيج وكت تنام تعاي انتي هم نامي
هيلين.. مو نعسانه
ابراهيم... اي لتنزلين جوه ابقي بلغرفه هنا اكعدي بلتلفون العبي راح انام اني هنا
هيلين... تمام كعدت بلكاع العب بلتفلون وهوه حجه
.. متجين تنامين على الجربايه
.. ماريد مرتاحه هنا
محجه شي نام حسيت بثكل انفاسه شويه ودخلت دفرت الباب ودخلت نضال فز ابراهيم
ابراهيم... وجع بكلبج يا كح**به
... ابو نسر اريد احجي وياك
... احجي فضيني
... خلي هاي الفصيله تطلع
واشرات عليه
طلعت وبقت تحجي بصوت ناصي وبس اسمع رزايله الها وتبوس بايده وتيريد رضاه
طلعت وهوه طلع وراها دخل لغرفتها وهو وراها باوعلتي جان تسولي حركه بايدها عساس مسطيره وهيه قبل شوي تبوس بايده وتعتذر
دخلت للغرفه دحست نفسي بلمكان الي جان نايم بيه وجان دافي دالعب بلتلفون وفرحانه ونمت بدون ما احس حسيت على شي يمشي على خمشي كعدت ليكت فرح
فرح... حبيبي صباح الخير
هيلين.. اشون اني ويه فيروز
فرح.. كومي لج خلي نشوف نسوي اكله
هيلين.. اني اسوي اكله
فرح.. صدك تعرفين
... طباخه ولج طباخه
... يله شوفينا شطارتج بس شنو اسمها حتى ميطلع سم
.. خليت النحل اسمها تخبل نحشيها جب
... الله هاي احبها يله نسويها
هيلين... كعدنا نسوي بلاكله ودخلت نضال
نضال.. اوف حبيبي مريتاح الى يضل يبوس ويسوي مفضلاته
فرح... نضال عيب هلحجي متستحين امورر زوجيه ليش تحجينه
نضال.. ليش يمه عيب زوجي وبلحلال
اذا هوه يحب هلشي
فرح.. استغفر الله

عفناها وضلت تحجي وسوالف مو حلوه ومن كملنا الاكله خليت باماعين وخليت ويه جاي ودزينا للزلم جان ابراهيم يمه اصدقائه وشيوخ فكلش حبوها وهوه بطبيعته ميحب المعجنات بس هلمره اكلهم
علي رجع الجاي
علي... والله هاي منين شو طيبه اول مره اشوفها
سناء.. ها مرت عمك الصغيره سوتها
علي... اي والله عاش
نضال.. هسه شنو هيه اكله هسه نكدر نسوي عشره مثلها
سناء.. عشر سنوات ما شفت ستكان جاي هشه تريدين تسوين وربي بطرانه

دخل براهيم للمطبخ
ابراهيم... منو مسوي هاي الاكله
هيلين... اني وفرح
..... عاشت الايادي طيبه تخبل
... ردت فرح بلعافيه خويه بسس الفكره مال هيلو
.. عاشت ايدج يابه هيلو
ابتسم وكتله وايدك بلعافيه
بعد صرت احاول اتعود وياهم طبعا عمه سناء تحبي وحسيتها امي وفرح مثل اختي ويقين تروح وتجي لان هيه تحب تبقى يم عمتها وفاء وخديجه هادئه ونبا السانها عسل وبراهيم مرات عصبي ومرات هادئ وسعد زين ويوسف زين بس نضال نجيب وتخبث تجيب وتخبث لحد ما يوم من الايام جنل ناكل العصر جان تتخربط اخذوها للمستشفى ورجعت والضحكه شاكه حلكها
بسرعه عمتي هلهل
نبا.. خير يمه شصاير
خدديجه.. اسم الله شكوو
فرح. بشري يمه منو تزوج
هيلين.. اني بس اباع

باوعت نضال الي وكالت

نضال.. اني......