مرحبا شلونكم
اني رقية بنت اسيل صاحبة القصة
طبعا جنت احجي وي علي و كالي اريد اكتب رواية و اني رحت اخذت اذن من امي و كلتله على قصة امي و كالي احجيلي اياها
علي : اي رقية احجي
رقية : اي علي امي تكول ...
***
القابله : مبروك اجتك بنيه
بلاسم ( والد امي ) : اهوووو شنو بنيه بهل فگر اني اريد ولد يشيل اسمي و يوكلنا بنيه شنووووو ( نبرة بصياح )
رقية : ماما ليش ما جان جدو يريدج ؟
اسيل ( امي ) : رقاوي حبيبتي بسنة ال93 جان بوكتها حصار و كلها ميته جوع و جانو العالم لو ما يخلفون لان ما يريدون يزيدون مصاريف و يزيد الجوع او يخلفون هواي و بشرط بس ولد حتى عياونوهم بالمصاريف ، ف اني من اجيت للدنيا جان بوكتها حصار و بعد انتي افتهمي ليش هيج كال و الصراحة اني ما الومه لان جان الوضع مو زين بشكل فضيع ..
رقية : اي ماما زين منو كالج هوه هيج كال
اسيل : عمي النذل كالي
رقية : ليش شو النذل
اسيل : هوه الي يتمني و اني بعمر 7 سنوات و كالي هاذا الكلام بعمر 7 سنوات ما اعرف ليش و رحت گلت لابوية و ابوية كالي اي صحيح و شرحلي ليش هيج كال و اني طفلة و تفهمت بس شوي ضجت
و من بابا شافني ضايجة گالي اروح اجيبلج دوندرمه ( ثلج مجمد ملون بجيس يحبه الاطفال بالصيف الحار )
اسيل : اي بابا عفية اريد لون الاحمر
بلاسم : اي صار بس اهم شيء ما تضوج اميرتي
اسيل : هههه ما اضوج منك بس اجي وياك
بلاسم : بنيتي الدنيا حارة اجيبلج و امر على عمج رضوان و اجي ( عمي النذل الغدار )
اسيل : ماشي بابا الله وياك
و ياريت لو ما كايله الله وياك و مخليته يروح
سديت الباب و حسيت بواحد بگلبي يكول كليله لا تروح
رقية : ليش ماما ؟
اسيل : جدج رجع و بأيده الدوندرمه و لونها احمر مثل لون جسمه ما كدرت اميز بينها وبين جسمه
رقية : ليش جدو مو جان حنطاوي
اسيل : بنيتي قصدي من كثر الدم الي مغطي
رقية : شنو ليششش
اسيل : جدج من وره الورث راح تعارك وي عمي رضوان الي اكل حقنه بالورث و عمي رضوان غدره بالكرك و ضربه ضربات كلش قوية و جدج منهزم منه و رجع علينه ركض و بس دخل الباب وكع و من وره النزف توفه ...
رقية : لا يا كلب هذا عمج رضوان و شنو خوالي ما كتلو و اخذو ثار جدي
اسيل : لا رضوان شرد و بقه 9 سنوات تقريبا شارد
رقية: شنو معقولة ما اخذتو حقكم من جهاله او بالقليل اخذو حقكم بالورث
اسيل : لا بنيتي ولد عمي رضوان جانو عصابجيين ( العمل في عصابة ) و هددو اخواني و اخواني جانو مو كلش كبار و كالو لا طالبون بحقكم ما دام ابونه ما موجود احنه ما النه دخل بالموضوع
رقية : ليش خوالي شكبرهم جانو بوكتها
اسيل : خالج علي جان عمره 19 و خالج ليث 17 و خالج غيث اكبر واحد 21
و خالتج مريم 12 سنه و اني اصغر وحده 7 سنوات
رقية : اها هيج اعماركم زين و الشرطة شنو وضعهم
اسيل : اصلا ما وصلنه الشرطة
رقية: ليش ؟
اسيل : ولد عمي وره ما مات ابوية ب5 ايام ردنه نشتكي و راح خالج غيث لمركز الشرطة و قبل ما يوصل لزمو ولد عمي بدربونه ( فرع ) و هددو و ضربو و شالو 3 من اظافره من مكانها و خفنه لا يكتلونه و سكتنه
رقية : ياااا ليش هيج منعولين هذوله ولد عمج
اسيل : هههه لا حبيبتي مو بس ولد عمي احنه نسل جدي كلهم خباثه و حقد و كره و من ضمنهم خوالج
رقية : شنوو... خوالي ليش...؟؟
اسيل : اني من من مات ابوية جنت ناجحة للثاني ابتدائي اول ما توفه ابوية بطلوني من المدرسة خوالج
رقية : ليش
اسيل : بحجة مصاريف و جان ابوية المعين الاكبر بالبيت و اخواني يطلعون شيء قليل مو مثل ابوية ف بحجة مصاريف بطولوني
رقية : هوه شكد علساس المصاريف بس حگ مقاطيط و مساسيح و اقلام و دفاتر مو هواي
اسيل : لا مو بس هاي جان بوكتها الدوله ياخذون فلوس من الطلاب
رقية : اها لعد حقهم
اسيل : لا مو حقهم اني جان عندي صديقة بالاول ابتدائي السنه كلها هيه تدفعلي لان اهلها تجار مادري شنو و عدهم فلوس و الي ياخذونه مني المدرسة بالنسبة الهم لا شيء
و بوكتها السنه الثانية اول سبوع من ما اجيت للمدرسة اجتي صديقتي الي للبيت
و كلتلها على الموضوع و ثاني يوم اجه ابوها و جايب ظرف ويا بي فلوس لمصروف دارستي لسنه كامله
رقية : اي هم زين ....بس خوالي شگالو ؟
اسيل : اخذو الفلوس و كالو اي نرجعها و ممنونين منك ابو رهف
رقية : اي و رجعوج لو لا ؟
اسيل : اي رجعوني سبوع واحد و بطلوني و راحو على ابو رهف و كالوله احنه ما عدنه بنات يدرسن و احنه ولد عشاير و فلوسك ما ننطيك اياهن و اذا تريدهن سويها عشاير و نحلف ما انطيتنه شيء
رقية : اف اف شنو هذوله ...بس شنو قصدهم ولد عشاير ليش بنات العشاير ما يدرسن
اسيل : لا ليش ما يدرسن بالعكس هواي اكو بنات شيوخ و عشاير واصلات و مثقفات بس همه اخذوها حجه و خوفو الرجال بيها و الا العشائر مو هيج
رقية : اي مو اگول شدخل العشائر بالموضوع
زين ماما وره ما بطلتي شصار
اسيل : بقيت شيء اعتيادي بالبيت انظف و اكل و اصلي و انام لا اكثر ولا اقل و بقيت على هاي الحالة لحد ما صار عمري 15 بعام 2008 ...
يتبع .....🤍🪐
الانستغرام: 06nxt
علي المرتضى 🥀🍂 ...
البارت الاول قصير بس الجزء الثاني نعوضكم بي
أنت تقرأ
ظلمني فاحبني
Romansزرعت أوجاعي في حقل من التجلد فنلت أفراحاً ..I sowed my pain in a field of steadfastness, so I reaped joy ظلمها و ظلمها و تحملت و صبرت و بعدها اتى الفرج بحب لا يوصف بحب لا يتخيله العقل 🤍...ولكن بعد اي احداث ... بعد اي حدث تحمله قلبها 🖤 رواية واقعي...
