قيود العوف

Part 45

#قيود_العوف
بقلمـَي: ريتـَا

‏ سألوني ياهو الأعز
روحك بوكت الحرب
لو ماي وكت العطش
گلتلهم عيونك .

لتنسون التصويت + التعليقات بين الفقرات + متابعة حسابي قلبي ❤️‍🔥

شبابات صوتوا دوسوا علىٰ النجمَة لتنسون مُهم🤏🏻
________________________________

نهضت بسرعة جبت الحاسبة واجيت حطيتها على الطاولة وگعدت أخذت الفلاش وشغلت الفيديو طول فترة تشغيلة انا جامدة بمُكاني وعيوني تتوسع بصدمة ويه كل ثانية تمر بيه فتحت الملف وشفت الصور الي بيه ..

وگف عقلي ضحكت بحرگة گلبب ضربت الطاولة بأيدي حييل وداخلي مشتعل نااار وجهت نظري لقاسم شد علىٰ فكة وگال ..

-قاسم: ههههه ولك وانه اگول خانسين مالهم حس ولا تشوفهم عيني أثاري العزيزين متفقين وي الك**  ويشتغلون من داخل بيتهم

-رغد: كل شيء توقعت ألا هذا الشيء ماخطر حتىٰ علىٰ بالي ماااخطرررررر خلف ؟؟ خلف يسويهة ؟؟

-قاسم: إذا أمه غرور ليش تنصدمين من العااار

-رغد: شلون وصل اله وين عرف حامد ؟ وشلووون أتفق وياه قاااسم هذا يخاف يتحرك خطوة خنيث ما تتذكر ؟ملابسة أمه تشتريهن اله كل حركة يتحركها غرور تعرف بيها يعني چانوا يعرفون كلهم يعررفون ومخططين علينا !!

رفع راسة وهزة بثقل وگال ..

-قاسم: أكيد يعرفون أكيد بس أكو شيء بعدني ماطحت بيه شلون حامد گدر يخليه ينفذها أكو سبب

-رغد: همة يكرهونة مايردونة العائلة كلها تتمنىٰ تخلص من عندنا وأولهم أبوك وزوجتة يعني مثلاً بقت علىٰ الأولاد

-قاسم: لا هذا مو سبب رغد ام جُمان شنو دخلها ماعندهم حتىٰ عرف بيها حتىٰ غرور تحطها براسها

-رغد: نگول مو سبب بس هم يفيدهم لو فعلاً المعلومات الحقيقية واصلة لحامد ومقدمها ضد عوف چان خسر شغلة وأتحاكم واتعاقب وأنتَ تعرف شگد غرور تتمنىٰ تخلص منه وتسوي كل شيء علمود تكسر گلبة وتطيحة بشغلة

-قاسم: وياچ بس مو هذا السبب الرئيسي و رغد همة مو أذكياء لدرجة يتخلصون من أقل شيء يخلينة نوصل ألهم ماعندهم هاي الامكانية حتىٰ يوگفون كاميرات فندق بكبرة وكاميرات الشارع والمحلات ويحسبون حساب لكل شيء مُمكن چان يفيدنا

اتنهدت صفنت لثواني وحچيت ..

-رغد: يعني أكو سبب واحد جاي يفتر براسي