واحد وسبعون يوم في شقة نوران❌🔥

البارت السابع🌪🔥

(الحلقه السابعه)

نمت وصحيت تاني يوم الصبح واتصدمت لما شفت دم على السرير مفهمتش ده اي بس كان في اعتقادي إنها البريود بس الغريبه ان ده مش معادها ماهتمتش قولت يمكن هرمونات في الجسم

وقومت جهزت وصحيت منار عشان تجهز هي كمان ونروح نسأل على ميرنا عند اهلها

وبعد شويه كنا وصلنا المعادي عند قرايبها وسألنا عليها بس محدش فيهم يعرف انها جت القاهره اصلآ!

مشينا واحنا مصدومين مكنش في إيدينا حل غير اننا نستنى لأننا منعرش احنا ممكن ندور فين اصلآ

كنت قاعده بكلم خالد وبحكيلو كل اللي حصل

_تخيل منار فاكره ان فيه عفريت خدها

_ازاي؟

_لقت ورق على السطح رساله من شاب بيحذر فيها من الشقه وان الدولاب بيولع ومش عارفه ست وشها محروق ظهرت وحاجات غريبه كدا

_وبعدين

_عشان اثبت ان كلامها غلط دخلت جوه الدولاب ومحصليش حاجه

_هي بس تلاقيها قلقانه ومتوتره ومش عارفه تفكر

_صح عندك حق

_طيب يلا نامي عشان الجامعه بتاعتك

_حاضر

قفلت معاه ونمت بس جيت في نص الليل تعبت كان تعب رهيب مش قادره اخد نفسي ودوخه

وصحيت منار كان الوقت متأخر فا رنت على خالد قالتلو وجيه اخدنا ب عربيته وروحنا المستشفى

كنت مريحه على الكرسي بعد الكشف ومنتظرين تشخيص الدكتور وبعد شويه دخل الدكتور وهو بيقول:

_مبروك المدام حامل

كلنا اتصدمنا واولهم كانت انا قومت وقفت وانا بقول:

_ازاي الكلام ده

_تحاليل الدم بتقول كدا يا مدام

كنت لسه هتكلم بعصبيه واقولو انا مش مدام بس قطعني خالد وهو بيقول:

_متأكد يا دكتور ؟

_يعني اي متأكد هو حضرتك بتكلم خباز انا دكتور وده مجالي

_تمام احنا اسفين

كنا هنمشي لاكن خالد رجع وقف تاني وخد الدكتور على جنب اتكلم معاه في حاجه ورجع تاني

طول الطريق كنت بعيط وبحلف ان محدش لمسني لحد ماوصلنا الشقه وخالد كان معانا اتكلمت بعياط وانا بقول:

_والله محدش جيه جنبي صدقني يا خالد والله انا مش عارفه ده حصل ازاي

بص ليا ونفخ ب قلة حيله وقال:

_مصدقك يا سلسبيل اهدي بقا

بصيت ل منار وانا بقول:

_ماتقولي حاجه يا منار انتي معايا طول الوقت اختفيت عن عينك ثانيه عشان يحصل حاجه زاي دي