واحد وسبعون يوم في شقة نوران❌🔥

البارت التاني🌪🔥

(الحلقه التانيه)

"نوران"

بعد ما الظل ده اختفى بدأت احاول اعرف انا فين او اي اللي حصلي المكان اللي كنت فيه مكان كبير واسع ضلمه ووانا بجري وقعت على حديده صرخت كنت فاكره ان الواقعه هتوجعني

بس محصلش حاجه مع انها كانت حديده قويه لمحت ب عيني مسمار فيها حطيت إيدي على المسمار جامد كنت منتظره اني اتشك مثلآ او اتعور بس محصليش حاجه!

انا بقيت شفافه؟

قعدت وضميت رجلي حوالينا إيدي وانا بفكر في الشقه بتاعتي لو مكنتش سمعت كلام صحابي في موضوع التخاطر مكنش كل ده حصل!

رفعت وشي امسح دموعي بس الغير متوقع لقيتني في شقتي!

قومت وانا مبسوطه كنت فاكره اني بحلم وفوقت جريت على الحمام اغسل وشي بس المياه مكانتش بتلمسني رغم ان إيدي كانت تحت الحنافيه مسكت مرطب للبشره بتاعي احط منو ف وشي بس مكنش بيتحط حاجه لأن إيدي كانت بتعدي جوه وشي اصلآ لأني ب الفعل بقيت شفافه!

واتضح إني مكنتش بحلم دي كانت حقيقه جيت اخرج من الحمام بس لمحت ب عيني كلام على المرايا ب لون احمر كان دم كان مكتوب:

"لو الشقه مولعتش انهارده ب شخص جديد هتموتي يا نوران"

اترعبت مكنتش عارفه اعمل اي اتصرف ازاي اجيب حد عندي في البيت ازاي؟

مسكت ورقه وقلم جربت اكتب اشوف إذا كان هينفع ولا لاء ونفع كتبت اني عامله لعبه اسمها البحث عن الكنز ورسمت في الورقه حاجات كتير تدل إن الكنز في الدولاب عندي

وحطيت الورقه على التربيزه وقعدت استنيت حد يجي من صحابي اللي اتعرفت عليهم امبارح انا واثقه ان حد فيهم هايجي يسأل عليا ومن بعد اكتر من أربع ساعات الجرز رن

بصيت في العين السحريه كانت داليا فتحت الباب وكنت طبعآ شفافه فا هي مشافتنيش دخلت وهي بتقول:

_اعوذ بالله من الشيطان الرجيم الباب فتح لوحده ولا انتي بتعملي مقلب يا نوران

شافت الورقه اللي على التربيزه وقراتها وقالت:

_نوران انتي انسانه فاضيه بجد يلا اطلعي خليني اديكي المحاضرات اللي فاتتك

فضلت واقفه شويه وهي بتنادي عليا ولما مكنش فيه اي استجابه كانت هتمشي

ووقتها كان لازم أتدخل قفلت الباب قبل ما تخرج

داليا اترعبت فضلت واقفه مكانها وهي بتقول:

_نوران مبحبش الهزار ده انتي فين اطلعي

مكنش فيه فايده انها تدخل اوضتي ولا تفتح الدولاب فا مسكت إيديها شديتها على اوضتي كانت بتصوت بتصرخ مرعوبه بس مكنش قدامي حل غير كدا!