ផាំង!!
សម្លេងគ្រាប់កាំភ្លើងបន្លឺឡើងនៅក្នុងបន្ទប់គេងរបស់ខ្ញុំ លាន់ខ្ទរឡើង
ឈាមក្រហមឆ្អៅក៏ចាប់ផ្តើមហូរចេញមក ប្រលាក់ជោគអាវដែលពាក់ នៅលើខ្លួន ដង្ហើមចាប់ផ្តើមដង្ហក់ កាំភ្លើងក៏បានធ្លាក់ចុះពីដៃ ដោយផ្ទៃមុខដាមទៅដោយទឹកភ្នែក រលឹកដល់មនុស្សជាទីស្រឡាញ់
តើខ្ញុំអាចព្យាបាលរបួសបេះដូងដែលកំពុងតែឈឺចាប់នេះដោយរបៀបណា?
ពិភពលោកទាំងមូលរបស់ខ្ញុំបានរលាយបាត់ហើយ បន្ទាប់ពីអ្នកចាក ចេញទៅ
តើខ្ញុំអាចស្វែងរកក្តីសង្ឃឹមនៅថ្ងៃថ្មីបានដោយរបៀបណា នៅពេលដែលមនុស្សដែលខ្ញុំស្រលាញ់បានចាកចេញទៅ?
ក្នុងចិត្តរបស់ខ្ញុំពោរពេញដោយការចងចាំអំពីអ្នក ពីអ្វីទាំងអស់ដែល ពួកយើងបានចែករំលែក និងធ្វើរួមគ្នា
ខ្ញុំត្រូវការប៉ះពាល់របស់អ្នក និងការឱបដ៏កក់ក្តៅរបស់អ្នក ចង់ឃើញ
រូបរាងខ្ញុំនៅក្នុងកែវភ្នែករបស់អ្នក ស្នាមញញឹមនៅលើមុខរបស់អ្នក
ក្តីសុបិន្តរបស់ខ្ញុំគឺពោរពេញទៅដោយការថើបដ៏ទន់ភ្លន់របស់អ្នក
ខ្ញុំភ្ញាក់ពីគេងហើយយំចំពោះអ្វីដែលខ្ញុំបាននឹកឃើញអំពីអ្នក
តើខ្ញុំត្រូវព្យាបាលរបួសបេះដូងមួយនេះដោយរបៀបណា ពេលដែលខ្ញុំនិងអ្នកបែកគ្នា មិនអាចជួបគ្នាបន្តទៅទៀតបាន?
"បេះដូងរបស់បងនឹងស្រលាញ់តែអូនម្នាក់គត់ក្នុងមួយជីវិតនេះ"
"បើគ្មានអូន...បងក៏មិនត្រូវការរស់នៅលើលោកនេះទៀតដែរ!"
ពេលវេលារបស់យើងនៅជាមួយគ្នាគឺមានតម្លៃ ទោះពេលវេលាល្អៗ ជាមួយគ្នាមានតិចតួច ប៉ុន្តែខ្ញុំស្រឡាញ់អ្នក...អ្នកគឺជារបស់ដ៏មានតម្លៃក្នុងជីវិតរបស់ខ្ញុំ
"បងស្រឡាញ់អូន! ស្រឡាញ់អូនតែម្នាក់ ហើយក៏នៅតែស្រឡាញ់អូនរហូតទៅ Jimin..."
សម្លេងខ្សឹបខ្សួលបានបាត់ទៅ ភ្នែកក៏បានបិទរួមជាមួយទឹកភ្នែក ហូរចុះមកជាលើកចុងក្រោយ នៅលើផ្ទៃមុខមានស្នាមញញឹមសម្រាប់មនុស្សដែលខ្ញុំស្រឡាញ់ ស្របពេលដែលបេះដូងមួយនេះឈប់ដើរបន្តទៅទៀត....
