صراع الغشاء

الجزء الثاني

مى: تكلم احمد الو ازيك يا أحمد عامل ايه

 احمد: تمام وحشتيني

مي: اممممم

 احمد: يمكن تكون مكسوفة ولسه ما اخدتيش عليا و اتكررت المكالمات يوميا ومرة من المرات

مي: الووووو ازيك يا أحمد عامل ايه

 احمد: تمام الحمد لله وحشتيني اوي يا حبي

مي: امممممم

 احمد: انتي لسه بتتكسفي مني يا حبي

مي: تغير الموضوع و تتكلم و تقول ل احمد حاجة ان في حد قبل كده سرق تليفونها و اخد صورها و ركبها على صور خليعة

 احمد: عرفت بس ما اديت للموضوع اهمية دي حاجة كانت في الماضي انا اللي يهمني اللي بشوفه منها مش اللي بسمعه عنها قولت في نفسي اظاهر حد من اللي كان شغال معاها في مكتب المحاسبة هي كانت قايلة ليا عن استاذ مصطفى ده الشهير بدرش

مي: انا بس حبيت اعرفك انا مش بحب الكدب بحب الصراحة يا أحمد

أحمد: انا عارف الله يخليكي ليا و يسعدنا ان شاء الله

هدير: يلا يا ابني ابتدي جهز في الشقة و هات العفش عشان كلها ٦ شهور و حتتجوز

 احمد: حاضر يا أمي

هدير: انا عايزة اقولك على حاجة انا شايفه الاتفاق بتاعهم في ظلم ليك بصراحة انا بقول حق ربنا

 احمد: انا عارف يا أمي بس هما ناس على قدهم شوية مش مشكلة حستلف و اكيد حاجي على نفسي و هما اكيد حيقدروا ده اهم حاجة الاحترام وده اللي كنت بدور عليه لقيته في مي خطيبتي

هدير: براحتك بس انا قولتلك القرار قرارك فالنهاية انت اللي حتعيش معاها مش انا

 احمد: تمام الله يسهل و يقدرني افرش الشقة دي

 كرم أخ احمد : بصراحة يا احمد الاتفاق ده مش عدل و الكلمة ليك انت في الاخر دي حياتك انت لو اتنازلت مرة حتفضل تتنازل طول حياتك اللهم بلغت فأشهد

احمد: عارف بس البنت كويسة و اهلها ناس محترمة و عايزين يستروا بنتهم وانا عايز اعف نفسي بحلال ربنا

و عديت الايام و طلبت من خطيبتي ننزل سوا

 أحمد: الووو ازيك يا ميمو و حشتيني بقولك ايه عايز ننزل سوا مع بعض

مي: معلش عمك عادل مش حيوافق

 احمد: طيب جربي قولي لوالدك و ان شاء الله حيوافق

مي: ححاول

 و اتصلت ب عم عادل حمايا و طلبت منه اخرج معاها ان شاء الله لو مرة

عم عادل : ازيك يا حمد عامل ايه خير يا حمد انا سمعت اللي انت عايز تخرج مع خطيبتك مي بص يا ابني انا معنديش خروج

 احمد: يا عم عادل طيب مرة المرة حتى اللي بعد الخطوبة و احنا اتخطبنا الحمد لله

عم عادل : خلاص يا ابني المرة دي بس بعد كده مفيش خروج الا بعد كتب الكتاب

 احمد: خلاص ماشي يا عمي و اوعدك مش حنتأخر

عم عادل : ماشي يا أبني والله يسعدكم

 احمد: الووو ازيك يا حبيبتي

مي: اممم عامل ايه يا احمد

احمد: كويس طول ما انتي في حياتي

 مي: الله يخليك

احمد: عايز اعترفلك بحاجة ممكن

مي: ايه هي الحاجة دي

 احمد: حاسس ان بحبك

مى: بالسرعة دي ليه كده

احمد: معرفش انتي عملتي ايه في قلبي خايف لتكوني سحرالي 😂

مي: غيرت الموضوع

 احمد: بدأت الاحظ كل ما اجيب سيرة الحب تغير الموضوع بس مش عارف ليه بتعمل كده

احمد: انا اتصلت بوالدك و حددت ميعاد عشان نخرج سوا مع بعض

مي: و هو وافق اننا نخرج مع بعض

 احمد: ايوة و اتفقنا على يوم الاحد سوا

مي: خلاص ماشي

 احمد : حتوحشيني يا قلبي

مي: اممممم تصبح على خير

نترككم مع الجزء الثالت باقي القصة