واحد وسبعون يوم في شقة نوران❌🔥

البارت السادس🌪🔥

(الحلقه السادسه)

بس مش همماني اي حاجه غير جوزي يرجعلي مشيت كتير لحد ما وصلت عند نهر النيل ما القاهره مفيهاش بحر فا هرميه في النيل وخلاص وبالفعل رميته وكنت واقفه منتظره عمرو يرجع ولاكن اللي حصل

إن طلع من الدولاب إيد شدتني جواه وحصل حريقه وانا في الدولاب في قلب النيل!

صرخت كتير حاولت اطلع حاولت اتقل وزني على أمل أن المياه تغطي على البحر لاكن محصلش حاجه!

فقدت الوعي وبعدها فوقت لقيتني في مكان ضلمه كله مريات لمحت في مرايا فيهم عمرو جوزي جريت عليه وانا بنادي ب لهفه ولاكن ظهر وحــــش دخل قرونه في بطني ومحستش ب حاجه غير اني اتحبست في مرايا من ضمن المرايات

واتجمعو مجموعة أشخاص فضلو يلفو حوالين النار وهما بيقولو:

_فرنسيس
_فرنسيس
_فرنسيس

وفجأه طلع من النار شخص بشع صعب عليا وصفه من كتر بشاعته اتكلم بصوت جحوي وقال:

_هانت كلها فتره والعدد يكمل ووقتها هنسيطر على كل الأرض

كلهم ضحكوا وقدام عيني دبحو طفل صغير وحطو دمه في كاس وقدامه للشخص البشع ده شرب من الكاس وهو بيقول:

_شمهروش ابني هيقوم بقيت المهمات شمهروش ابن فرنسيس هو هيبقا خاتم اخر حريق في الشقه

قالها وضحك ضحكه شريره واختفو كلهم والمكان أصبح ضلمه من جديد

وطبعآ عدت فتره وجيه ساكن جديد للشقه والمرادي كانو تلات بنات كانو جايين عشان دراستهم وهسيب واحده منهم هي تحكي ليكم ..

_هاي انا سلسبيل وجيت من اسوان للقاهرة انا ومنار وميرنا صحابي عشان نكمل دراسه

وانهارده اول يوم لينا في الشقه الجديده وفي الحقيقه مكنتش مهتمه ب اي حاجه هما كانو بيرقو ويرتبو وانا كنت بكلم خالد اه نسيت اقولكم ان خالد ده يبقا كتكوتي الماي لاف بتاعي يعني

بعد ما خلصت معاه كلام نمت وصحيت على الفجر قومت اكلت وحطيت روج وكنت بقلب في الموبيل على تك توك اشتغلت اغنيه بحبها فا قومت ارقص عليها وفي لحظه إندماج الستاره وقعت واتخضيت!

فا قعدت ومكملتش رقص كنت حاسه ب حاجه غريبه بس حاولت ما اهتمش ولما خوفي ذاد روحت صحيت البنات عشان نفطر سوا

_قومي يا ميرنا قومي يا منار يلا خلينا نفطر قبل ما ننزل

قامو البنات حضرنا الفطار وقعدنا كلنا ناكل اتكلمت منار وقالت:

_ست دلوعه هانم معملتيش حاجه من وقت ما جينا احنا سيبنا ليكي المواعين

_ماشي يا اختي

قولتها وسيبتهم وقومت اغير هدومي كنت حاسه ب حد بيراقبني بس ماهتمتش وخرجت ليهم وانا بقول:

_مش يلا ولا اي

ردت ميرنا وقالت:

_انا مش نازله انهارده محاضراتي هتبدا من بكرا

_طب يلا احنا يا منار

_يلا

نزلنا انا ومنار وروحنا الجامعه عدا يومنا بطريقه عاديه يومي مكنش لطيف غير لما قابلت خالد خدني وراح جابلي شاورما وشربنا بيبسي ووصلني انا ومنار ومشي

كنت طالعه مبسوطه طايره من الفرحه ولما طلعت مالقناش ميرنا

_راحت فين دي

ردت منار وقالت:

_تلاقيها هتجيب حاجه وجايه المهم اعمل اي مع تامر بقا اللي مش شايفني ده

_سيبك منو يا منار هو في واحده تحب واحد اسمه تامر

_ يعني وهو خالد هو اللي حلو ياختي

_لاء بقولك اي ده خط أحمر متغلطيش فيه

_طيب

قعدنا شويه والقلق ذاد لما ميرنا مرجعتش طلعنا نشوفها على السطح بس مكانتش موجوده

كنت بتكلم في التيلفون انا وقطعني منار وهي بتنادي قفلت مع خالد وروحت ليها

_اي لقتيها

_لاء بس اقرأي كدا الورقه دي

خدت منها الورقه قرأتها وبصيت ليها بساذجه وانا بقول:

_عايزه تفهميني اني لو دخلت جوه الدولاب ده هولع؟

قولتها وفتحت الدولاب قعدت جواه وقفلت الباب عليا ومحصليش حاجه

خرجت منو وانا بقول:

_بطلي عبط يا منار

_امال هتكون راحت فين بس!

_مش عارفه يمكن راحت ل حد قريبها مش قالت قرايبها ساكنين في المعادي باين

_بس كانت قالت

_الجو اتأخر يلا ننام وبكرا نروح ندور عليها

_طيب يلا

نزلنا انا ومنار كل واحد دخل اوضته منار نامت وانا فضلت سهرانه بكلم خالد لحد ما قفلت معاه وكنت هنام لاكن حسيت ب حد جنبي على السرير حسيت بنفس قريب من نفسي وإيد بتلمسني!

نمت وماهتمتش ل اي حاجه انا حساها اكيد بس احساس غريب عشان مكان جديد ونومه جديده وانا متعوده على سريري واوضتي

نمت وصحيت تاني يوم الصبح واتصدمت لما شفت..

يتبع...

#بقلم_شهد_محمد_جادالله