ظلمني فاحبني

بارت 2 ( ابشع ليلة دخله )

اهلا بالبارت الثاني البارت الاول جان قصير بس هذا البارت يعوضكم عن الاول

قرائه ممتعه 🤍...

****************

اسيل : شلونكم... طبعا رقية راحت نامت

راح اكمل السالفة سوه
يلا نبدي : ..

غيث : تمشين عدل و بدون اي كلمة طبين يم الشيخ و تكولين موافقة و تاكلين خر* و تنجبين

اسيل : ماما احجي ويا حبابه

رغد ( ام اسيل ) : ماما والله مو مال زواج بعدها يادوب عمرها 15 سنه و حتى لو تتزوج تطلگ و ترجعلنه

غيث : يمه انته هواي تعلسين اني ما يهمني تطلگ او تموت او تتزوج او اي شيء الي يهمني المهر مالتها اكون صريح وياج احنه كاتلنه الفگر و مهرها اشتري بي سيارة و اشتغل بيها

علي : لا شنو سيارة يمعود تروح تتفجر نفتح محل بالباب و نبيع للجوارين اريح و احسن

ليث : اي اني هم هيج اگول احسن

رغد : تتناقشون على طيحان حظ اختكم و فوگاها مهرها تاخذونه

اسيل : يمه خل ياخذون المهر بس لا يزوجوني أه أه أه ( بجي )

رغد : شوفت عينكم ما تعرف حتى شنو المهر ما ينكسر گلبكم شوية يا ظالمين

علي : يمه ليش ظالمين فوگ ما ندور مصلحت اختنه

ليث : اي يمه صحيح تره مصلحتها بالزواج و هيه بعدها صغيرة و الرجال جبير و هوه يربيها احسن من ما باقية بهاذا الفگر

علي : و بالنسبة للمهر احنه ما ماخذين حقها احنه ظامنين حقها

غيث : شلون ؟

علي : احنه راح ناخذ المقدم مالتها و نفتح بي محل و اي شيء تحتاجة من المحل تجي تاخذ بلاش و من بكبر المحل الها حصه بي
احسن من ما يصير عدها ذهب و رجلها يقنعها بكلمتين و يبيعه
مو غيث لو لا

غيث : ها ... اي اي صحيح

رغد : تره اعرف شنو الي بالكم تره اني امكم و مربيتكم و اعرف وين تريدون توصلون

غيث : هههه و وين نريد نوصل منلگه احسن من الرجال هذا عمره 26 سنه و يشتغل كيه ( عبرية ) و بيتهم جبير و ابو خير من الله بالعيادة

رغد : انته تدري شنو سمعته بالمنطقة

غيث : اي اعرف و اي رجال يسوي هيج

ليث : بلا احجيلي شنو سمعته ما اعرفة هواي

رغد : ها لعد تريد تزوج اختك و ما تعرف نسيبك منو
و انته الثاني شنو قصدك كل رجال هيج يسوي انته تدري ابوك عاش و توفه ما باوع على وحده غيري
لو شنو ابوك ما تعتبره رجال

غيث : لا قصدي يعني من يتزوج يتوب و يعوف هذني السوالف

رغد : و شنووووو اليضمممممن