واحد وسبعون يوم في شقة نوران❌🔥

البارت الثامن🌪🔥

(الحلقه الثامنه)

_مفيش جنين في بطنها!

سمعت الجمله وانا منهاره او مذهوله مصدومه شوية مشاعر متلغبطه مش عارفه احدد

خرجو الدكاتره وبعد شويه دخل خالد حاولت اعدل من نومتي بس معرفتش جيه هو لحد عندي ومسك إيدي وقال:

_خليكي زاي مانتي

اتكلمت ودموعي على خدي بصوتي المبحوح وقولت:

_يعني اي مفيش جنين في بطني

اتنهد وبص للأرض وقال:

_مش عارف اللي اعرفو اننا لازم نمشي من هنا عشان الدكاتره هيبلغو إدارة المستشفى وممكن يحصل مصيبه

_مش قادره اتحرك يا خالد

مالحقتش اكمل الجمله وهو شالني وخرج بيا من المستشفى ركبني عربيته وساق وبعد شويه كنا وصلنا نزل شالني وطلع بيا البيت

كنت قاعده على الكرسي بحاول اخد نفسي وانا بقول:

_ازاي مكنش فيه جنين وانا ولدت يا خالد عشان خاطري رد عليا انا مش فاهمه حاجه وفي نفس الوقت تعبانه وحاسه اني فعلآ لسه ولده

اتنهد وقال:

_زاي ما قولتلك الجنين بيكون نص بني ادم ونص جن غالبآ النص الاكتر في جسمه جن و .. وعشان كدا

_عشان كدا اي يا خالد اي اللي حصل؟

_يعني ابوه خدو

_ابوه؟

_امم

_ومين ابوه اصلآ

_واحد من الجن يا روز

عيطت حطيت إيدي على وشي وانا بحاول استوعب اللي بيحصلي جيه خالد ل عندي باس راسي ومسح دموعي وقال:

_انا خايف حالتك تسوء ومش عارف الجن ده عايز منك اي او ابنك راح فين لازم اسافر

بصيت ليه بصدمه وقولت:

_تسافر ليه عشان اي يا خالد ؟

_اعرف واحد صحبي يعرف شخص نصه جن ونصه بني ادم والشخص ده عنده معرفه ومعلومات كتيره ممكن يفيدنا

_طب وانا خدني معاك

_مش هينفع تيجي معايا انا هاخدك تقعدي في البيت عندي مع حبيبه اختي اخاف اسيبك في الشقه دي لوحدك وإن شاء الله هنلاقي حل وهترجعيلي يا حبيبتي

قالها وهو بيبوس راسي تقريبآ بقا عندي امل جديد بصيت ليه بحماس وقولت:

_طيب احضر هدومي؟

_لاء انتي مش هتاخدي ولا حاجه من هنا حتى هدومك اللي انتي لابسها اول ما نوصل تقلعيها وتترمي

_طيب

قولتها ونزلت انا وهو روحنا ل بيته اخته عارفني كانت مرحبه بيا ومبسوطه ب وجودي خدت غيار من عندها وخدت دش ولبست وخرجت نمت في اوضة حبيبي وعلى سرير حبيبي وهو اطمنا عليا انا واخته وجاب طلبات البيت وساب لينا فلوس عشان لو احتاجنا حاجه ومشي