"نبعة المغوار "
"لـ مـيرنـا "
لا تنسون التصويت وتكتبون الي رأيكم بل حلقة لان كُلش يهمني.
___________________________
كعدت الصبح كـ العادة بنشاط وشبعانة نوم..
باوعت للساعة شفتها بـ 6:00
ابتسمت وكمت بنشاط وحيوية
من فراشي..
مزاجي عبارة عن سعادة وطاقة إيجابية تكفي الكون كلة..
وكـ العادة اول ما اكعد من النوم اروح للمرايا مالتي أصبح على نفسي اول شي .
شفت شكلي حيل ضعفانة وذبلانة
شفتي متفطرة..
شعري منكوش بسبب ما عندي اي شي اخلي اله..
بس اوييي عاد شبيج عيني سارة دكيتي اليتيمة هو الحلو حلو لو مدري شنو وبعدين هسة تكبرين وتدرسين وتشتغلين وعودين سوي كلشي يعجبج..
يلا بساع لا تسختين كومي شوفي شنو روتينج اليوم حتى تخلصين بسرعة ..
" احد الأساليب الي استخدمها وي نفسي انُ احجي وياها دائما او بل احرىٰ أحجي وي عقلي الباطني كلش هواي
وهل شي مقويني ومنطيني ثقة بنفسي لهيج دائما احجي وي نفسي اسمعها كلام حلو ما اضغط على نفسي ارضى بل شي الي عندي ما اتذمر على رزق الله او اكول ليش فلانة عدها واني لا اني شنو ناقصني
لا هذا الأسلوب مجرد يجلب طاقة سلبية آلية وبنفس الوقت مؤذي جدا ويخليك تشعر بل نقص
على عكس من احجي وي نفسي ينترس كلبي تفائل وعقلي افكار إيجابية برغم واقعي البائس بس كلتها بمرح :-
That's okay .."
كمت اشوف شنو روتين اليوم
قررت انُ اسوي حملة تنظيف على البيت وعلى الملابس كُلها
وارتب المطبخ واساعد بابا
واهتم بي طول اليوم
وهمات احرث ارض الحديقة مالتنا
"الي تتسمى كلشي الا حديقة هههههه"
وازرع بيها زرعة صغنونة
ومن بعدها اقرة جزء قرآن واصلي صلوات اليوم الواجبة وهيج راح ينتهي يومي..
كملت تخطيط وكمت غيرت ملابسي مال النوم الي هي عبارة عن دشداشة قصيرة "
ولبست لبس بيت ورتبت غرفتي المرتبة اصلاً
ونزلت باشرت شغلي بكل اريحية ومن خاطر طيب.
_اول ما بديت بل مطبخ الي مقلوب رأسا على عقب
رتبتة وقربت اخلص
وسمعت صوت!
الظاهر بابا كعد من النوم..
اجه يتوچة على عكازتة
:-بنتي سارة هاي انتِ كاعدة؟
_ اي بابا حبيبي ثواني اجيتك
بين ما مسحت ايدي من المي
سمعت صوت صيحة بابا
اهخخخ سارةةة ...
:- عزااا مو كتلك راح اجيك بابا شفت وكعت مو تعرف الكاع تزلك
رحت اله اركض ..
:- اسم الله اسم الله.
سودة علية حبيبي اشوف كوم يلا واستند علية
وتفضل عكازتك الزمها بايدك اليسار .
: اهخخ رجلي! مادري بنتي كاعد من وقت وحدي وتشنجت من النوم
وشفتچ ما اجيتي لغرفتي تكعديني كلت اكوم اشوفها وين؟ .
_ يا عمري عبالي نايم لهيج ما حبيت ازعجك.
المهم يلا يلا شنو ما صايرة قابل محد زالك و واكع
وحچيت ويا بضحكة حلوة تخفف عنه
هههههه" تكبر وتنسىٰ بابي"
