قامت وهي تشوف شمس الرياض الي متوسطه البيت داخله من دريشة غرفتها فزت بكل تعب بعدم تصديق ان الاجازه بدت همست بتعب : واخيرآ اف ما وراي هم جامعه الحمدالله
وديمه بصوت عالي : غزاللللل يا بنت غزاللل
غزال : جايه جايه توني قمت بنزل
توجهة لدورة المياه غسلت وجها وفرشت اسنانها ورفعت شعرها وبدلت ملابسها ونزلت
غزال: شسالفه ابوي وخواني وين
وديمه : جايين
غزال : وين كانو
وديمه : يشترون سياره ب اسم نايف
غزال : صدقققق يحياتي نيوففف مستانس الحين
وديمه : جهزي شنطتك ترا بنروح فالليل
غزال : بنمشي اليوم فالليل من صدقكم ؟
وديمه : اي غزال اجل نروح في عز شمس الرياض
غزال تضايقت انها بتروح الديره لكن في نفس الوقت استانست انها بتشوف بنات عمها
دخل وهو رافع المفتاح في يده ركضت تمضه بقوه وتبارك له على السياره الجديده
غزال : مبروك يا حبيبي تتهنى فيها يارب
نايف : يبارك فيك حبيبتي
غيث : قسم بالله قهر كان خذيت لك لكزس ولا شي فخم راح اخذ سيرا
غزال : و سيرا
نايف : اطلعي الحوش شوفيها
غزال ركضت برا وطلع وراها نايف شهقت من شافت السياره الي يكسيها اللون الاسود و مرتفه ولها صندوق
غزال : مشاءلله نايف تاخذ العقلللل تجنن احب السيارات الي كذا
نايف : اخذ فيك فره
غزال : والله صادق اصلن ابي السوق
نايف : تم اركضي جيبي عبايتك وتعالي
غزال طلعت ركض وهي ترمي له بوسات اخذ عبايتها و نقابها و لبست شوزها و طلعت تركض وقف قدامها غيث
غيث : على وين
غزال : بروح السوق مع نايف
غيث : وتسحبون علي يالكلاب
نايف : محد سحب عليك يا رجل
غيث : بديت تغدر فيني يا نايف
نايف : يا دراما ترا بودي اختي بتجي ولا خليتك ومشيت
غيث : لا لا شدعوه سمعً وطاعه اخوي نايف
نايف : غصب
غيث : خلاص تراك فليتها
غزال : بس انت وياه اخلصو علي برجع اجهز شنطتي ترا ما عندي وقت
ركبو السياره غيث ونايف على البابين و غزال فالنص
غزال وهي تحسس السيارت والشاشه : طيب ليه خذيتها مرتبه وحده
نايف : وشو انا عزابي من بيركب معي يعني وانتو ثنين
غزال : و زوجتك بعدين
نايف تذكر حلا الي ما كلمها صار له يومين : يحلها الف حلال حزتها
غزال : طيب انت خاطب شلون يعني
نايف : غزال فكيني من هالسيره والي يرحم لي والديك
غزال : طيب
لفو لطريق وهم كل واحد وهمه واكثرهم هم نايف الي صار له سنتين خاطب وهو ما يبي يتزوج يحس انها ما تناسبه متكبره وشايفه نفسها لكنه يخاف يخاف يخليها لانه متعلق بس ما يحب متعود بس ما يحب كلشي يحس فيه الا الحب
نزلو المول بدت غزال تتنقل من محل لمحل ثاني وتشتري الاغراض الي تبيها
رجعو البيت وكلهم منهلكين
عبدالله : اخيرآ جيتو رتبو شناطكم بسرعه عشان نجهز ونمشي عندكم ساعه ونص بسرعه
غزال : بابا بس ساعه ونص شدعوه
عبدالله: اذا رحتي الحين بتخلصين بسرعه
طلعت فوق وهي تتسابق مع غيث على الدرج
عبدالله : نايف انت و غيث مع بعض وانا باخذ امك واختك
نايف : خذو غيث بيغثني خلو غزال معي
عبدالله : تفاهم معهم
طلعو فوق وبدا الكل يرتب شنطته يستعدون لديره وللاجازه الي بيقضونها هناك ثلاث شهور جهزو اغراضهم ونزلو شناطهم وبدو يعطون العفش في الحوض حق سيارة نايف
غزال : انا بركب معك تكفى
غيث : ورعه اذلفي مع امي خلينا عيال بروحنا
نايف : انت الي اذلف مع امي بتركب معي هي
غيث : لا صدق قمت تجحدني يا الجحود
نايف : ابوي يبيك معه خلك معه اذا نعس سق انت
غيث : يعني تصرفني الحين والله فيك يالكلب انقلع
نايف : شفيه ذا زعل
غزال : بعد شوي بينزل يضحك لا يغرك
نايف : اركبي اركبي
مسكو الخط وتوجهو لديرتهم الي تبعد عن الرياض 152كم
غزال وهي تشوف الضيقه في وجهه : نايف
لف عليها : هلا
غزال : ما تبي حلا صح
نايف : غزال سكري الموضوع
غزال : لين متى نسكره اذا ما تبيها قولي انا بفهم البنت ما تعلقها كذا
نايف : يختي مدري مدري
غزال : انت تحبها
نايف : تبين الصدق لا
غزال : طيب طلق
نايف : ابوي بيلعن خيري
غزال : نايف ذا نصيب وش يلعن خيرك طلق انا بكلم بابا
نايف : اخاف
غزال : ليه
نايف : لاني تعلقت
غزال : كيف يعني
نايف : يعني تعودت عليها بس ما احبها
غزال : نايف لا تضحك على نفسك
نايف : اف يا غزال ما اعرف وش اسوي الصدق
غزال : طلق بترتاح اصلن اصارحك بشي بس ما تزعل
نايف : وشو قولي
غزال : الصراحه اني مب بالعتها يعني ما اترحت لها ابد شقراء تخوف
نايف بضحك : غزال حرام
غرال : والله صادقه حركاتها شايفه نفسها على ولا شي
نايف : بس غزال
غزال: خلاص اوكيه
نايف : صبي لي شاهي
غزال : ابشر
صبت له ولها شاهي مسكو خطهم وقدامهم سيارة ابوهم كانو يضحكون ويسولفون ويسمعون اغاني وشيلات كانو في قمت الراحه
